Category: Uncategorized

Við minnum á að allar reykingar eru bannaðar á lóð Samgöngustofu. Þetta á við um bæði sígarettur og rafrettur.

Takk fyrir!

Vinsamlegast taktu þátt í þessari stuttu könnun hér: https://forms.office.com/e/9a5duKh4c5

Könnunin er opin út þriðjudaginn 29. janúar og er nafnlaus!

Til að nýta fundarherbergin okkar sem best mun ný virkni taka gildi næstkomandi mánudag:  

Staðfesting á notkun: 

• Þegar fundarherbergi er bókað þarf að staðfesta notkun þess á spjaldtölvu við innganginn í upphafi fundarins. 
• Ef staðfesting er ekki gerð innan 15 mínútna frá upphafi fundar, verður herbergið sjálfkrafa afbókað. Skipuleggjandinn fær tölvupóst 5 mínútum áður sem viðvörun. 

Ljúka bókun fyrr ef fundur reynist styttri en áætlað var: 

• Ef fundinum lýkur fyrr en til stóð, má ljúka bókuninni á spjaldtölvunni til að losa herbergið fyrir aðra. 

Bókanir til framtíðar: 

• Framvegis verður hægt að bóka fundaraðir að hámarki sex mánuði fram í tímann, í stað tólf mánaða áður. 

Nýja fundarherbergið í matsalnum: 

• Spjaldtölva verður sett upp við nýja fundarherbergið í matsalnum fljótlega, líkt og í öðrum fundarherbergjum. Eins og er þá er matsalurinn eitt bókanlegt rými í Outlook, en ef þörf reynist verður honum síðar skipt í tvö bókanleg rými. 

Þessar breytingar eru okkur öllum í hag með því að stytta þann tíma sem fundarherbergi eru frátekin en ónotuð. Förum vel með plássin okkar með því að bóka lítil herbergi fyrir litla fundi og stóru fundarherbergin helst aðeins fyrir stærri fundi. 

Takk fyrir samvinnuna, áfram Ísland! 

Síðastliðið vor kynnti Fjármála- og efnahagsráðuneytið breytta framkvæmd þjónustukannana fyrir stofnanir. Framkvæmdin býður upp á rauntímamælingu á þjónustu með það að markmiði að ná betur til notenda þjónustunnar. Kostir slíkra rauntímamælinga eru meðal annars þeir að notendur eru spurðir um upplifun sína stuttu eftir að þjónustan hefur verið veitt og því er upplifun notenda enn í fersku minni. Með rauntímamælingum gefst okkur tækifæri til að rýna niðurstöður í það minnsta mánaðarlega og því er hægt að sjá fljótlega hvort þjónusturof sé til staðar eftir mánuðum. Viðmótið er einfalt og við reiknum með fleiri svörum en áður.

Samgöngustofa hefur innleitt nokkrar dreifileiðir fyrir könnunina. Í afgreiðslu er að finna QR-kóða sem vísar á könnunina, bæði við setusvæðið og við afgreiðsluborð. Eins fá notendur sendan hlekk á könnunina þegar erindum er lokið á vefnum okkar, en nýjasta dreifileiðin er í gegnum spjallmennið. Þegar netspjalli er lokið fær notandi einnig sendan hlekk og beiðni um að svara könnuninni. Framkvæmdin gefur okkur tækifæri til að greina umbótatækifæri og bæta þjónustu okkar til framtíðar.

Milli jóla og nýárs hófum við herferð með Verði tryggingafélagi og Eimskip þar sem við bendum á hættuna á að sofna undir stýri. Rannsóknarnefnd samgönguslysa beindi þeim tilmælum til okkar að fjalla um þetta vandamál eftir það þau urðu vör við mikla aukningu á alvarlegum slysum vegna þessa. 

Á næstu dögum munum við reyna að fá fjölmiðla til að fjalla um málefnið, undirstrika hversu hættuleg við erum ef við ökum of þreytt, tiltaka hverjir áhættuþættir og áhættuhópar eru og veita almenningi góð ráð um hvað við getum gert til að koma í veg fyrir að við sofnum við aksturinn. 

Auglýsinguna í fullri lengd má sjá hér: https://www.youtube.com/watch?v=ZTC-RJ_5IKY og vefsíðu herferðarinnar má sjá hér: http://www.ekkigeispa.is. 

