Jólahlaðboð Farsýslunnar verður haldið föstudaginn 18. nóvember í Þróttaraheimilinu í Laugardal. Húsið opnar með fordrykk kl. 18 og borðhald hefst kl. 19. Farsýslan býður upp á fordrykk, vín, bjór og gos með matnum og á meðan birgðir endast.
Verð: 4000 kr. fyrir félaga í Farsýslunni og 6000 kr. fyrir maka.
Hjálmar og Eva Ruza skemmta og Heiðar Austmann þeytir skífum á meðan borðhaldi lýkur.
Skráningu lýkur 10. nóvember.
dfsdfsdf
Matseðill kvöldsins:
Eins og þið hafið kannski tekið eftir eru fulltrúar NorType landanna (Noregs, Svíþjóð, Finnlands og Íslands) hér í húsi og hafa fundað síðuastu dagana. Þetta er í fyrsta skiptið síðan 2019 sem samstarfsfaðilarnir ná að hittast í raunheimum og var ákveðið að skella í myndatöku í hádeginu í gær af þessu tilefni (sjá mynd að ofan).
NorType er samnorrænn gagnagrunnur um tækniupplýsingar ökutækja sem við hjá Samgöngustofu rekum fyrir öll löndin sem eru í samstarfinu. Helstu verkefni deildarinnar eru:
Deildarstjóri: Kristinn Gretarsson
Netfang: nti@icetra.is
Staðsetning: 2. hæð, álma 2A
Starfsfólk:
| Auður Lísa Antonsdóttir | Skráningarfulltrúi |
| Hugrún Ósk Guðmundsdóttir | Skráningarfulltrúi |
| Íris Hlín Heiðarsdóttir | Skráningarfulltrúi |
| Kristinn Gretarsson | Deildarstjóri |
| Margrét Birna Björnsdóttir | Skráningarfulltrúi (Í verkefnum hjá Leyfisveitingum og ökunámi) |
| Margrét Gunnlaugsdóttir | Skráningarfulltrúi |
| Nína Dís Ólafsdóttir | Skráningarfulltrúi |
| Ólafur Arnar Gunnarsson | eCoC verkefnið |
| Sigríður Guðrún Kristjánsdóttir | Skráningarfulltrúi |
| Svanhvít Arnardóttir | Skráningarfulltrúi |
| Svavar V. Svavarsson | Sérfræðingur |
Það er hann Stefán Alfreðsson fagstjóri siglingaverndar sem velur föstudagslagið að þessu sinni. Um val sitt segir Stefán:
Ég hef ákveðið að velja lagið “What is love” með Haddaway.
Lagið “What is love” með Nestor Alexander Haddaway er eitt dansvænsta lag sem samið hefur verið og varð gífurlega vinsælt um allan heim á sínum tíma.
Þetta lag virkar mjög vel á danstaugarnar og líkaminn byrjar ósjálfrátt að hreyfa sig í takt við taktfast lagið með sínu sterka “hljómborðasándi”. Ef einhver kemst ekki í stuð við að heyra lagið mæli ég með því að viðkomandi leiti sér aðstoðar fagfólks. J
Ég skora hér með á Þóru Halldórsdóttur að koma með föstudagslagið í næstu viku.
.JPG?proc=singleNewsItem)
Ríkisstjórnin samþykkti á fundi sínum í síðustu viku að veita Slysavarnarfélaginu Landsbjörg fimm milljónir króna af ráðstöfunarfé sínu vegna endurgerðar á vefnum safetravel.is. Landsbjörg hefur rekið vefinn um árabil en hann er helsti upplýsingavefur almannavarna til að koma mikilvægum skilaboðum til ferðamanna, t.d. vegna umferðaröryggis, óveðurs, ófærðar eða náttúruhamfara.
Mikilvægi slysavarna ferðamanna hefur aukist á undanförnum árum samhliða mikilli fjölgun þeirra. Endurgerð vefsins safetravel.is er brýn til að auka upplýsingamiðlun og leita leiða til að ná til allra þeirra sem fara um landið.
Landsbjörg mun vinnur verkefnið m.a. í góðu samstarfi við okkur á Samgöngustofu auk fyrirtækja í ferðaþjónustu, Samtökum ferðaþjónustunnar, Veðurstofuna og almannavarnadeild ríkislögreglustjóra.
Hér má skoða umferðarhluta safetravel.is, mjög gott að senda tengil á þetta efni ef þið fáið t.d. fólk í heimsókn sem ekki þekkir til íslenska vegakerfisins og ætlar að keyra sjálft.
