Það er hún Kristín Þorsteinsdóttir sem velur föstudagslagið þessa vikuna. Um val sitt segir hún:
Mitt lag er með Whitney Houston – eða Whitney vinkonu eins og ég kýs að kalla hana – og er I wanna dance with somebody. Eitt af hennar frábæru lögum og við þurfum að halda minningu þessarar einstöku söngkonu á lofti.
Líf hennar var erfitt þrátt fyrir frægð og frama og hún fékk ekki að vera hún sjálf – eins og kemur glöggt fram í myndinni Can I be me?
Á sunnudaginn 20. nóvember er alþjóðlegur minningardagur um fórnarlömb umferðarslysa. Líkt og undanfarin ár verður haldin athöfn kl. 14:00 við þyrlupallinn við Landspítalann Fossvogi. Þar munu forseti Íslands Guðni Th. Jóhannesson og Willum Þór Þórsson heilbrigðisráðherra flytja stutt erindi. Að því loknu mun Jónína Snorradóttir sem varð völd að banaslysi segja sína sögu.
Starfsfólk Samgöngustofa hefur unnið kappsamlega að undirbúningi þessa dags og viljum við hvetja ykkur til að mæta sé þess kostur. Sjá má nánari upplýsingar á www.minningardagur.is.
Hópurinn sem mætti á málþingið, Kristín Helga um miðju (við súluna) og Sverrir lengst til hægri
Alþjóðasiglingamálastofnunin IMO og The Nautical Institute héldu sameiginlegt málþing um mál tengd siglingum og starfsemi á heimskautasvæðum (Polar Maritime Seminar) í höfuðstöðvum IMO dagana 31. október til 1. nóvember síðastliðinn. Á málþinginu var fjallað um þróun siglinga og tengdrar starfsemi á hafsvæðum norður- og suðurskautsins. Ísland var í pallborði um öryggi fiskiskipa á norðurslóðum og flutti erindi um góðan árangur í slysavörnum á sjó undanfarin ár.
Að málþinginu loknu sátu fulltrúar Íslands fund siglingaöryggisnefndar IMO, Maritime Safety Committee (MSC). Á fundinum voru m.a. teknar fyrir breytingar á alþjóðasamningum IMO um siglingaöryggi, STCW-samþykktarinnar um menntun og þjálfun sjómanna, málefni sjálfsiglandi skipa, sjórána, netöryggis, rafrænnar leiðsögu og uppfærslu á neyðarfjarskiptakerfinu GMDSS. Fundinn sóttu Kristín Helga Markúsdóttir framkvæmdastjóri stjórnsýslusviðs og Sverrir Konráðsson fagstjóri í siglingum á stjórnsýslusviði.
Sverrir og Kristín Helga sóttu þingið fyrir okkar hönd
Eins og við sögðum í frétt hér á innri vefnum á mánudag var umfjöllun í Kveik í gær um skipulag strandsvæða og siglingaöryggi í tengslum við aukið sjókvíaeldi í fjörðum á Austurlandi og Vestfjörðum.
Málið varðar skipulag strandsvæða á Austfjörðum og Vestfjörðum og athugasemdir við tillögur þar um. Meðal annarra skilaði Samgöngustofa umsögn. Þar var vakin athygli á mikilvægi þess að við leyfisveitingar um sjókvíaeldi þyrfti fyrst og fremst að tryggja siglingaöryggi. Eftirspurn eftir svæði í flóum og fjörðum til matvælaframleiðslu fer vaxandi en pláss er takmörkuð auðlind. Sjófarendur eiga mikið undir greiðum og öruggum aðgangi að höfnum landsins og áríðandi að öruggar siglingaleiðir séu rétt merktar og án hindrana.
Í þessari viku, dagana14. til 18. nóvember, er á landinu sendinefnd frá ESA og EMSA til að taka út búlk stöðvar, þar sem lausum farmi er landað. Áætlað er að taka út tvær stöðvar á Grundartanga, eina í Straumsvík og eina í Reyðarfirði.
Sendinefndin mun skoða hlítni Íslands við tilskipun Evrópuþingsins og ráðsins 2001/96/EB frá 4. desember 2001 um samræmdar kröfur og aðferðir að því er varðar örugga lestun og losun búlkaskipa, sem innleidd er á Íslandi með reglugerð 204/2004 um samræmdar kröfur og aðferðir að því er varðar örugga lestun og losun búlkaskipa.
Það er deild siglinga- og hafnaeftirlits sem hefur umsjón með úttektinni fyrir hönd Samgöngustofu.
Eins og kom fram í föstudagspistli forstjóra þá hafði Kveikur (RÚV) samband við okkur vegna umfjöllunar um uppbyggingu á sjókvíaeldi sem þau voru að vinna að og óskuðu eftir viðtali í því sambandi og í tengslum við umsögn okkar. Að sjálfsögðu brugðumst við vel við því eins og meðfylgjandi mynd sýnir. Fyrirhugað er að sýna þáttinn á RÚV nú á þriðjudagskvöldið.
Málið varðar skipulag strandsvæða á Austfjörðum og Vestfjörðum og athugasemdir við tillögur þar um. Meðal annarra skilaði Samgöngustofa umsögn. Þar var vakin athygli á mikilvægi þess að við leyfisveitingar um sjókvíaeldi þyrfti fyrst og fremst að tryggja siglingaöryggi. Eftirspurn eftir svæði í flóum og fjörðum til matvælaframleiðslu fer vaxandi en pláss er takmörkuð auðlind. Sjófarendur eiga mikið undir greiðum og öruggum aðgangi að höfnum landsins og áríðandi að öruggar siglingaleiðir séu rétt merktar og án hindrana.
