Month: April 2024

Nú í vikunni mun nýr handbókarvefur opna á Ísland.is. Vefurinn var unnin af Stafrænu Íslandi með þarfir Samgöngustofu og annarra sambærilegra stofnana að leiðarljósi.

Handbækur eru opnar öllum en fyrst og fremst hugsaðar fyrir fagaðila sem vinna samkvæmt fyrirmælum stofnunarinnar. Þær eru því skrifaðar á fagmáli, sem er ólíkt því sem almennt gengur og gerist á vef Ísland.is.

Fyrstu bækurnar sem við setjum á nýja vefinn eru skoðunarhandbók ökutækja og handbók um skráningarreglur ökutækja. Skoðunarhandbókin flyst yfir á hinn nýja handbókarvef án efnislegra breytinga. Skráningareglur var líka að finna á eldri vef Samgöngustofu en þessi nýja handbók er hönnuð frá grunni og er verulega aukin og endurbætt með þarfir þeirra sem sinna skráningarstarfsemi eða skráningum í ökutækjaskrá af einhverju tagi, svo sem skoðunarstofum ökutækja og bílaumboðum.

Samgöngustofa hefur átt í mjög góðu samstarfi við Stafrænt Ísland um þetta verkefni og vinnur nú að gerð fleiri handbóka sem gefnar verða út á næstu mánuðum.

Á sumardaginn fyrsta fór fram fjölmennur Vorfagnaður bifhjólafólks í tilefni sumarsins. Megin markmið þessa fagnaðar er að hittast, rifja upp mikilvæg atriði hvað öryggi bifhjólafólks varðar og æfa sig á frábærum brautum Ökuskóla 3 og Kvartmíluklúppsins.

Talið er að u.þ.b. 200 manns hafi mætt og notið skemmtunar, veitinga og æfinga undir handleiðslu ökukennara og félaga í Kvartmíluklúppnum.

Samgöngustofa stóð að þessu í frábæru samstarfi við Ökukennarafélagið, Ökuskóla 3, Kvartmíluklúbbinn og Sniglana og eiga þessir aðilar miklar þakkir skildar fyrir frábæran dag.

Hér má sjá myndband frá deginum.

Í síðustu viku hélt Hlín Hólm, deildarstjóri flugleiðsögu, flugvalla og flugverndar, kynningu hjá Eurocontrol um aðildarferli Íslands að stofnuninni. Um leið sagði hún frá mikilvægi flugs fyrir Ísland í ljósi landfræðilegrar stöðu þess. Kynningin var haldin fyrir fulltrúa (e. State Liaison Officers) sem aðildarríkjunum býðst að senda til starfa í nefndum og störfum innan Eurocontrol, til lengri eða skemmri tíma.

Hinn 1. janúar 2025 verður Ísland fullgilt aðildarríki að Eurocontrol, sem er Evrópustofnun um öryggi í flugleiðsögu. Aðildarviðræður hafa staðið yfir lengi, eða með hléum frá 2008, en haustið 2022 var skrifað undir aðlögunarsamning Íslands að Eurocontrol.

Í föstudagskaffinu sýndum við í Öryggis- og fræðsludeild ný upp gerða heimasíðu, umferd.is. Heimasíðan hefur fengið alveg nýtt útlit og skipulag hennar hefur verið bætt og hún gerð aðgengilegri í notkun. Umferd.is er gagnabanki fyrir kennara til að auðvelda þeim að sinna umferðarfræðslu á hvaða skólastigi sem er.

Við nýttum einnig tækifærið og sýndum nýja innipúkabrúðu sem við létum framleiða til að gera umferðarfræðsluna ennþá skemmtilegri. Í gegnum árin verið mikil eftirspurn eftir innipúka brúðu en innipúkinn er karakter sem hefur frætt ungt fólk í rúm 20 ár um umferðarreglurnar í sögunum um Krakkana í Kátugötu. Hann er einstaklega skemmtilegur karakter og mörg börn elska hann. Í ár sendum við innipúka á alla leikskóla sem taka þátt í Umferðarskóla Samgöngustofu í þeim tilgangi að gera umferðarfræðsluna ennþá skemmtilegri en einnig til þess að þakka leikskólunum fyrir að taka þátt í Umferðarskólanum. Nú er það nefnilega þannig að skólarnir sjá nú um framkvæmdina sjálf en efnið til kennslunnar og leiðbeiningar má finna inná heimasíðunni okkar umferd.is. Með þessu móti komum við fræðslunni til mun fleirri leikskóla en við náðum áður.

Endilega kíktu á okkur inns í horninu á 3 hæð, stóra ganginum, ef þú náðir ekki að næla þér í innipúkabrúðu eða sendu okkur línu.