Ákveðnum áfanga var náð í umferðaröryggi á Íslandi þegar ný brú yfir Jökul á Sólheimasandi var vígð. Með tilkomu brúarinnar fækkar einbreiðum brúm enn frekar og hér eftir verður engin einbreið brú á Hringveginum frá Reykjavík og austur fyrir Kirkjubæjarklaustur.
Frétt af vef innviðaráðuneytisins 21. október:
Sigurður Ingi Jóhannsson, innviðaráðherra, tók í dag þátt í vígslu nýrrar brúar yfir Jökulsá á Sólheimasandi. Með tilkomu brúarinnar fækkar einbreiðum brúm enn frekar og hér eftir verður engin einbreið brú á Hringveginum frá Reykjavík og austur fyrir Kirkjubæjarklaustur.
Anton Kári Halldórsson, sveitarstjóri Rangárþings eystra, og Einar Freyr Elínarson, sveitarstjóri Mýrdalshrepps, klipptu á borða af þessu tilefni ásamt Sigurði Inga og Bergþóru Þorkelsdóttur, forstjóra Vegagerðarinnar.
Að lokinni opnunarathöfninni ók ráðherra fyrstur yfir brúna og á eftir honum fór Hörður Brandsson, sem fyrstur ók yfir gömlu brúna árið 1967. Bíll hans er enn á sama númeri, Z 25.
Í ávarpi sínu sagði Sigurður Ingi að eitt af forgangsmarkmiðum samgönguáætlunar væri að útrýma einbreiðum brúm á Hringveginum.
„Í dag færumst við einu skrefi nær því markmiði. Fyrir fjórum árum voru 37 brýr á Hringveginum einbreiðar, nú eru þær 32 og verða 31 við opnun nýrrar brúar í dag. Og það er ekkert lát á framkvæmdum. Ég er vongóður um að okkur takist að fækka þeim niður í 29 strax fyrir árslok því það stendur til að opna nýjar brýr á Hverfisfljóti og Núpsvötnum síðar á árinu. Þá eru ótaldar þrjár einbreiðar brýr sem munu færast utan Hringvegarins þegar umferð yfir nýja brú um Hornafjarðarfljót verður hleypt yfir,“ sagði Sigurður Ingi Jóhannsson, innviðaráðherra í ávarpi sínu.
Samkvæmt upplýsingum Vegagerðarinnar er nýja brúin er 163 m löng og tvíbreið. Heildarbreidd er 10 metrar. Hún er steinsteypt bitabrú í fimm höfum. Brúin liggur rúmum metra hærra en eldri brú en vegurinn vestan brúarinnar hefur verið lækkaður til að beina flóðvatni frá brúarmannvirkinu.
Verkfræðistofan Verkís sá um hönnunina en Mannvit um framkvæmdaeftirlit. Brúavinnuflokkur Vegagerðarinnar byggði bráðabirgðabrú norðan við gömlu brúna sem var notuð meðan á framkvæmdum stóð.
Brúin er sú þriðja sem byggð er yfir vatnsfallið. Sú fyrsta var byggð 1921 og sú næsta 1967.
Fyrir áhugafólk hér innanhúss um stafræna þjónustu þá er hér áhugaverð frétt af vef fjármálaráðuneytisins:
Mikill gangur er um þessar mundir í samstarfi Norðurlandanna og Eystrasaltsríkjanna á sviði stafrænnar þjónustu. Á nýlegum fundi ráðherra sem fara með stafræn málefni í þessum löndum (MR-Digital) var sérstaklega rætt um að samþætta þá tæknilegu innviði sem löndin hafa byggt upp, auka samvinnu Norðurlandanna og Eystrasaltsríkjanna í þjónustu þvert á landamæri og aukna sam- og hagnýtingu gagna milli ríkjanna.
Ráðherrarnir lýstu því á fundinum að löndin myndu áfram stefna að því að Norðurlönd og Eystrasaltsríki verði í fararbroddi stafvæðingar á heimsvísu og að samstarf þjóðanna á þessu sviði yrði treyst frekar. Er þar einkum horft til netöryggis, sérstaklega í stafrænni, opinberri þjónustu. Atburðir undanfarinna missera, svo sem stafrænn hernaður líkt og þekkst hefur eftir innrás Rússlands í Úkraínu, ásamt skipulagðri netglæpastarfsemi, undirstrika þörfina á að byggja upp varnir ríkjanna sem reiða sig mjög á stafræna þjónustu.