Starfsfólk er hvatt til að fylgja Samgöngustofu á LinkedIn. Markmið okkar er að auglýsa fréttir, laus störf ofl. skemmtilegt úr starfsemi okkar á þessum skemmtilega miðli. Einnig gaman ef starfsfólk gæti bent vinum að fylgja okkur.

https://www.linkedin.com/company/samgongustofa

Í lok desember sl. var gengið frá tveimur ráðningum hjá Samgöngustofu;

Berglind Ýr Jónasdóttir var ráðin sem deildarstjóri flugreksturs- og skírteinadeildar. Berglindi hefur undanfarin tvö ár starfað sem sérfræðingur í flugrekstrar- og skírteinadeild Samgöngustofu. Þar áður starfaði hún sem sérfræðingur á flugrekstrarsviði hjá Wow air. Auk þess hefur hún starfað sem flugkostnaðarstjóri og flugfreyja hjá Wow air og Iceland Express. Berglind Ýr tók við starfinu 1. janúar sl.

Benedikt G. Waage var ráðinn sem sérfræðingu í deild siglinga- og hafnaeftirlits. Benedikt starfar í dag sem sérfræðingur í gæðadeild Nox Medical. Auk þess starfaði hann hjá Neytendastofu sem tæknilegur ábyrgðarmaður í mælifræði í 14 ár. Benedikt mun hefja störf 1. mars nk.

Frá 1. janúar 2025 er Ísland formlega orðið aðili að EUROCONTROL, hið 42. í röð Evrópuríkja.

EUROCONTROL er evrópsk milliríkjastofnun sem styður við flug og flugleiðsögu í Evrópu. Við Íslendingar höfum haft náið samstarf við stofnunina í meira en aldarfjórðung, í gegnum áheyrnaraðild. Aðildarviðræður stóðu yfir með hléum frá 2008, en haustið 2022 var undirritaður aðlögunarsamningur sem lagði grunninn að fullri aðild Íslands nú.

Samgöngustofa tekur þátt í starfinu fyrir Íslands hönd. Með aðildinni fáum við aðgang að kerfum, gagnabönkum, greiningarvinnu, tæknilausnum, þjálfun og stuðningi við ýmsa þætti flugmála sem snúa að rekstrarstjórnun flugumferðar, rekstri flugvalla, skilvirkni, öryggi og netvernd svo nokkuð sé nefnt.

Ferðakostnaðarnefnd hefur ákveðið dagpeninga til greiðslu ferðakostnaðar ríkisstarfsmanna á ferðalögum erlendis á vegum ríkisins sem tók gildi frá 1.janúar 2025.

Sjá nánar á stjornarradid.is

Uppfært excel skjal er komið inní CCQ.

Samgöngustefna Samgöngustofu er aðgengileg í CCQ, samgöngusamningurinn er viðhengi við stefnuna.

Starfsfólk sem hefur tök á að ferðast með vistvænum samgöngumáta til vinnu getur skrifað undir samgöngusamning, skilað honum til mannauðdeildar og fengið greiddan samgöngustyrk.

Samgöngustyrkur fyrir árið 2025 er 132.000 kr., 11.000 kr. á mánuði eða 5.500 kr. fyrir hálfan styrk

Uppfylla þarf eftirfarandi:

• Fullur styrkur: Ferðast til og frá vinnu með vistvænum ferðamáta að jafnaði 80% tilvika (fjóra daga vikunnar).
• Hálfur styrkur: Ferðast til og frá vinnu með vistvænum ferðamáta að jafnaði 40% tilvika (tvo daga vikunnar).

Að ferðast á rafmagnsbíl telst ekki til vistvænna ferðamáta skv. skattmati.

Athugið að endurnýja þarf alla samninga, þau sem ætla að hafa samgöngustyrk 2025 þurfa því að skila inn nýju skjali.

Heilsustyrkur

Upphæð heilsustyrks árið 2025 getur að hámarki orðið 81.000 kr.

Heilsustyrkur er greiddur með launagreiðslum, gegn innsendingu rafrænna reikninga úr viðurkenndu bókhaldskerfi með tölvupósti á laun@samgongustofa.is. Á reikningi skal koma fram nafn og kennitala starfsmanns og gildistími kortsins/námskeiðsins. Reikningur og gildistími korts/námskeiðs skal eiga við það ár sem sótt er um styrk fyrir. Ekki er hægt að greiða styrki aftur í tímann.

Þann 1. janúar 2025 tekur gildi ný gjaldskrá Samgöngustofu. Verður hún birt á vef stjórnarráðsins á næstu dögum.  Almenn hækkun gjaldskrárliða nemur 3%  og er ætlað að mæta hækkunum á rekstrarkostnaði stofnunarinnar milli ára. Áhersla er lögð á að gjaldskrá endurspegli raunkostnað stofnunarinnar hverju sinni.