Árið 2022 létust átta manneskjur í umferðinni hér á landi. Það ár var Ísland með þriðju lægstu dánartíðni í umferðinni í Evrópu. Þetta kemur fram í samanburði Eurostat, hagstofu Evrópusambandsins, sem reiknar banaslysatíðnina á hverja milljón íbúa í hverju landi.

Full ástæða til að fagna þeirri fækkun sem orðið hefur á fjölda látinna í umferð frá því sem áður var þegar tugir biðu bana á hverju ári á Íslandi. Þennan árangur má þakka ýmis konar framförum sem unnið hefur verið að, meðal annars með framkvæmd umferðaröryggisáætlunar.

Frétt um samanburð Eurostat á fjölda banaslysa í Evrópulöndum má lesa á mbl.is í dag.

Við höldum áfram með upphitun fyrir árshátíðina og í næstu viku verða þemadagar miðvikdag, fimmtudag og föstudag.

Við hvetjum ykkur til að láta hugmyndaflugið blómstra og koma í einhverju rauðu á miðvikudag,  koma með óhefðbundin drykkjarmál á fimmtudag (blómapott, vínglas, kaffikönnu, vasa….) og koma með eitthvað skemmtilegt höfuðfat á föstudaginn!

Allskonar umbótaverkefni eru í gangi hjá skráningum og þjónustu eins og við sáum í föstudagskaffinu í morgun. Deildin sinnir mikilvægu hlutverki í samskiptum við viðskiptavini og leggur metnað í að sem flestir fái úrlausn mála fljótt og vel. Innleiðing ýmis konar tæknilausna miðar meðal annars að því að auka sjálfsafgreiðslu sem er gott fyrir bæði fólk og umhverfi og minnkar um leið álag í starfseminni. Einnig gefa ný kerfi aukna yfirsýn yfir til dæmis hraða þjónustu og upplifun viðskiptavina.

Skráningar og þjónusta vilja auka samstarf innanhúss til að bæta þjónustuna við alla viðskiptavini. Eru aðrar deildir hvattar til að senda þeim ábendingar um það sem betur má fara og bjóða heimsókn á deildarfundi til að ræða áframhaldandi úrbætur sem gagnast okkur öllum.

Eru ekki öll á fullu í aktívum apríl?

Stjórn Farsýslunnar hafa borist ábendingar sem teknar hafa verið til greina. Mörgum finnst ógerlegt að ætla að ná að klára öll 20 atriðin á hreyfibingó spjaldinu á tilsettum tíma. Við höfum því ákveðið að aðeins þurfi að klára 12 atriði til að komast í pottinn.

Þá viljum við einnig minna á að það verða fleiri vinningar í boði en páskaegg. Það er því til mikils að vinna.

Stjórn Farsýslunnar gengur að sjálfsögðu fram með góðu fordæmi eins og sjá má á meðfylgjandi myndum. Við viljum skora á ykkur að nýta hádegið í matsalnum til að skora á vinnufélaga í sjómann og hrósa vinnufélaga….eða eitthvað annað á spjaldinu.

Bestu kveðjur,

Stjórn Farsýslunnar

Nú styttist í að skráningarfrestur renni út á ógleymanlegasta viðburð ársins, árshátíðina þann 20. apríl nk. Fresturinn rennur út í lok dags 12. apríl.

Ef einhver í hópnum hefur hug á að vera með skemmtiatriði þá er sjálfsagt að hafa samband við okkur í stjórninni. Ekki verða sérstakar áheyrnarprufur heldur verður hver umsókn metin sérstaklega.

Hér er skráningarhlekkur https://docs.google.com/forms/d/e/1FAIpQLSch7okccx4UVIy2M2LtOu0goxWLrN4J8awAI05ScpdGwWWZiw/viewform

Nú þegar hafa um 95 skráð sig (með mökum).

Samgöngustofa tók í dag þátt í forvarnardegi ungra ökumanna á Akranesi sem haldinn var í FVA.

Dagurinn hófst þannig að allir nemendur skólans komu saman á sal og hlustuðu á þrjá fyrirlestra. Auk Samgöngustofu var Lögreglan og Neyðarlínan með erindi. Í lok dagsins var sviðsett slys eins og sjá má á myndunum sem fylgja fréttinni. Þar mátti sjá viðbragðsaðila bregðast við slysi, slökkviliðið t.d. klippti hurð af bíl til þess að ná í einstaklinga sem voru þar fastir inni. Það þurfti mikla samvinnu ólíkra viðbragðsaðila til að allt gengi vel upp sem það gerði. Það var einnig frábært að einn slökkviliðsmaðurinn var í krana og sá yfir allan vettvanginn og lýsti fyrir nemendum hvað væri í gangi. Eftir þetta fóru allir aftur inn á sal, fengu pulsur frá skólanum og viðbragðsaðilar tóku saman það sem hafði gerst úti á vettvangi og hvaða lærdóm má draga af deginum.