Jafnframt var rætt um nýtingu gagna til að auka aðgengi að sjálfbærri, stafrænni þjónustu og hvernig gagnadeiling styður við sjálfbærnimarkmið landanna. Markviss notkun gagna styður fyrirtæki og stjórnvöld í stafrænni vegferð og í átt að sínum sjálfbærnimarkmiðum. Á fundinum var þetta m.a. rætt í samhengi við fiskveiðar og matvælaframleiðslu á Norðurslóðum.
Frá því að MR-DIGITAL var komið á fót árið 2017 hefur nefndin unnið að sameiginlegum stafrænum verkefnum og þjónustum sem nýtast þvert á landamæri. Eitt verkefnanna, Cross Border Digital Services Programme, stuðlar að auknum hreyfanleika og samhæfingu innan svæðisins. Markviss uppbygging 5G er ennfremur eitt áhersluverkefnanna.
Áherslur Íslands á formennskuári norrænu ráðherranefndarinnar árið 2023 þegar kemur að stafrænni þjónustu munu verða að styðja við aukna þjónustu og deilingu gagna þvert á landamæri. Þrátt fyrir að mikil undirbúningsvinna hafi átt sér stað síðastliðin misseri er mikið verk óunnið sem Ísland hyggst beita sér fyrir í áframhaldandi samvinnu landanna.
Ísland tekur um þessar mundir þátt í í samevrópsku verkefni um rafrænt auðkennaveski (EU Wallet) og eru þrjú Norðurlönd og eitt Eystrasaltsríki hluti af þeirri umsókn. Að auki er unnið að rafrænu ökuskírteini, sem ætlað er að verði fullgilt ökuskírteini milli landanna þegar fram líða stundir.
Bjarni Benediktsson, fjármála- og efnahagsráðherra, sat fund ráðherranna og tók að því loknu þátt í ráðstefnunni Digital North, þar sem einkum var fjallað um sjálfbærni ríkjanna. Er það í takti við hina sameiginlegu yfirlýsingu ríkjanna, Digital North 2.0, hvar kemur fram að Norðurlöndin og Eystrasaltsríkin hafi það markmið að verða sjálfbærasta efnahagssvæði í heiminum. Á ráðstefnunni ræddi ráðherra sjálfbærni fiskveiða á Íslandi og hvernig nýsköpun í sjávarútvegi hefur leitt af sér aukna nýtingu á veiddum afla og þar með aukið verðmætasköpun.
Á föstudaginn heimsótti Jón Gunnar viðhaldsstöð Icelandair á Keflavíkurflugvelli og þjálfunaraðstöðuna í Hafnarfirði með Ómari Þór. Um heimsóknina sagði Jón Gunnar í síðasta föstudagspósti:
„Heimsóknin var mjög fróðleg og gaf mér innsýn inn í þann flókna veruleika sem flugreksturinn er. Í þjálfunaraðstöðunni bauðst mér að prófa flughermi og þá bæði í flugtaki og lendingu. Ég ætla nú ekki að fjölyrða um árangurinn og verð að viðurkenna að ég er mjög sáttur við að vera bara farþegi í því flugi sem gerist í raunheimum.“
Myndir segja meira en mörg orð og hér að neðan má sjá nokkrar myndir úr heimsókninni:
Í gær var kvaddur merkur listamaður þegar Svavar Pétur Eysteinsson aka Prins Póló var jarðsunginn frá Hallgrímskirkju. Við tileinkum honum föstudagslagið að þessu sinni. Prins Póló var orðinn þjóðþekktur fyrir sinn feril og á marga smelli sem einkennast af snilldartextum og húmor en oft með alvarlegum undirtón, skemmtilegum heimspekilegum pælingum og þjóðfélagsádeildu:
Hann er fagur halur
Magur sem mánudagur
Hann er gríðar svalur
Svag fyrir fínum vínum og vel skipulögðum innri rýmum
Hún er með mikinn sans fyrir smáatriðum
Dansar villta dansa allra kynslóða polka, ræl og valsa
Hann getur ennþá rappað þó að hann sé löngu orðinn pabbi
Hann er með sitt eigið lingó Hann er algert bingó
Hann er sléttur paPPi
Hún er kominn niðrí kjallarann
Dimman og saggafullan
Ætlar að setja í vélina
Og fara vandlega yfir stöðuna
Hver er skjótasta leiðin
Til að græða peninga
Hver er fljótlegasta leiðin
Til að fanga lífshamingjuna
Hvar er núvitundin
Er hún úti með hundinn?
Nei, hér er allt eins og það á að vera
Allir úti að vinna og brjálað að gera
Líf ertu a grínast
Hvað kemst ég langt
Á ég einhver séns að eignast gervipels
Blásanserðan bens án alls estrógens.