Þau tíðindi hafa orðið, að fyrstu rafrænu umsóknirnar um flugstarfaskírteini eru orðnar virkar. Nú er hægt að sækja rafrænt um endurútgáfu skírteina fyrir atvinnuflugmenn (ATPL/CPL) og einkaflugmenn (PPL/LAPL) á vefnum okkar, með beinni tengingu við One skjalakerfið. 

Þar með verður ekki lengur hægt að koma landleiðina með þessar umsóknir á pappír, sem eru tímabærar framfarir. Frábært skref!

Fyrir rúmu ári hóf Samgöngustofa kynningu á ábendingakerfinu Bendli í kjölfar þess að umbótahópur hafði verið skipaður til að fylgja verkefninu úr hlaði og koma umbótaverkefnum í farveg. Undirtektir voru góðar og enn er unnið að því að þróa verklagið. Starfsfólk hefur spurt hvað verði um ábendingarnar og hvort tekið sé mark á þeim. Stutta svarið er já, en eins og ávallt gildir um innleiðingu þá er það þolgæðið sem skiptir máli. Skemmst er frá því að segja að á þessu ári hafa borist 73 ábendingar og þar af 13 frá ytri aðilum.

Á meðal þeirra ábendinga sem hafa verið innleiddar eru meðal annars að bæta við kennslu á hönnunarstaðli Samgöngustofu og að kynna betur undirskriftir í tölvupósti við nýliðakynningu. Önnur er svo að hafa minna áberandi merkingar á völdum bílum Samgöngustofu vegna ótilkynnts eftirlits og brugðist hefur verið við báðum þessum ábendingum. Dæmi um stærri tillögur sem hafa komið í gegnum ábendingakerfið er meðal annars að þverfaglegir verkefnahópar verði settir á laggirnar og að skilvirkari stýring verkefna verði innleidd. 

Starf umbótahópsins, uppbygging á virku stjórnunarkerfi og stöðugar umbætur sem kynntar voru á stefnumótunarfundinum á Nordica í vikunni eru staðfesting á að ekki verður staðar numið. Við ætlum að halda áfram í að gera vinnustaðinn enn betri og ábendingakerfið Bendill er öflugt verkfæri í þeirri vegferð.

Sjöundi desember 2024 markar 80 ára afmæli undirritunar Chicago-samningsins um alþjóðaflug, sem fram fór í Chicago í Bandaríkjunum. Í átta áratugi hefur þessi tímamótasamningur verið grundvöllur þróunar á alþjóðaflugi til hagsbóta fyrir þjóðir heims. Til að fagna þessum mikilvæga áfanga skipulagði  Alþjóðaflugmálastofnunin (ICAO) viðburði dagana 4. og 5. desember á Hilton Chicago hótelinu, áður þekkt sem The Stevens Hotel, þar sem samningurinn var samþykktur og stofnunin á uppruna sinn. Þrátt fyrir að þessi viðburður gefi tækifæri til að líta til baka og meta mikilvæga áfangasigra síðustu áttatíu ára, þá er enn mikilvægara að hann skapi vettvang fyrir umræðu allra hagsmunaaðila um hvernig ICAO mun áfram styðja við þróun flugsins á komandi áratugum.

Í bókinni “Saga flugvalla og flugleiðsögu á Íslandi” eftir Arnþór Gunnarsson er eftirfarandi texti: Á árunum 1942–1944 hófu stjórnmála- og embættismenn markvissan undirbúning að almennu alþjóðaflugi að styrjöldinni lokinni. Mest var unnið að þessum málum í Bandaríkjunum, Bretlandi og Kanada. Árið 1944 tóku Bandaríkin af skarið og buðu 53 ríkjum ásamt fulltrúum tveggja annarra til alþjóðlegrar flugmálaráðstefnu í Chicago. Þáðu 52 boðið. Var ráðstefnan haldin á gömlu og virðulegu hóteli, Stevens Hotel, og hófst 1. nóvember 1944. Ætlunin var að ráðstefnan stæði í 25 daga en áður en yfir lauk urðu dagarnir 37.

Það er ótrúlegt að Ísland hafi tekið þátt og gerst í kjölfarið stofnaðili að Alþjóðaflugmálastofnuninni á þessum tímum stríðs og umróta, sama ár og þjóðin hlaut fullveldi. Síðan þá hafa ýmsir samningar verið staðfestir og má þar sérstaklega nefna samninga um stjórnun flugleiðsögu yfir Atlandshafinu sem enn eru í gildi. Valdís Ásta Aðalsteinsdóttir fulltrúi Íslands hjá ICAO tók þátt í viðburðinum í Chicago fyrir Íslands hönd.