Month: October 2023

Kompás var með mikilvæga umræðu í gær um áhættuna sem fylgir því að fara á rafhlaupahjól undir áhrifum. Fyrstu slysin á rafhlaupahjólum voru skráð árið 2020 og hlutdeild þeirra í slysatölum hefur vaxið hratt. Eva og Birna segja sínar sögur í þættinum en þær lentu báðar í lífshættu eftir alvarleg slys á rafhlaupahjóli. Gunnar Geir kemur einnig fram í þættinum talar um stöðuna í dag, tölfræði og hvaða aðgerða lönd í kringum okkur hafa gripið til vegna fjölda slysa.

Hér er hægt að horfa á þáttinn í heild sinni

Október átak í skráningu umbóta fer senn að ljúka.

Minnum á að skráning umbótatillagna í Bendil líkur á morgun, 31. október. Við hvetjum svo auðvitað til áframhaldandi skráningu stöðugra umbóta í Bendil eftir að átakinu líkur.

Það hafa nú þegar borist margar tillögur í Bendil og við höfum til lok dags á morgun til að koma okkar ábendingum á framfæri.

Eins og áður hefur komið fram þá drögum við einn heppinn vinningshafi úr skráðum tillögum í Bendil í október. Vinningshafi fær gjafakort að verðmæti 20 þúsund krónur.

Kveðja,

Umbótahópurinn

.

Í morgun hélt Guðbjörn Jensson kynningu á flugleiðsöguhluta sinnar deildar. Hann fór m.a. yfir verkefnin sem þau sinna, starfsfólkið, verklag, innlent samstarf og alþjóðlegt samstarf. Verkefnin eru fjölbreytt og felast m.a. í vottun og eftirlit veitenda flugleiðsöguþjónustu, eftirlit með stafrænum breytingum, grening öryggisframmistöðu, rýni flugferla, kögunarþjónustu, rekstrarstjórnun flugumferðar o.sfrv.

Glærurnar má nálgast hér fyrir þau ykkar sem misstuð af kynningunni.

Góða helgi!

Bjössi og Össi voru virkilega sniðugir í dag að tengja herferð Samgöngustofu við hádegismatinn. Þeir buðu okkur uppá frábæra Eggert eggjaköku. Skemmtileg leið hjá þeim til að vekja athygli á herferðinni. Förum varlega inn í helgina kæra samstarfsfólk og ekki skúta uppá bak!

Nýlega fóru fram prófanir á nýju kerfi til að auka öryggi sjóferenda. Þetta kemur fram í frétt í Morgunblaðinu í gær. Í fréttinni segir m.a.:

„Um er að ræða ný­sköp­un­ar­verk­efni sem geng­ur und­ir heit­inu AI-ARC og hef­ur Land­helg­is­gæsl­an tekið þátt í verk­efn­inu und­an­far­in tvö ár ásamt yfir 20 sam­starfsaðilum í tólf Evr­ópu­ríkj­um.

Full­trú­ar sam­starfsaðil­anna voru hér á landi í síðustu viku í til­efni af próf­un­um á kerf­inu sem ætlað er að bæta upp­lýs­ingaflæði. „Próf­an­irn­ar gengu von­um fram­ar og lausn­in lof­ar svo sann­ar­lega góðu,“ seg­ir Snor­re Greil, stýri­maður hjá Land­helg­is­gæsl­unni og sér­fræðing­ur á aðgerðasviði

„Til­gang­ur verk­efn­is­ins er að út­búa ný­stár­legt, öfl­ugt, skil­virkt og not­enda­vænt upp­lýs­ingaum­hverfi þangað sem unnt er að deila gögn­um og upp­lýs­ing­um um skipaum­ferð og annað sem sjón­um teng­ist,“ út­skýr­ir Snor­re.“

Sjá nánar í frétt Morgunblaðsins.

Föstudagslagið er að þessu sinni í boði Andra Hermannssonar eftirlitsmanns í deild Flugleiðsögu, flugvöllum og flugvernd:

Valið er einfalt. Ég vel lagið Út á stoppistöð með Stuðmönnum. Lagið er kraftmikið og við feðgar elskum að syngja þetta saman þegar við förum út á land.

Ég skora á Lorik fyrir næstu viku.

