Category: Uncategorized

Ísland hefur innleitt nýjar reglur Evrópusambandsins um drónaflug með útgáfu reglugerðar nr. 1360/2024. Reglurnar skipta starfsemi dróna í þrjá flokka:

• Opinn flokkur: Fyrir einfalt flug áhugamanna og atvinnufólks, með áherslu á öryggi.
• Sérstakur flokkur: Fyrir flóknari starfsemi, til dæmis flug utan sjónlínu, þar sem gerð er krafa um áhættumat og heimild.
• Vottaður flokkur: Fyrir stærri dróna og flug með meiri áhættu, þar sem  kröfur líkjast þeim sem gerðar eru í mönnuðu flugi.

Allir drónanotendur þurfa nú að skrá sig á www.flydrone.is. Flugmenn með dróna yfir 250 g þurfa að taka próf og fá hæfnivottorð.

Markmið nýju reglnanna er aukið öryggi og samræmi við reglur annarra Evrópuþjóða (reglugerðir Evrópusambandsins nr. 2019/945 og 2019/947). 

Frekari upplýsingar eru á ytri vefnum okkar.

Ársskýrsla Samgöngustofu fyrir árið 2023 hefur loks litið dagsins ljós. Þar má lesa um starfsemi okkar og sum þeirra verkefna sem unnin voru á síðasta ári og gott getur verið að blaða í gegnum. Ekki síst eru í ársskýrslunni nokkrar af nýju ljósmyndunum okkar, þar sem starfsfólk situr fyrir.

Jóladagatal Samgöngustofu hefst næsta sunnudag (1. des). Um er að ræða 24 skemmtilegar sögur um jólasveinana og ævintýri þeirra, m.a. í umferðinni. Í sögunum fáum við ekki bara að heyra um jólasveinana 13 heldur kynnumst við einnig öðrum minna þekktum íslenskum jólasveinum.

Hægt er að lesa eða hlusta á sögurnar, svara einfaldri spurningu og senda inn svarið. Tvö svör eru dregin út daglega fram að jólum og hljóta þau heppnu veglegan endurskinsbakpoka. Í janúar er svo einn heppinn grunnskólabekkur dreginn út og hlýtur hann pizzu-veislu og borðspil.

Við hvetjum fólk til að lesa sögurnar eða hlusta á þær, leyfa börnunum að svara getrauninni og kannski taka smá umræðu um efni sögunnar.

Jóladagatalið má finna hér: http://joladagatal.umferd.is

Það er alltaf nóg um að vera í ráðningarmálum hjá Samgöngustofu.

Sigurður Torfi Helgason hefur verið ráðinn í tímabundið starf sérfræðings í þjálfunar- og skírteinamálum flugs. Hann hefur störf á morgun, 27. nóvember. Sigurður hefur starfað hjá Air Atlanda, Wow og nú síðast Icelandair. Hann hefur starfað við skráningu og uppsetningu í viðhaldskerfum, eftirlit með gæða- og öryggisstöðlum tengdum flugvélum og kostnaðargreiningu.

Þá er verið að ganga frá ráðningu á sérfræðing í deild siglinga- og hafnareftirlits og næst á dagskrá er deildarstjóri flugrektrar- og skírteinadeildar.

Verklag vegna ferðalaga erlendis (VER-0121) hefur verið uppfært ásamt verklagi fyrir bifreiðar Samgöngustofu, bílaleigubifreiðar og leigubifreiðar (VER-0151).

Verklögin er að finna í CCQ og er starfsfólk hvatt til að kynna sér þau.

Fyrir framan Aðalstræti frá 19 nóvember og fram að jólum

Í gær haldin árleg athöfn til að vekja athygli á fórnarkostnaði umferðarslysa og þakka viðbragðsaðilum og heilbrigðisstarfsfólki fyrir að standa ávallt vaktina. Fjöldi fólks tók þátt í fallegu veðri og þrátt fyrir tilefnið var stemmingin ljúf. Einar Magnús var á staðnum og tók mjög fallegar ljósmyndir sem öllum er velkomið að skoða í ljósmyndamöppunni á sameiginlega K-drifinu okkar:
SGS-Sameign (K:) > Ljósmyndir > Minningardagurinn 2024

Sameinuðu þjóðirnar hafa tileinkað þriðja sunnudag í nóvember alþjóðlegum minningardegi um fórnarlömb umferðarslysa og er sá dagur næsti sunnudagur. Á Íslandi höfum við haldið minningarathöfn þar sem við m.a. þökkum viðbragðsaðilum og heilbrigðisstarfsfólki fyrir þeirra þátt í umferðaröryggi. Í ár verður þemað þreyta og svefn undir stýri og munum við m.a. heyra frásögn móður manns sem lenti í mjög alvarlegu slysi í fyrra þar sem svefn ökumanns kom við sögu. 

