Author: Anney

Minnum á skiptimarkað fyrir jólakonfektið sem verður í Ármúlanum á morgun, 3. janúar. Endilega komið með afgangs konfekt eða smákökur frá jólunum og setjið í skálar á hverri hæð við kaffivélarnar.

Stjórn Farsýslunnar sendir ykkur bestu óskir um gleði og frið um jólin og farsæld á komandi ári. Njótið jólahátíðarinnar með ykkar allra besta fólki.

Þökkum skemmtilegar stundir á liðnu ári og minnum á skiptimarkað jólakonfekts þann 3. janúar nk. Tökum með okkur allt afgangs konfektið, klárum þessa miklu át-hátíð með stæl og minnkum matarsóun um leið.

Hirðskáldið okkar hún Þóra gat því miður ekki verið í dómnefndinni í ár en jólaskreytingakeppnin veitti henni þó innblástur að litlum kviðlingi:

Jólagangar – Keppni milli ganga hjá Samgöngustofu – 2023  

Á hæðum hússins birtir til, með heljarinnar sjowi,
þar kunna starfsmenn á því skil, að stilla upp á nói. 

Því skreytikeppni’er skollin á, og stríð er milli ganga.
Nú vilja allir verðlaun fá, og vinningstitil fanga. 

Um dyra gættir gaman er, að gægjast inn og skoða,
og metast um hver fremstur fer, í flokki jólaboða. 

Hvar metnaðurinn mestur er, má vart á milli skilja.
En úr því súper nefndin sker, með sínum góða vilja. 

Nú við erum spennt að sjá, hver sigrar þessa keppni.
Því alveg er það af og frá, að orsakist af heppni. 

(Höf.: Þóra Halldórsdóttir) 

Jólahlaðborðið okkar er handan hornsins. Mæting kl. 19 í Gullhamra og borðhald hefst í kjölfarið.

Í dag hefja leynivinir störf um allt hús. Óhætt er að segja að ekki sé allt sem sýnist því leynivinir í ár hafa ráðið sér aðstoðarfólk og hætta engu við að koma upp um sig. Leynivinaleikurinn verður í fullum gangi í næstu þrjá daga og lýkur á föstudaginn með lítilli athöfn þar sem hulunni verður svipt af leynimakkinu.

Starfsdagur hjá deild leyfisveitinga og ökunáms var haldinn þann 16. nóvember. Að þessu sinni var starfsdagurinn haldinn á á Suðurlandi en lagt var af stað á Selfoss með nesti og nýja skó kl. 8 um morguninn. Dagurinn hófst með kaffi og bakkelsi á lögreglustöðinni á Selfossi en þaðan var farið, ásamt fulltrúum vegaeftirlits á Suður- og Vesturlandi, á nýja vigtarstæðið á Suðurlandsvegi (á milli Hveragerðis og Selfoss) og skoðaðir vörubílar með farm með tilliti til þyngdar og leyfa. Í framhaldi var ekið á Geysi þar sem fylgst var með leyfsskyldum akstri. Dagurinn var virkilega fróðlegur og skemmtilegur.

Í morgun hélt stjórn Farsýslunnar stutta kynningu á starfinu framundan og stjórnarmeðlimir kynntu sig. Framundar er margt spennandi, til dæmis leynivinaleikur, jólaskreytingakeppni, jólahlaðborð og jólaskemmtun barnanna í Guðmundarlundi. Auglýst var eftir liðsauka í stjórnina og eru áhugasöm beðin að senda póst á farsyslan@samgongustofa.is eða einhvern úr stjórninni.

Þá var minnt á facebook síðu Farsýslunnar og fólk minnt á að nota hana, til dæmis til að láta vita um skemmtilega viðburði sem starfsfólk ætlar að taka þátt í, setja inn myndir og fleira.

Skráning á jólahlaðborð Farsýslunnar

Myndir úr myndakassanum frá árshátíðinni eru komnar inn á K:\Ljósmyndir\Árshátíð 2023 myndakassi.

Myndirnar hafa ekki verið ritskoðaðar sérstaklega að öðru leyti en að mjög hreyfðum myndum var eytt.

Þá er komið að því sem öll hafa beðið eftir í ofvæni, viðburðadagatal Farsýslunnar fyrir starfsárið 2023-2024 hefur litið dagsins ljós.

Athugið að dagatalið er birt með fyrirvara um ófyrirséðar breytingar.

