Framkvæmdastjórn Evrópusambandsins hefur hafið opið samráð um tillögu að nýrri reglugerð um það hvernig standa eigi skil á og birta upplýsingar um losun gróðurhúsalofttegunda frá samgöngum. Frestur til að koma að athugasemdum og sjónarmiðum er til og með 17. október 2022.

Markmiðið með tillögunni er að draga úr losun gróðurhúsalofttegunda í ferðum og flutningum. Það á að gera með því að skapa samræmda aðferð til að reikna út losun auk þess sem skapa á hvata til að draga úr losuninni og hafa áhrif á hegðun fólks. Eftirtalin atriði eru talin mikilvægust til að ná markmiðinu:

Samræmd framsetning og birting á losun gróðurhúsalofttegunda frá fyrirtækjum sem flytja farþega og vörur.

Áreiðanlegar upplýsingar um losun frá tilteknum tegundum af þjónustu.

Stuðlað að því að tekin verði upp reikningsskil í fyrirtækjum sem ná yfir losun gróðurhúsalofttegunda frá samgöngum.

• Nánar um samráðið
• Sjá frétt á vef stjórnarráðsins

Ferðakostnaðarnefnd hefur ákveðið dagpeninga til greiðslu gisti- og fæðiskostnaðar ríkisstarfsmanna á ferðalögum innanlands á vegum ríkisins sem hér segir:

Dagpeningar:	Var:	Verður:
Gisting og fæði í einn sólarhring	42.400	34.500
Gisting í einn sólarhring	28.800	20.400
Fæði hvern heilan dg, minnst 10 tíma ferðalag	13.600	14.100
Fæði í hálfan dag, minnst 6 tíma ferðalag kr	6.800	7.050

Akstursgjald

Akstursgjald breytist einnig úr 120 kr. á km í 134 kr. á km.

Uppfært ferðabeiðnaskjal má nálgast undir Samgöngustofa – Verklagsreglur hér á innri vefnum.

Það er hann Snorri Snorrason sem velur föstudagslagið að þessu sinni. Um valið segir Snorri:

Hér er lag vikunnar frá mér sem kemur öllum í gott stuð fyrir helgina. Ég lærði fyrst að meta svona Rokk eftir að ég hafði hlustað á Uriah Heep sem ungur maður.

Ég skora á Pál viðar fyrir næstu viku

Eins og fram hefur komið þá var Umferðarþing haldið föstudaginn 23. september síðastliðinn. Hér að neðan má sjá stutt yfirlitsmyndband af umferðarþingi en hægt er að horfa á öll erindin í réttri röð á spilunarlista hér: Umferðarþing á YouTube. 

Undir myndbandinu má sjá dagskrá þingsins, upptökur erinda og þær glærur / slæður sem fyrirlesarar höfðu uppi á skjá.

Smelltu hér til þess að fara á síðu umferðarþings þar sem nálgast má upptökur og slæður fyrirlesara