Hann er fagur halur
Magur sem mánudagur
Hann er gríðar svalur
Svag fyrir fínum vínum og vel skipulögðum innri rýmum
Hún er með mikinn sans fyrir smáatriðum
Dansar villta dansa allra kynslóða polka, ræl og valsa
Hann getur ennþá rappað þó að hann sé löngu orðinn pabbi
Hann er með sitt eigið lingó Hann er algert bingó
Hann er sléttur paPPi
Hún er kominn niðrí kjallarann
Dimman og saggafullan
Ætlar að setja í vélina
Og fara vandlega yfir stöðuna
Hver er skjótasta leiðin
Til að græða peninga
Hver er fljótlegasta leiðin
Til að fanga lífshamingjuna
Hvar er núvitundin
Er hún úti með hundinn?
Nei, hér er allt eins og það á að vera
Allir úti að vinna og brjálað að gera
Líf ertu a grínast
Hvað kemst ég langt
Á ég einhver séns að eignast gervipels
Blásanserðan bens án alls estrógens.
Hvílík snilld.
VIð tileinkum Prins Póló föstudagslagið að þessu sinni og þá með hans þekktasta lagi sem var titillag kvikmyndarinnar París Norðursins:
Sama lag á tónleikum á Kex hostel:
Verkfræðingafélag Íslands fagnar 110 ára afmæli um þessar mundir og á morgun, föstudaginn 21. október kl. 13-17, verður haldin ráðstefna á Hilton Reykjavík Nordica.
Fyrir liggur áhugaverð dagskrá þar sem fyrirlestrar og kynningar fara fram í þremur opnum sölum.
Markmiðið með Degi verkfræðinnar er að kynna verkfræðina, störf verkfræðinga og tæknifræðinga og ekki síst efla tengsl og samheldni meðal þeirra.
Siðareglurnar okkar hafa nú verið birtar á stefnuvef Samgöngustofu. Þeim er ætlað að endurspegla þau viðmið sem við erum sammála um að viðhafa í daglegum störfum og endurspegla gildin okkar: Jákvæðni, fagmennsku, traust og virðingu. Eftir góðar og gagnlegar umræður síðastliðið vor hafa siðareglurnar verið uppfærðar með vísun í siðareglur starfsmanna ríkisins. Uppfærð útgáfa sem send var starfsfólki með tölvupósti 24. júní hefur nú verið birt á stefnuvefnum okkar.
Með siðareglunum er gerð sýnileg sú ábyrgð, heilindi og háttsemi sem sátt er um að viðhöfð sé hjá Samgöngustofu. Vilji er til þess að vinna áfram með siðareglurnar, sem og gildin okkar góðu, þannig að þau verði sýnileg hér innanhúss og þjóni sem vegvísar í samskiptum. Allar hugmyndir um notkun og sýnileika eru vel þegnar, þær má senda í gegnum Bendil.
Þórhildur var í viðtali í Morgunútvarpinu í morgun en tilefnið var frétt af vegfarendum sem voru fastir í jepplingi á jeppaslóða á Kollafjarðarheiði í hátt á þriðja sólarhring. Fólkið hafði treyst á að Google maps vísaði þeim rétta leið með þeim afleiðingum að það fór slóða sem ekki er fær um þessar mundir.
Lögreglunni á Vestfjörðum hafði borist tilkynning um að fólk á leið frá Reykjavík til norðanverðra Vestfjarða hefði ekki skilað sér á áfangastað. Hófst þá leit í nágrenni þjóðvegarins á svæðinu frá Bjarkalundi að Flókalundi, en einnig á Dynjandisheiði, sem og Þorskafjarðaheiði og Kollafjarðarheiði. Þau fundust svo föst í jepplingnum á Kollafjarðarheiði eins og áður segir og var ástand þeirra tiltölulega gott að öðru leyti en því að það var nokkuð skelkað og kalt.
Nálgast má viðtalið hér en það byrjar á mínútu 45:10. Í viðtalinu áréttaði Þórhildur m.a. mikilvægi þess að undirbúa langferðir að vetrarlagi vel, að kynna sér vel leiðirnar, sjá til þess að bifreiðin sé í góðu ásigkomulagi og vera vel útbúin að öllu leyti.