Umferðaröryggisfræðslan fyrir framhaldsskóla hefur gengið vel þetta haustið. Nú þegar hefur Bjarklind í öryggis- og fræðsludeild farið fyrir hönd Samgöngustofu í MS, FÁ, Tækniskólann, Borgarholtsskóla, MK, Fjölbrautaskóla Vesturlands á Akranesi og Menntaskólan Ásbrú í Keili. Þar hefur hún rætt við fjölmarga nýnema sem eru mörg hver að stíga sín fyrstu skref í ökunáminu. Í fræðslunni fer Bjarklind yfir ökunáms ferlið og hvernig þau geta sýnt ábyrgð í umferðinni.

Nú er komið haust hjá Eggert og félögum. Ný myndbönd fóru í loftið í gær sem hluti af herferðinni okkar Ekki skúta uppá bak! Í myndböndunum eru bæði nýjar staðsetningar og nýjar árstíðir, bæði haust og vetur. Myndböndunum verður deilt á samfélagsmiðla næsta mánuðinn og verður tengt við veðurfar eins og hægt er. Hér er hægt að sjá öll fimm nýju myndböndin á Youtube síðunni okkar.

Rannsóknaráðstefna Vegagerðarinnar 2023 verður haldin föstudaginn 27. október á Hilton Reykjavík Nordica, Suðurlandsbraut, kl. 09.00-16.15.

Almenn skráning – smelltu á hlekkinn. 

Dagskráin er fjölbreytt að venju og endurspeglar það margháttaða rannsókna- og þróunarstarf sem styrkt er af rannsóknasjóði Vegagerðarinnar. 

Sextán rannsóknaverkefni verða til umfjöllunar og samhliða veggspjaldasýning með um tólf verkefnum.

Ráðstefnan hefur alla jafna verið fjölsótt af starfsfólki Vegagerðarinnar, starfsfólki ráðgjafa- og verkfræðistofa, verktaka og almenns áhugafólks um samgöngur og rannsóknir.  

Á ráðstefnunni í ár verður mest fjallað um rannsóknir sem fengu fjárveitingar úr rannsóknasjóði Vegagerðarinnar árið 2022. 

Styrkur rannsóknasjóðs Vegagerðarinnar liggur í því að styrkja verkefni á mjög breiðu fræðasviði þar sem ekki er endilega einblínt á hefðbundna vegagerð. Verkefnin falla þó undir fjóra almenna flokka sem eru: mannvirki, umferð, umhverfi og samfélag.

Ráðstefnustjóri verður Páll Valdimar Kolka.

	Dagskrá rannsóknaráðstefnu Vegagerðarinnar
09:00	Setning ráðstefnu, Bergþóra Þorkelsdóttir, forstjóri Vegagerðarinnar.
09:05	Eldvirkni á Íslandi og hugsanleg áhrif á innviði, Dr. Þorvaldur Þórðarson, eldfjallafræðingur og prófessor við Háskóla Íslands.
09:30	Kolefnishluthlaus bindiefni, Björk Úlfarsdóttir, Colas Ísland.
09:45	Vindaðstæður við brýr – hermun til stuðnings hönnunarviðmiðum, Darri Kristmundsson, Vatnaskil.
10:00	Sigmælingar með LiDAR skanna á þyrildi, Sólveig Kristín Sigurðardóttir, Verkís.
10:15	Kaffihlé og veggspjaldasýning
10:45	Kostir hástyrkleikasteypu á brýr, Ólafur H. Wallevik, Háskólinn í Reykjavík.
11:00	Ástandsskoðun sprautusteypu í jarðgöngum með tilliti til þykktar og væntanlegs líftíma, Benedikt Ó. Steingrímsson og Guðbjartur Jón Einarsson, Mannvit.
11:15	Kolefnisfótsporsgreining á brimvarnargörðum og sjóvörnum, Majid Eskafi, EFLA (erindi á ensku).
11:30	Fyrirspurnir
11:45	Hádegismatur
13:00	Áhrif á öryggi virkra ferðamáta vegna algrænna umferðarljósa, Davíð Guðbergsson, VSÓ ráðgjöf.
13:15	Umferðaröryggisaðgerðir og áhrif á leiðarval, Berglind Hallgrímsdóttir, EFLA.
13:30	Leiðbeiningar um hönnun gatna í þéttbýli, Thijs Kreukels, VSB verkfræðistofa (erindi á ensku).
13:45	Áhrif fjarvinnu á vegakerfið, Sæunn Gísladóttir, Rannsóknamiðstöð Háskólans á Akureyri.
14:00	Grímsvötn: vatnsgeymir, jökulhlaup, upphaf og rennsli, Finnur Pálsson, Jöklahópur Jarðvísindastofnunar Háskóla Íslands.
14:15	Fyrirspurnir
14:30	Kaffihlé
15:00	Rannsóknir á tengslum veðurfarsbreytinga og hreyfinga á og við vegstæði Siglufjarðarvegar um Almenninga, Þorsteinn Sæmundsson, Halldór Geirsson og Hafdís Jónsdóttir, Háskóli Íslands og Vegagerðin.
15:15	Mælaborð úrkomuvöktunar í Almenningum, Einar Sveinbjörnsson, Veðurvaktin.
15:30	Opna fjallvegir hlið fyrir landnám innfluttra plöntutegunda á hálendi Íslands, Rannveig Thoroddsen, Náttúrufræðistofnun Íslands.
15:45	Örmengunarefni í ofanvatni af vegum, Ásta Ósk Hlöðversdóttir, VSB verkfræðistofa.
16:00	Fyrirspurnir
16:15	Ráðstefnuslit – léttar veitingar