9:00 – 9:10

Velkomin og setning umferðarþings

Jón Gunnar Jónsson, forstjóri Samgöngustofu

Upptaka

---

9:10 – 9:20

Ávarp innviðaráðherra

Sigurður Ingi Jóhannsson, innviðaráðherra

Upptaka

---

9:20 – 9:45

Þróun slysa meðal virkra vegfarenda

Gunnar Geir Gunnarsson, deildarstjóri hjá Samgöngustofu

Slæður

Upptaka

---

9:45- 10:15

Blikksmiðurinn á Suðurlandi lifir bíllausum lífsstíl

Sindri Freyr Ásgeirsson, formaður Samtaka um bíllausan lífsstíl

Upptaka

---

10:30 – 11:00

Hjálmurinn skiptir höfuðmáli

Svanfríður A. Lárusdóttir, verkefnisstjóri hjá Slysavarnafélaginu Landsbjörg

Slæður

Upptaka

---

11:00 – 11:30

Stofnhjólanet höfuðborgarsvæðisins

Katrín Halldórsdóttir, verkefnastjóri á Höfuðborgarsvæði Vegagerðarinnar

Slæður

Upptaka

---

11:30 – 12:00

Virkar samgöngur eða eintómir farartálmar

Þuríður Harpa Sigurðardóttir, formaður Öryrkjabandalags Íslands

Slæður

Upptaka

---

13:00 – 13:30

Starfshópur innviðaráðherra um smáfarartæki

Jónas Birgir Jónasson, lögfræðingur hjá innviðaráðuneyti

Slæður

Upptaka

---

13:30 – 14:00

Rafhjól – hvati að breyttum samgönguvenjum

Höskuldur Rúnar Guðjónsson, samgönguverkfræðingur hjá Reykjavíkurborg

Slæður

Upptaka

---

14:00 – 14:15

Samhengislaus þvæla frá fundarstjóra

Sólmundur Hólm, fundarstjóri

---

14:30 – 15:00

Ísland sem hjólaland

Árni Davíðsson, formaður Landssamtaka hjólreiðamanna

Upptaka

Slæður

---

15:00 – 15:30

Borgarlína

Arndís Ósk Arnalds, forstöðumaður verkefnastofu Borgarlínu hjá Vegagerðinni

Slæður

Upptaka

---

15:30- 15:50

Á jaðrinum. Vegir framtíðar liggja til allra átta

Karl Friðriksson, framkvæmdastjóri Framtíðarseturs Íslands

Slæður

Upptaka

---

15:50- 16:00

Samantekt og lok

Jón Gunnar Jónsson, forstjóri Samgöngustofu

Upptaka

Síðasta föstudag fór fram aðalfundur Farsýslunnar. Þar var tekin ákvörðun um að stefna á árshátíð erlendis haustið 2023 og að hún verði skipulögð sem fræðsluferð. Jafnframt var ákveðið að skipa hóp til að kanna hvar hagstætt væri að fara og mögulegt að skipuleggja sem fræðsluferð. Þau sem hafa áhuga á að taka þátt í slíkri skipulagningu mega endilega hafa samband við stjórnarmeðlimi fyrir 14. október nk.

Jafnframt var tekin ákvörðun um að hækka félagsgjald í Farsýsluna í 1500 kr. úr 1250 kr.

Ný stjórn var kjörin og skipa stjórn Farsýslunnar næstu ár eftirfarandi:

Anney Þórunn Þorvaldsdóttir
Aron Freyr Jóhannsson – Formaður
Díana Björk Eyþórsdóttir
Fanney Lára Sandholt
Gunnar Karl Gunnarsson
Hulda Finnsdóttir – Gjaldkeri
Una Björg Einarsdóttir

Stjórn hefur nú þegar fundað og er dagskrá ársins í smíðum. Dagskráin mun m.a. birtast hér á innri vefnum á síðu Farsýslunnar.

Innviðaráðuneytið, í samvinnu við landshlutasamtök sveitarfélaga, býður íbúum í öllum landshlutum til opins samráðs á fjarfundum í október undir yfirskriftinni Vörðum leiðina saman. Á meðal umfjöllunarefna er stefnumótun í samgöngum.

Tilgangur samráðsfundanna er að gefa íbúum landsins og sveitarstjórnarfólki um land allt tækifæri til að hafa áhrif á stefnumótun í málaflokkum ráðuneytisins. Á fjarfundunum verður kastljósinu beint að framtíðaráskorunum í málaflokkunum. Meginviðfangsefni fundanna verða umræður um stefnumótun í samgöngum, sveitarstjórnarmálum og húsnæðis- og skipulagsmálum. Einnig verður fjallað um nýsamþykkta byggðaáætlun.

Öllum er velkomið að taka þátt í fjarfundunum milli kl. 15:00–17:00 á auglýstum fundardögum. Fundirnir verða haldnir í gegnum fjarfundarbúnaðinn Teams. Hægt er að skrá sig á vef fundaraðarinnar. Þátttakendur fá síðan boð í tölvupósti til að tengja sig á fundina. Skráningu lýkur daginn fyrir hvern fund. 

Fundardagar: 

• 10. október – Höfuðborgarsvæðið
• 11. október – Suðurland
• 18. október – Austurland
• 19. október – Norðurland eystra
• 20. október – Norðurland vestra
• 24. október – Vestfirðir
• 26. október – Vesturland
• 27. október – Suðurnes

• Nánari upplýsingar og skráning á alla fundi
• Frétt á vef innviðaráðuneytisins

Framkvæmdastjórn Evrópusambandsins hefur hafið opið samráð um tillögu að nýrri reglugerð sem á að vernda réttindi farþega í samgöngum. Frestur til að koma að athugasemdum og sjónarmiðum er til og með 7. desember 2022.

Helsta markmiðið með tillögunni er að samræma og einfalda réttindamál farþega. Þá er ætlunin að tryggja að réttindi farþega séu einnig virk þegar áföll eins og Covid-19 faraldurinn ríða yfir. Þar af leiðandi á að samræma réttindi farþega á hinum ýmsum sviðum samgangna en taka jafnframt tillit til sérkenna hvers samgöngumáta fyrir sig.

• Nánar um samráðið
• Frétt á vef innviðaráðuneytisins

Drög að nýrri stefnu um umferðaröryggi, umferðaröryggisáætlun 2023-2037, hefur verið birt í samráðsgátt stjórnvalda til umsagnar. Þar gefst öllum tækifæri til að senda inn umsögn eða ábendingar en frestur til þess er til og með 14. október nk. Umferðaröryggisáætlun hefur verið gefin út með reglubundnum hætti síðustu ár en í fyrsta sinn eru drög að nýrri áætlun nú kynnt í samráðsgátt.