Virkilega lærdómsríkur dagur að baki, góð stemming var á deginum og ungmennin áhugasöm um þetta mikilvæga málefni.

Á næstu vikum verða dregin út afgangs páskaegg frá páskabingóinu en til að róa samviskuna hefur stjórn Farsýslunnar ákveðið að blása til hreyfibingós. Þegar þið klárið „allt spjaldið“ skilið þið því inn til einhverra okkar í stjórn Farsýslunnar og dregið verður út föstudaginn 19. apríl nk. Hugsanlega verða einhverjir aukavinningar í bland við páskaeggin.

Mikilvægt er að framkvæma hvert verkefni í vitna viðurvist og láta einhvern kvitta á spjaldið. Einnig spillir ekki fyrir að setja inn myndir á facebook síðu Farsýslunnar.

Þetta er frábært tækifæri til að hefja hreyfivorið, fá púlsinn aðeins upp og fylla á D-vítamín birgðirnar.

Stefnt er að því að hefja rafræna próftöku í bóklegum ökuprófum í B-flokki (almennt bílpróf) á allra næstu vikum.

Ávinningurinn af rafrænni próftöku er mikill. Til dæmis getum við hætt að prenta út próf og skera út svarlykla, erfiðara verður að svindla og yfirferðin verður sjálfvirk.

Samhliða því sem rafræn próf verða tekin upp verður farið í breytingar á uppsetningu prófanna. Núverandi fyrirkomulag er komið til ára sinna og kominn tími á að endurskoða það. Nýtt próf verður sett saman af 50 fullyrðingum sem svara á rétt eða rangt, í stað 30 krossaspurninga.

Þannig einföldum við uppsetninguna og minnkum líkur á að hún hafi áhrif á niðurstöður.

Próftökukerfið heitir FastTest og er einfalt í notkun fyrir próftaka. Frumherji mun áfram sjá um framkvæmd prófanna og rafræna kerfið mun líka auðvelda þeim framkvæmdina þar sem ekki þarf lengur að taka saman prófhefti og niðurstöðublöð. Próftakar taka prófin áfram hjá Frumherja.

Hér má sjá kynningu leyfisveitinga og ökunámsdeildar í föstudagskaffinu 5. apríl sl.

Siglingaöryggisstofnun Evrópu, EMSA, hefur gefið út myndband sem sýnir árangur stofnunarinnar 2023. Þar má sjá í máli og myndum starf stofnunarinnar og þau fjölbreyttu verkefni sem unnin voru á síðasta ári.

EMSA er ein þeirra alþjóðastofnana sem Samgöngustofa á mikilvægt samstarf við fyrir Íslands hönd. EMSA veitir Evrópuþjóðum stuðning með útfærslum á reglum til siglingaöryggis og vörnum gegn mengun frá skipum.

Skráning hér: https://docs.google.com/forms/d/e/1FAIpQLSch7okccx4UVIy2M2LtOu0goxWLrN4J8awAI05ScpdGwWWZiw/viewform

Veislumaturinn kemur frá Nomy

Fyrirkomulag

Forréttir eru bornir fram standandi með fordrykk, aðalréttur er svo afgreiddur af hlaðborði og að lokum koma eftirréttir í smáréttastíl á hlaðborði. 

Forréttir – Smáréttir
Grillaðar Nobashi rækjur með ponzu mayo, stökkum hvítlauk, kóríander og chili
„French Toast“ – smjörsteikt eggjabrauð, trufflu „slaw“, parmaskinka, parmesanostur
Djúsí andalæraconfit með beikoni, döðlum og appelsínuzest
Bleikjutartar í kramarhúsi með avókadókremi, dilli, gúrku og granateplum
Rísottó krókettur með villisveppum, mozzarella osti og bökuðu hvítlauks aioli með steinselju (g)

Steikarborð
Grillaðar nautalundir í trufflumarineringu
Kryddjurtamarineruð kalkúnabringa
Brasseraður lambabógur í lambasoðsoðgljáa með hvítlauk og blóðbergi
Bakaðar kartöflur með ostagratínsósu, steinselju og sharlott
Rauðrófusalat með fenníku og shitake sveppum
Ristuð seljurót með eplum, kryddjurtum og graskersfræjum
Kimchi hrásalat með hvítkáli, gulrótum og vorlauk
Grænt salat með bok choy, spínati, rucola og chili-vinaigrette
Sósur
Chimicurri – Bernaise – Kremuð villisveppasósa

Eftirréttir – Smáréttir
Súkkulaðitruffla með blóðappelsínuganache og hnetupralín
Tanariva mjólkursúkkulaði brownies með saltkaramelluganache og jarðarberi
Möndlukökur með sítrónubúðing og hindberjum