Áfram höldum við að gefa út rafræn veggspjöld í röðinni 12 hnútar sem bæði eru aðgengileg á íslensku og ensku á vefnum okkar. Í veggspjaldi númer 10 er tekið á þeirri hættu sem fylgt getur slæmum og úreldum hefðum. Á veggspjaldinu er nú sem fyrr bent á fyrirbyggjandi aðgerðir til að koma í veg fyrir þær hættur sem af þessu geta stafað. Mikilvægt er að fólk líti ekki á það sem sjálfgefið að tiltekin venja sé besta og öruggasta leiðin. Það er jafnframt mikilvægt að vera óhrædd/ur við að gagnrýna og endurskoða hefðir.
„Æ þetta hefur alltaf virkað og ætti að gera það núna”. Þessi setning er ágætt dæmi um venjur sem fólk virðist ekki sjá ástæðu til að endurskoða. Þær hafa jú alltaf virkað þótt þær geti jafnvel verið á skjön við öryggisviðmið, reglur og viðhorf.
Vegagerðin opnar nýjan umferðarvef, umferdin.is, á morgunfundi nk. fimmtudag. Vefurinn mun sinna því hlutverki sem núverandi færðarkort Vegagerðarinnar hefur sinnt um árabil og flestir vegfarendur þekkja vel. Nýi vefurinn verður mun aðgengilegri, sérstaklega í snjalltækjum, og mun gefa mun meiri möguleika til framþróunar.
Vefurinn umferdin.is birtir færðar- og veðurupplýsingar Vegagerðarinnar sem nú má sjá á færðarkorti á vefnum vegagerdin.is. Búið er að færa færðarkortið og þær upplýsingar sem því fylgja til nútímalegra horfs. Sem dæmi er færðarkortið nú þysjanlegt og mun auðveldara að nálgast allar upplýsingar.
Nýr vefur mun einnig auðvelda Vegagerðinni að bæta og auka alla upplýsingagjöf og þróa til framtíðar. Í vetur verða bæði nýr og eldri vefur aðgengilegir og uppfærðir meðan reynsla fæst af hinum nýja vef.
Fundurinn hefst klukkan 9 í höfuðstöðvum Vegagerðarinnar, Suðurhrauni 3 í Garðabæ.
Allir er velkomnir en óskað er eftir að fólk skrái sig hér.
Fundinum verður einnig streymt fyrir þá sem heima sitja:
Fyrirspurnir er hægt að senda inn í gegnum slido.com aðgangskóði: #umferdin
Árleg Rannsóknaráðstefna Vegagerðarinnar 2022 verður haldin föstudaginn 28. október á Hilton Reykjavík Nordica, Suðurlandsbraut, kl. 09.00-16.30.
Dagskráin er fjölbreytt að vanda og endurspeglar það margháttaða rannsókna- og þróunarstarf sem styrkt er af rannsóknasjóði Vegagerðarinnar.
Sextán rannsóknaverkefni verða til umfjöllunar og samhliða veggspjaldasýning með um tíu verkefnum.
Styrkur rannsóknasjóðs Vegagerðarinnar liggur í því að styrkja verkefni á mjög breiðu fræðasviði þar sem ekki er endilega einblínt á hefðbundna vegagerð. Verkefnin falla þó undir fjóra almenna flokka sem eru: mannvirki, umferð, umhverfi og samfélag.
Ráðstefnan hefur alla jafna verið fjölsótt af starfsfólki Vegagerðarinnar, starfsfólki ráðgjafa- og verkfræðistofa, verktaka og almenns áhugafólks um samgöngur og rannsóknir.
Á ráðstefnunni í ár verður mest fjallað um rannsóknir sem fengu fjárveitingar úr rannsóknasjóði Vegagerðarinnar árið 2021.
Opnað hefur verið fyrir skráningar.
Almenn skráning – smelltu á hlekkinn.