Nýskipuð stjórn Farsýslunnar er að leggja drög að dagskrá vetrarins sem verður kynnt fljótlega eftir heimkomu frá Kaupmannahöfn. Það er þó auðvitað umbótahugur í stjórn Farsýslunnar eins og öðrum starfsmönnum SGS svo við viljum biðja ykkur að smella á linkinn og setja inn hugmyndir að viðburðum:

https://forms.gle/2bNhwtpSairDXD116

Við viljum þó biðja ykkur að taka 20. október frá því þá ætlum við að hafa Októberfest í matsalnum hér í Ármúla eftir vinnu. Í boði verða veitingar sem hæfa tilefninu.

Stefán Pálsson, sagnfræðingur og bjóráhugamaður, mætir á svæðið og hressir upp á bjórþekkingu okkar. Nánari tímasetning auglýst síðar.

Athugið að það kostar 1000 krónur inn á viðburðinn (dregið af launum). Ástæða þess að ákveðið var að rukka þetta lágmarksgjald er að Farsýslan hefur tapað talsverðum fjármunum vegna viðburða sem verslað hefur verið aðföng fyrir, samkvæmt skráningu, en alltof margir hafa afboðað sig á síðustu stundu eða gleymt að afboða sig og ekki komið.  

Skráningu lýkur 18. október kl. 16. Rukkað verður skv skráningarlista eftir þann tíma.

Skráning hér

Miðvikudaginn 6. september fór fram aðalfundur Farsýslunnar. Aron Freyr fór yfir síðasta starfsár félagsins og lagði fram ársreikning til samþykktar með fyrirvara um endurskoðun. Ársreikningur var samþykktur og auk þess tillaga frá stjórn um breytingu á b lið 2. mgr. 3. gr. reglna Farsýslunnar um að hækka upphæð til stórafmælisgjafa um 5000 kr svo þær verði 20.000.
Þá var ný stjórn kjörin og fráfarandi formanni og stjórn þökkuð sín störf í þágu félagsins.

Ný stjórn Farsýslunnar fyrir starfsárið 2023-2024:

Anney Þórunn Þorvaldsdóttir – formaður
Berglind Magnúsdóttir- gjaldkeri
Dröfn Gunnarsdóttir- meðstjórnandi
Kolbeinn Arnarson – meðstjórnandi
Bjarki Sigþórsson – meðstjórnandi
Gunnar Karl Gunnarsson – meðstjórnandi
Rannveig Garðarsdóttir- meðstjórnandi

Aðalbókari:
Friðjón Axfjörð Árnason

Endurskoðendur:
Halldóra S. Sigurþórsdóttir og Erna Guðmundsdóttir

Fráfarandi stjórn Farsýslunnar starfsárið 2022-2023

Aron Freyr Jóhannsson – formaður
Hulda Finnsdóttir/Berglind Magnúsdóttir – gjaldkeri
Anney Þórunn Þorvaldsdóttir – meðstjórnandi
Díana Björk Eyþórsdóttir – meðstjórnandi
Fanney Lára Sandholt – meðstjórnandi
Gunnar Karl Gunnarsson – meðstjórnandi
Una Björg Einarsdóttir – meðstjórnandi

Aðalbókari:
Friðjón Axfjörð Árnason

Endurskoðendur:
Halldóra S. Sigurþórsdóttir og Erna Guðmundsdóttir

Stjórn Farsýslunnar minnir á aðalfundinn 6. september kl. 16.30. Fundurinn verður haldinn í matsalnum í Ármúla. Að fundi loknum verður boðið uppá mat og drykk. Skráning fer fram HÉR

Dagskrá fundarins:

1. Skýrsla félagsstjórnar um starf s.l. árs.
2. Endurskoðaðir reikningar félagsins skulu lesnir og bornir upp til samþykktar.
3. Reglubreytingar, ef fram koma.
4. Ákvörðun um félagsgjald.
5. Kosning stjórnar og endurskoðenda samkvæmt 4. gr.
6. Önnur mál

Það eru 4 laus pláss í stjórn Farsýslunnar. Stjórn skipuleggur viðburði fyrir félaga og heldur utan um þá. Óskað er eftir framboðum í stjórn og hvetur stjórn sérstaklega þau sem ekki hafa áður átt sæti í stjórn til að stíga upp og hafa samband við einhvern núverandi stjórnarmeðlim:

Aron Freyr Jóhannsson

Anney Þórunn Þorvaldsdóttir

Berglind Magnúsdóttir

Díana Björk Eyþórsdóttir

Fanney Lára Sandholt

Gunnar Karl Gunnarsson

Una Björg Einarsdóttir

Föstudaginn 25. ágúst var golfmót Samgöngustofu haldið í blíðskaparveðri á Grafarholtsvelli hjá Golfklúbbi Reykjavíkur. Keppnisfyrirkomulag var 4 manna Texas scramble og höfðu liðin komið sér saman um lit á liðsbúningum fyrir leik. Í ár voru það sjö lið sem kepptu um bikar og heiðurinn sem honum fylgir en að auki höfðu fjölmörg fyrirtæki veitt styrki í formi vinninga sem dregnir voru út. Ljóst er að golfmót Samgöngustofu er komið til að vera og fer vaxandi ár frá ári.