Í umferðaröryggisáætluninni er mörkuð stefna um umferðaröryggi á Íslandi til 15 ára. Markmið og áherslur miða að því að ná árangri og auka umferðaröryggi fyrir alla vegfarendur, óháð ferðamáta. 

Stefnan er byggð á þriggja þátta nálgun sem miða á að auknu umferðaröryggi og fækkun alvarlegra slysa: öruggari vegfarendur, öruggari vegir og öruggari ökutæki. Sett eru frammistöðumarkmið sem og markmið um öryggi umferðarmannvirkja og ökutækja sem um þau fara.

Sigurður Ingi Jóhannsson, innviðaráðherra, kynnti drög að umferðaröryggisáætlun á Umferðarþingi 2022. „Ég vona að ný stefna og markmið um umferðaröryggi megi verða ljós sem lýsir veginn  til aukins öryggis í umferðinni fyrir alla vegfarendur, gamla sem unga, hjólandi sem gangandi eða akandi í bíl.“

Árlegur samfélagslegur kostnaður af umferðarslysum er talinn nema um 40 milljörðum króna og er því til mikils að vinna að auka umferðaröryggi með markvissum aðgerðum.

Vinna við stefnu um umferðaröryggi byggir á samstarfi innviðaráðuneytisins, Samgöngustofu, Vegagerðarinnar og lögreglu. Framkvæmd umferðaröryggisáætlunar er á forræði ráðuneytisins en ábyrgð verkefna er hjá Vegagerðinni, Samgöngustofu og ríkislögreglustjóra auk ráðuneytisins.

• Skoða drög að umferðaröryggisáætlun 2023-2037 í samráðsgátt
• Sjá frétt á vef innviðaráðuneytisins

Félag íslenskra atvinnuflugmanna (FÍA) stendur árlega fyrir ráðstefnunni ,,Reykjavik Flight Safety Symposium” en það er öryggisnefnd FÍA sem skipuleggur ráðstefnuna. Ráðstefnan dregur til sín fjölbreyttan hóp úr flugiðnaðinum, alls staðar að úr heiminum. Ráðstefnan verður haldin 13. október 2022 og verður haldin í Gullhömrum.

Kaupa miða hér

Meðal fyrirlesara eru:

• Geoff Jones: Icing and inclement weather specialist at Rolls Royce – Ice crystal icing
• Birta Líf Kristinsdóttir: Meteorologist at the Icelandic Met Office – Ice crystal icing
• Ingvar Tryggvason: Icelandair captain – Just culture
• Erla Björnsdóttir: Clinical psychologist with Phd in sleep medicine – sleep and fatigue
• Melissa Bravin Propulsion operability engineer at Boeing – Ice crystal icing

Nánar má lesa um fyrirlesarana hér.

Kosningar fóru fram í aðalráð Alþjóðaflugmálastofnunarinnar í Montréal, Kanada, á laugardaginn. Ísland var í framboði og hlaut kosningu. Sem fulltrúi Íslands mun Valdís Ásta Aðalsteindóttir, fyrst íslenskra kvenna, taka sæti í ráðinu og skipa eitt af 36 sætum aðalráðsins fram til næsta aðalþings, haustið 2025. Undanfarin þrjú ár hefur hún starfað sem varafulltrúi Finnlands í aðalráðinu.

Valdís Ásta mun jafnframt stýra starfi NORDICAO  hjá Alþjóðaflugmálastofnuninni, sem er samstarf Norðurlandanna, Eistlands og Lettlands.

Varafulltrúi Íslands á tímabilinu verður Ditte Helene Bang frá Danmörku. Saman verða Valdís Ásta og Ditte Helene í fararbroddi fyrir hönd Norðurlandanna, Eistlands og Lettlands í alþjóðasamstarfi um vöxt og viðgang flugmála á vettvangi Alþjóðaflugmálastofnunarinnar.

Sendinefnd Íslands á þinginu skipa m.a. Sigurður Ingi Jóhannsson innviðaráðherra og Jón Gunnar Jónsson forstjóri Samgöngustofu. Af hálfu íslensku fulltrúanna hefur áhersla verið lögð á mikilvægi alþjóðasamvinnu um flugmál, umhverfismál tengd flugi í ljósi fyrirætlana ríkja um að draga úr losun, vaxandi áherslu á netöryggi og gildi samvinnu og samhæfingar þjóða heimsins í þágu endurreisnar almannaflugs eftir heimsfaraldur.

Örugg og öflug flugstarfsemi er mikið hagsmunamál fyrir Ísland og styrk stoð hagsældar þjóðarinnar. Ísland stýrir einu af stærstu flugstjórnarsvæðum heims, um 5,4 milljón km² og með hnattrænni staðsetningu gegnir landið mikilvægu hlutverki í flugtenginum milli heimsálfa. Ísland hefur verið aðildarríki að Alþjóðaflugmálastofnuninni ICAO frá stofnun hennar árið 1944, en alls 193 þjóðir eiga aðild að stofnuninni.