| 09:00 | Setning ráðstefnu, Bergþóra Þorkelsdóttir, forstjóri Vegagerðarinnar |
| 09:10 | Byggjum grænni framtíð: Leiðin að vistvænni mannvirkjagerð, Þóra Margrét Þorgeirsdóttir, verkefnisstjóri Byggjum grænni framtíð og teymisstjóri nýsköpunnar Húsnæðis- og mannvirkjastofnunar |
| 09:30 | Aukið hlutfall á endurunnu malbiki í ný slitlög, Björk Úlfarsdóttir, Colas Ísland |
| 09:45 | Leir í malarslitlögum, Hafdís Eygló Jónsdóttir, Vegagerðin |
| 10:00 | ROADEX rannsóknir á umferðarminni vegum, Þorbjörg Sævarsdóttir, Vegagerðin |
| 10:15 | Hlé |
| 10:45 | Ný tenging milli forsteypts stöpulveggjar og staðsteypts sökkuls, Franz Sigurjónsson, Háskóli Íslands |
| 11:00 | Betri kostnaðaráætlanir, Baldvin Einarsson og Guðrún María Guðjónsdóttir, EFLA |
| 11:15 | Staðsetningar- og eftirlitskerfi fyrir baujur sem nýtir DGNSS og LoraWan fjarskipti, Þorsteinn Sæmundsson, Háskóli Íslands |
| 11:30 | Fyrirspurnir |
| 11:45 | Hádegishlé |
| 13:00 | Samgöngumat-grunnur að leiðbeiningum, Ólöf Kristjánsdóttir, Mannvit, og Cecilía Þórðardóttir, Velocity Transport Planning |
| 13:15 | Vinstribeygjur – Slysagreining á mismunandi útfærslum varinna vinstribeygjufasa á ljósastýrðum gatnamótum höfuðborgarsvæðisins, Davíð Guðbergsson, VSÓ Ráðgjöf |
| 13:30 | Samanburður á ferðatíma Strætó og einkabílsins innan höfuðborgarsvæðisins, Daði Baldur Ottósson, EFLA |
| 13:45 | Deiliskipulag þjóðvega í þéttbýli, Andrea Kristinsdóttir, VSÓ Ráðgjöf |
| 14:00 | Kortlagning hávaða með CNOSSOS-EU, Ólafur Hafstein Pjetursson, Trivium ráðgjöf |
| 14:15 | Brýr í hringrásarhagkerfi, Magnús Arason, EFLA |
| 14:30 | Fyrirspurnir |
| 14:45 | Hlé |
| 15:15 | Strandlínubreytingar á Suðausturlandi frá 1903 til 2021, Ingibjörg Jónsdóttir, Háskóli Íslands |
| 15:30 | Notkun fjarkönnunargagna til að ákvarða þröskulda fyrir skriðuhættu á Íslandi, Esther Hlíðar Jensen, Veðurstofan |
| 15:45 | Rannsóknir og vöktun á hreyfingum við vegstæði Siglufjarðarvegar um Almenninga með síritandi GNSS staðsetningatækni, Halldór Geirsson, Háskóli Íslands |
| 16:00 | Rannsóknir á tengslum veðurfarsbreytinga og hreyfinga á og við vegstæði Siglufjarðarvegar um Almenninga, Elías Arnar Nínuson, Háskóli Íslands |
| 16:15 | Fyrirspurnir |
| 16:30 | Ráðstefnuslit – léttar veitingar |
Það er hann Þorsteinn í öryggis- og fræðsludeild sem velur föstudagslagið að þessu sinni. Um val sitt skrifar Þorsteinn:
Þegar ég fékk áskorun frá Snorra kom í huga mér lagið „Moonlight shadow“ eftir Mike Oldfield. Lagið fjallar um þjóðsöguna um Saturski sem missir elskhuga sinn Hitoshi skyndilega. Hún á erfitt með að komast yfir dauða hans og til verður sagan um að hægt sé að hitta þá látnu við enda á fullu tungli. Í textanum er fjallað um mann sem er skotinn með 6 skotum um miðja nótt og hvernig ekkja hans sér hann í skugga mánans og úr verður draugasaga.
Lagði er sungið af Maggie Reilley sem var samstarfskona Mike Oldfield. Þess má til gamans geta að í tengslum við lagið kom upp sá orðrómur að lagið fjallaði um dauða John Lennon í New York árið 1980. En lag Mike Oldfield sungið af Maggie Reilley kom út árið 1983. Um þetta sagði Mike Oldfield:
„Nei en kannski þegar ég hugsa til baka. Ég var í New York þetta kvöld og gisti í íbúð rétt hjá þar sem það gerðist. Og kannski fór það í undirmeðvitundina. En í raun er það byggt á bíómynd um töframanninn Harry Houdini sem ég sá og tilraunir til að reisa hann frá dauðum. En Harry Houdini var ekki skotinn heldur lést að öllum líkindum af matareitrun árið 1926.“
Ég skora á Stefán Alfreðsson að koma með næsta föstudagslag en þangað til njótið:
Eins og kom fram í frétt þann 15. september síðastliðinn er Ísland nú komið með aðlögunarsamning við Eurocontrol. Samkvæmt skilmálum hans á Ísland sæti áheyrnarfulltrúa og getur tekið þátt í verkefnum og starfsemi Eurocontrol að sama marki og aðildarríki. Helsti ávinningur aðildar er full þátttaka í miðlægri flæðisstjórnun flugumferðar fyrir samevrópska loftrýmið og samræmdri krísustjórnun vegna t.d. eldgosa og heimsfaraldra. Henni fylgir einnig aðgangur að kerfum, gagnabönkum, greiningarvinnu, tæknilausnum, þjálfun og stuðningi við ýmsa þætti flugmála sem snúa að rekstrarstjórnun flugumferðar, rekstri flugvalla, skilvirkni, öryggi og netvernd svo nokkuð sé nefnt.