Glærur og ágrip fyrirlestra verður hægt að finna á vef Vegagerðarinnar að ráðstefnu lokinni. Listi yfir veggspjöld verður birtur innan skamms.

Sjá einnig á vef Vegagerðarinnar

Myndir úr myndakassanum frá árshátíðinni eru komnar inn á K:\Ljósmyndir\Árshátíð 2023 myndakassi.

Myndirnar hafa ekki verið ritskoðaðar sérstaklega að öðru leyti en að mjög hreyfðum myndum var eytt.

Í gær stóð umferðarsvið fyrir norrænni ráðstefnu um ökutækjaskráningar og ökuskírteini, Nordic Registration Conference, sem Norðurlöndin skiptast á um að halda árlega. Kynningar Samgöngustofu fjölluðu um verkefni okkar um rafrænar forskráningar og samstarf við Starfrænt Ísland um að bæta þjónustu við viðskiptavini. Einnig var sagt frá fleiri stafrænum verkefnum á borð við ökunámsbókina og var mjög fín kynningarmynd okkar fólks og AWS Institute hluti þeirrar umfjöllunar. Ráðstefnan, sem að þessu sinni fór fram á Hótel Hilton Nordica, er hluti af mikilvægu samstarfi Norðurlandanna auk Álandseyja. Markmið hennar er að samnýta þekkingu nágrannaþjóða og fá um leið tækifæri til að segja frá góðum framfaramálum sem geta orðið öðrum að gagni.

Föstudagslagið er að þessu sinni í boði Hákons:

Ég valdi þetta lag sem var efst á Spotify og ekki af ástæðulausu :Þ

Ég skora á Andra Hermannsson að velja lagið í næstu viku.

Það er góður gangur í skráningu tillagna í Bendil, vel gert starfsfólk Samgöngustofu!

Hvetjum alla til að skrá inn hugmyndir og nýta tækifærið til að hafa áhrif á að gera vinnustaðinn okkar enn betri.

Bendum á að það er hægt að senda inn nafnlausar umbótatillögur, eins verður ekki gert grein fyrir efni tillögu þess vinningshafa sem verður dreginn.

Kveðja, umbótahópurinn

Það stefnir í að verða árleg hefð að hafa lítinn hrekkjavöku skiptimarkað fyrir búninga hér í Ármúla 2. Það er frábært að geta nýtt áfram góða búninga, lengja líftíma flíkanna og hlutanna okkar og svo er þetta líka ein af aðgerðunum í Grænu skrefunum 🙂

Fatasláin er nú komin upp fyrir framan Vörina, litla fundarherbergið í miðrými á 2rri hæð.
Kíkið endilega við, takið ykkur búning eða hengið búning á slána 🙂

Farsýslan minnir á Októberfest Samgöngustofu föstudaginn 20. október. Mæting á Samgöngustofa Bistro 1. hæð Ármúla 2, kl 16.00. Boðið verður upp á sausages, pretzels, bjór, léttvín, gosbjór og góðan félagsskap. Öllum frjálst að mæta í búning😘

Stefán Pálsson mætir til okkar með stórskemmtilega bjórkynningu og annan fróðleik.

Skráning stendur yfir hér og líkur kl 16.00 á morgun 18.okt: https://docs.google.com/forms/d/e/1FAIpQLSdeTHAjMl3AWhgN2jOkHkxa-3FrHfsOd0BHtluqzM8zpmDpzA/viewform kostar 1 þús. á mann.

Leben und Freude, Prost!

Kveðja, Farsýslan