Úrslit mótsins:

Lið	Högg án forgj	Forgjöf	Nettó	Sæti
Driverar (Björn, Halldóra, Halldór og Bjarki)	72	15	57	1.
Púttarar (Atle, Þóra Sigurjón og Kolbeinn)	73	15	58	2.
Eldingarnar (Kristinn, Pétur, Steingrímur og Kristján)	72	14	58	3.
Draumahöggið (Hlín, Bjarklind, Kristinn og Ísleifur)	73	14	59	4.
Sleggjurnar (Einar, Ómar, Davíð og Benóný)	71	9	62	5.
Fuglarnir (Birgir, Anney, Svava og Bára)	83	18	65	6.
Bomburnar (Rut, Laufey, Erna og Berglind)	85	16	69	7.

Sérstakar þakkir fyrir veglegan stuðning:

Farsýslan starfsmannafélag (niðurgreiðsla vallargjalda)

Samgöngustofa (niðurgreiðsla vallargjalda og samlokur a la Bjössi)

Rif restaurant

Húsgagnahöllin

Bombay bazaar

Lemon

Georgíuvín

Garri

Innes

Ölgerðin

Golfstöðin Glæsibæ

Íslenski barinn

MS

Stjórn Farsýslunnar boðar til aðalfundar miðvikudaginn 6.september kl 16:30 í matsalnum í Ármúla 2. Að fundi loknum verður boðið uppá mat og drykk. Skráning fer fram HÉR

Tillögur að reglubreytingum þurfa að berast stjórn Farsýslunnar í síðasta lagi fyrir 12 á hádegi miðvikudaginn 30. ágúst. Reglurnar eru aðgengilegar á innri vef á meðfylgjandi hlekk:

https://samgongustofa.viska.dev/starfsmannafelagid-farsyslan/ 

Dagskrá fundarins:

1. Skýrsla félagsstjórnar um starf s.l. árs.
2. Endurskoðaðir reikningar félagsins skulu lesnir og bornir upp til samþykktar.
3. Reglubreytingar, ef fram koma.
4. Ákvörðun um félagsgjald.
5. Kosning stjórnar og endurskoðenda samkvæmt 4. gr.
6. Önnur mál

Það eru laus sæti í næstu stjórn Farsýslunnar og við hvetjum öll sem hafa áhuga á því að bjóða sig fram í stjórn að hafa samband við einhvern núverandi stjórnarmeðlim.

Aron Freyr Jóhannsson

Anney Þórunn Þorvaldsdóttir

Berglind Magnúsdóttir

Díana Björk Eyþórsdóttir

Fanney Lára Sandholt

Gunnar Karl Gunnarsson

Una Björg Einarsdóttir

Eins og alkunna er þá ætlar Samgöngustofa að fara til Kaupmannahafnar í haust í fræðslu- og árshátíðarferð. Farsýslan kynnti tilhögun árshátíðarkvöldsins sjálfs í föstudagskaffinu í morgun en frekari upplýsingar koma á næstu vikum í tölvupósti.

Glærur frá kynningunni

Fjölskyldugleði Samgöngustofu og Farsýslunnar markaði upphaf sumars í gær en sólin skein á starfsfólk og fjölskyldur þeirra í Fjölskyldu- og húsdýragarðinum. Pylsur með öllu tilheyrandi runnu ljúflega niður og flest skelltu sér í leiktækin og tóku út dýrahaldið. Sást meðal annars til einhverra starfsmanna tæknideildar í úttekt á lestinni og að sjálfsögðu fór yngsta kynslóðin í ökuskólann. Takk fyrir frábæra samveru öll!

Endilega takið daginn frá og eigum góða stund með fjölskyldum okkar áður en allir halda í sumarfrí!

Skráningarfrestur fyrir vorfagnaðinn rennur út kl. 12 á þriðjudaginn.

Athugið að þessar tímasetningar eru birtar með fyrirvara um ófyrirséðar breytingar.

SKRÁNING

Smellið á myndina til að fá upp skráningarvalmynd.

Í þeim tilgangi að sigrast á vöðvabólgu sem herjað hefur á starfsfólk á gangi 3A var efnt til sameiginlegrar teygjustundar í morgun. Áformað er að taka nokkurrra mínútna teygjustundir tvisvar í viku. Það eru teygjumeistararnir Una og Sigurjóna sem leiða teygjurnar.