Þau Þóra Halldórsdóttir og Guðbjörn Jensson voru þau fyrstu frá Íslandi sem tóku námskeið hjá EUROCONTROL Aviation Learning Centre eftir undirritun samningsins. Af því tilefni skellti EUROCONTROL ALC í myndatöku (sjá að ofan) og birtu frétt á Facebooksíðu sinni. Sjá fréttina hér:
Undanfarna mánuði höfum við verið að vinna að innleiðingu CCQ, nýju innra gæðakerfi Samgöngustofu. CCQ kemur til með að leysa Gæsku af hólmi og hýsa gæðahandbókina okkar. Þjálfunin hefur hingað til miðað að ábyrgðaraðilum skjala og því starfsfólki sem kemur að uppfærslu gæðaskjala. Einstaka deildir hafa fengið þjálfun sem lesnotendur, en nú er ætlunin að bjóða öllu starfsfólki upp á slíka þjálfun.
Yfirfærsla gæðaskjala er langt komin hjá mörgum deildum og mun standa yfir næstu mánuði. Markmiðið er að öll gæðaskjöl, verklagsreglur og stefnuskjöl verði komin úr Gæsku og yfir í CCQ um næstu áramót. Þegar gæðaskjöl hafa verið færð yfir í CCQ eru þau gerð ógild í Gæsku en þannig mun CCQ taka við af Gæsku.
Boðið verður upp á tvo kennsludaga, annars vegar mánudaginn 24. október og hins vegar mánudaginn 31. október. Kennslunni verður skipt upp með þeim hætti að fyrsti hálftíminn fer í þá þjálfun sem snýr að lesnotendum, en seinni hálftíminn miðast að skrifnotendum. Í fundarboðinu sem sent verður síðar í dag má sjá nánari útlistun á áhersluatriðum námskeiðsins. Athugið að send verða tvö fundarboð fyrir sitthvorn daginn. Þið svarið því boði sem hentar ykkur betur.
Endilega nýtið ykkur þessa þjálfun, komið undirbúin og með spurningar. Þannig fáið þið mest út úr námskeiðinu.
Ísland hækkar enn í alþjóðlegum samanburði þegar kemur að stafrænni opinberri þjónustu og innviðum. Í nýrri úttekt Sameinuðu þjóðanna sem gerð er annað hvert ár er Ísland nú í 5. sæti af 193 löndum, en var í 12. sæti árið 2020. Af þeim löndum sem eru í tíu efstu sætunum í úttektinni hækkar Ísland mest á milli kannanna.
Í úttekt SÞ er er skoðað hversu vel ríkin standa að stafrænni þjónustu (Online Service Index), hugviti (Human Capital Index) og tæknilegum innviðum (Telecommunication Infrastructure Index). Hugvit og tæknilegir innviðir eru þeir þættir sem skila Íslandi 5. sætinu. Ísland mælist einnig framarlega í stafrænni opinberri þjónustu og má búast við að sá flokkur hækki áfram. Mikil áhersla er á stafvæðingu þjónustunnar þessi misserin sem felur í sér að hún verði að fullu aðgengileg á netinu í formi umsókna, greiðslu og kvittunar fyrir þjónustu.
Í ágúst síðastliðnum var Ísland í 4.sæti meðal Evrópuþjóða í stafrænni þjónustu og hækkaði um þrjú sæti milli ára. Þar var á ferðinni árlegri könnun á vegum Evrópusambandsins (eGovernment Benchmark).
Ríkisstjórnin hefur sett sér það markmið að Ísland verði leiðandi í opinberri, stafrænni þjónustu og sýna kannanir að vinnunni miðar vel áfram. Stafræn þjónusta er þegar farin að einfalda líf fólks, spara tíma á sama tíma og þjónustan batnar.
Nánar á eGovernment Development Index
Frétt á vef fjármála- og efnahagsráðuneytisins
Mikið er að gerast í ráðningum þessa dagana hjá Samgöngustofu. Hér fyrir neðan má sjá ráðningar sem búið er að ganga frá. Hlökkum til að taka á móti öllu þessu fólki.
Kristján L. Kristjánsson var ráðinn í starf skipaeftirlitsmanns og mun hefja störf 27. október nk. Kristján er menntaður stálskipasmiður og hefur lokið diploma í véliðnfræði. Undanfarið hefur hann starfað sem skipaskoðunarmaður í skipaskoðunardeild Frumherja.