Lesa má um daginn, dagskrá hans og fleira, á www.minningardagur.is. 

Athöfnin mun fara fram við þyrlupallinn við Landspítalann í Fossvogi og hvetjum við öll til að mæta og sýna hluttekningu.

Hlekk á Teams er að finna í fundarboði 📧

Tveir hófu nýlega störf hjá Samgöngustofu.

Björn Vilberg Jónsson starfar sem eftirlitsmaður í flugrektardeild og er staðsettur á 2.hæð.

Lína María Ingólfsdóttir starfar sem fulltrúi í skráningar og þjónustudeild og er staðsett á 1. hæð.

Starf deildarstjóra flugrekstrar- og skírteinadeildar er laust til umsóknar, þekkir þú rétta einstaklinginn?

Deildarstjóri flugrekstrar- og skírteinadeildar | Ísland.is

Umsóknarfrestur er til 18. nóvember nk.

Eftir tæpa tvo mánuði, eða 1. janúar 2025 verður Ísland fullgilt aðildarríki að Eurocontrol, sem er Evrópustofnun um öryggi í flugleiðsögu með höfuðstöðvar í Brussel. Aðildarviðræður hófust árið 2008, en haustið 2022 var skrifað undir aðlögunarsamning Íslands að Eurocontrol.

Ferlið frá aðlögunarsamningi að fullgildingu er markað nokkrum áföngum. Í dag barst staðfesting þess að utanríkisráðuneyti Belgíu hafi tekið við orðsendingu og fullgildingarskjölum Íslands að Eurocontrol. Það er síðasta skrefið áður en formleg aðild tekur gildi um áramótin.

Það hefur verið nóg að gera í ráðningum hjá Samgöngustofu síðastliðnar vikur. Hér fyrir neðan má sjá ráðningar sem búið er að ganga frá.

Lína María Ingólfsdóttir var ráðin sem fulltrúi í skráningar og þjónustu og mun hefja störf 1. nóvember n.k. Lína María hefur mikla reynslu í viðskiptaþjónustu og starfaði nú síðast hjá Travelling Iceland og þar á undan í Heilsuhúsinu.

Hafdís Bára Ólafsdóttir var ráðin sem fulltrúi í NorType og mun hefja störf 1. desember n.k. Hún hefur síðustu sex ár unnið sem fulltrúi í skráningum og þjónustu hjá Samgöngustofu.

Gabríel A. Rodriquez var ráðinn sem fulltrúi í NorType og mun hefja störf 1. janúar n.k. Gabríel hefur síðastliðin tvö ár starfað í neyðarskýlinu á Granda og þar áður sem húsvörður hjá Þrótti. Hann er að klára viðskiptafræði við Háskólann á Bifröst og stundar einnig nám við NTV í bókhaldi.

Jón Skjöldur Níelsson var ráðinn sem fulltrúi í NorType og mun hefja störf 1. janúar n.k. Jón Skjöldur hefur starfað síðastliðin þrjú ár sem þjónusturáðgjafi hjá Toyota og þar áður hjá Mótormax. Þá hefur hann einnig starfað sem bormaður og sprengistjóri hjá Borgarvirki í um 16 ár. Jón Skjöldur er með B.A. próf í stjórnmálafræði og M.A. í Evrópufræðum frá Háskóla Íslands.

Óskað er eftir áhugasömum aðilum til að sitja í umhverfishóp Samgöngustofu og taka þátt í gefandi og skemmtilegu starfi hópsins. 
Markmið hópsins er að efla þekkingu og vitund starfsfólks á umhverfismálum og stuðla að því að gera rekstur og starfsemi Samgöngustofu umhverfisvænni.

Hlutverk hópsins eru m.a.:

• Móta umhverfis- og loftlagsstefnu stofnunarinnar
• Leggja til mælanleg markmið umhverfismála í samræmi við loftlagsstefnu og í samráði við sérfræðinga Samgöngustofu
• Skipuleggja fræðslu og kynningu umhverfismála innan SGS, t.d. föstudagsörerindi og kynnisferðir til annarra fyrirtækja 
• Halda utan um vinnu og fylgja eftir verkefnum sem snúa að viðhaldi Grænna skrefa í ríkisrekstri
• Halda utan um gagnaöflun fyrir skil á Grænu bókhaldi 
• Framfylgja verkefnum á sviði umhverfismála sem framkvæmdastjórn felur hópnum 
• Koma með tillögur að umbótaverkefnum á sviði umhverfismála fyrir rekstur stofnunarinnar (innri umbótaverkefni)
• Koma með tillögur að samfélagslegum verkefnum á sviði umhverfismála (ytri umbótaverkefni)

Áhugasöm eru beðin að hafa samband við graen@samgongustofa.is