Kolbeinn Arnarson var ráðin í starf sérfræðings í deild stjórnunarkerfa og alþjóðamála og mun hefja störf 1. nóvember nk. Kolbeinn er með BA í stjórnmálafræði frá Háskóla Íslands. Hann starfar í dag sem sérfræðingur hjá Landgræðslunni. Hann er þar verkefnastjóri innleiðingar Grænna skrefa í ríkisrekstri. Hann sér einnig um að safna og miðla styrkveitingargögnum stofnunarinnar út frá kynjasjónarmiðum. Önnur verkefni sem hann hefur komið að eru loftslagsmál, gæðamál og fræðslumál.
Dröfn Gunnarsdóttir var ráðin í starf fagstjóra stjórnsýslusviðs og mun hefja störf 1. nóvember nk. Dröfn er með B.Sc. í alþjóðlegri markaðsfræði og M.Sc. í fjármálum fyrirtækja frá Háskólanum í Reykjavík. Dröfn hefur starfað frá árinu 2016 sem sérfræðingur á skrifstofu stefnumótunar og fjárlaga hjá Innviðaráðuneytinu.
Bjarklind Björk Gunnarsdóttir var ráðin í starf sérfræðings í öryggis- og fræðsludeild og mun hefja störf 23. nóvember nk. Bjarklind er með BS próf í sálfræði frá Háskólanum í Reykjavík. Hún starfar í dag sem ráðgjafi á geðsviði Landsspítalans. Hefur einnig starfsreynslu af fræðslustarfi með unglingum.
Hörður Sigurðarson var ráðinn í starf eftirlitsmanns í lofthæfi- og skrásetningardeild og mun hefja störf 1. desember nk. Hörður er með sveinspróf í flugvirkjun frá Colarado Aero Tech. Í dag starfar hann sem tæknistjóri hjá Bláfugli ehf. og Flugfélagi Austurlands.
Daði Magnússon var ráðinn í starf forritara í upplýsingatæknideild og mun hefja störf 3. janúar í Vestmanneyjum. Daði er með B.Sc. í tölvunarfræði frá Háskólanum í Reykjavík. Hann hefur starfað sem forritari frá árinu 2011. Í dag starfar hann hjá Smartmedia.
Mannauðstorg ríkisins, ný upplýsingasíða um alla þætti mannauðsmála hjá ríkinu, var opnuð þann 6. október síðastliðinn.
Mannauðstorginu er ætlað að bæta þjónustu við notendur mannauðs- og launaupplýsinga hjá ríkinu en einnig að veita greinargóðar almennar upplýsingar. Fjallað er um alla þætti mannauðsmála, svo sem ráðningar, starfsþróun, heilsu, öryggi, vinnuumhverfi, samskipti, endurgjöf, starfsþróun og starfslok.
Enn fremur er á síðunni að finna upplýsingar um túlkun fjármála- og efnahagsráðuneytisins á ákvæðum kjarasamninga, leiðbeiningar og sniðmát.
Fjármála- og efnahagsráðuneytið og Fjársýsla ríkisins unnu að síðunni, en samhliða útgáfu Mannauðstorgsins flyst ráðgjöf vegna mannauðsmála sem áður var á hendi kjara- og mannauðssýslu ríkisins til mannauðs- og launasviðs Fjársýslu ríkisins. Með bættu aðgengi að upplýsingum á mannauðstorgi og aukinni áherslu á stafrænar lausnir er gert ráð fyrir að mörg erindi verði hægt að leysa í formi sjálfsafgreiðslu.
Mun kjara- og mannauðssýslan sinna stefnumarkandi hlutverki í mannauðsmálum, bera ábyrgð á samningamálum og túlkunum og útfærslum kjarasamninga ásamt því að setja og innleiða stjórnendastefnu ríkisins
Mannauðs- og launasvið Fjársýslu ríkisins mun sinna þjónustu og ráðgjöf við ríkisaðila á sviði mannauðs- og launamála ásamt launaafgreiðslu, launakeyrslum, launaþjónustu og þróun mannauðs- og launakerfa ríkisins.
Verkefnið er í takt við stefnu stjórnvalda um aukna stafræna þjónustu og nýsköpun í ríkisrekstri og var unnið í nánu samstarfi fjármála- og efnahagsráðuneytisins, Fjársýslu ríkisins og Stafræns Íslands.
Mannauðstorg ríkisins
Frétt á vef fjármála- og efnahagsráðuneytisins