Þann 15. október síðastliðinn fóru Vatnadrekar í langþráða jeppaferð. Þar sem liðið var langt inn í október var erfitt að skipuleggja ferðina með miklum fyrirvara, þar sem þurfti að athuga með veður og færð áður en farið var. Vegna veðurs og færis á hálendinu var ákveðið að fara styttri ferð og aðeins nær höfuðborgarsvæðinu. Föstudaginn 14. október var legið yfir kortum og leiðum þar sem óvissa var í veðurkortunum, spáð var vaxandi norðanátt þegar liði á daginn með tilheyrandi kulda og mögulegum skafrenning. Því var ákveðið að hittast um 9 leytið á Orku bílastæðinu við Vesturlandsveg og fara leið sem er stundum kölluð Þúsundvatnaleiðin. Þrátt fyrir að vindurinn blési kaldri norðanátt á okkur í ferðinni þá var gott skjól í heitum jeppunum og ekki væsti um okkur.
Leiðin
Beygt var af þjóðveginum við Litlu kaffistofuna og haldið norður fyrir Svínahraun í átt að Heillisheiðarvirkjun, en vegna lokunar á slóðum á virkjunarsvæðinu var tekin lengri leið upp á Hellisheiði framhjá skíðaskálanum í Hveradölum. Eftir að hafa skoðað virkjanasvæðið var haldið inn í Innstadal en þurftum að snúa við þegar vegaslóðinn var orðinn ansi torfærinn og grýttur. Það má segja að við höfum tekið hring í kringum Orustuhólshraun en við keyrðum niður Hengladalaá og komum aftur inn á þjóðveginn á miðri Hellisheiði.
Myndband:
Það var mat þeirra sem fóru í ferðina að þessi ferð hefði heppnast gríðarlega vel og ekki væri alltaf þörf að keyra langt frá höfuðborgarsvæðinu til þess að komast í alvöru jeppaferð (þó stutt væri). Þrátt fyrir að kuldi væri í loftinu var útsýnið upp á 10 eins og svo oft er málið þegar norðanvindur blæs á Höfuðborgarsvæðinu á haustin.
Þeir sem fóru í ferðina voru: Ólafur Arnar Gunnarsson á Grænum Nissan Patrol, Guðbjörn Jensson á Svörtum Hilux og Jón Hjalti Ásmundsson á Hvítum Mercedez Benz Sprinter. Farþegar voru Markús Benediktsson og Jón Ragnars.
Hafið samband við Bubba/Guðbjörn ef þið viljið taka þátt í ævintýrum framtíðar með Vatnadrekum. Öll velkomin!
Það er hann Sigurjón Hreinsson sem velur föstudagslagið að þessu sinni. Um val sitt segir Sigurjón:
Lagið sem ég valdi er November Rain með Guns N´ Roses, titill lagsins átti vel við veðuraðstæður á leið til vinnu einn morguninn. Þetta er ekki þekktasta lag með Axl Rose og félögum en líklega það best samda. Þar sem ég hef gaman af flottum gítarsólóum og riffum, standa hér upp úr tveir frábærlega spilaðir kaflar af meistara Slash.
Sunnudaginn 20. nóvember er alþjóðlegur minningardagur um fórnarlömb umferðarslysa. Dagurinn er til að minnast þeirra sem látist hafa í umferðinni, leiða hugann að ábyrgð hvers og eins í umferðinni en ekki hvað síst að þakka þeim viðbragðsaðilum sem veita hjálp og björgun. Að þessu sinni er sérstök áhersla lögð á öryggi óvarinna vegfarenda. Einnig verður lögð áhersla á aðhlynningu þeirra sem verða valdir að umferðarslysum.
Nú sem fyrr kemur Samgöngustofa að undirbúningi þessa dags, þeirra athafna sem haldnar verða víða um land og miðlun efnis til fjölmiðla. Þær umfjallanar eru helst reynslusögur sem við höfum komið á framfæri og það sem einkennir þær núna í ár er að þarna segja ökumenn sem hafa orðið valdir að banaslysum sögu sína. Slíkar umfjallanir og umræða er mjög mikilvægur þáttur í þeim forvörnum sem við og fleiri vinnum stöðugt að. Á vefnum okkar er síða sem tileinkuð er minningardeginum og þar er hægt að nálgast allar upplýsingar, t.d. dagskrá dagsins víða um land.
Haldin verður athöfn kl. 14:00 þennan dag á þyrlupallinum við Landspítalann Fossvogi. Hér má sjá nánari upplýsingar um minningardaginn og hér að neðan er dagskrá athafnarinnar í Reykjavík.
13:45 Þyrla Landhelgisgæslunnar lendir
13:45 til 14:00 þátttakendur safnast saman við þyrlupallinn og stilla upp farartækjum og fólki
14:00 Minningarathöfnin sett – Ragnhildur Hjaltadóttir
14:05 Ráðherra heldur ræðu
14:15 Forseti Íslands heldur ræðu
14:25 Ræðumaður dagsins segir reynslusögu sína
14:35 Formlegri athöfn slitið
14:35 Boðið upp á kaffi, kakó og með því
14:35 Forseti Íslands færir starfsfólki Bráðamóttökunnar veitingar – þakklætisvott.
14:40 Myndataka – viðbragðsaðilar ásamt forseta framan við ökutæki og þyrlu LHG.
14:40 Viðvera og ýmis frágangsatriði
Að undirbúningi minningardagsins standa ásamt okkur innanríkisráðuneytið, Landsbjörg, lögreglan, Sjálfsbjörg og Vegagerðin. Auk þess taka þátt í þessu með okkur Landhelgisgæslan, Landsamband slökkviliðsmanna og bráðaliða, Landspítalinn, Neyðarlínan, rannsóknarnefnd samgönguslysa og Rauði krossinn. Þarna koma saman viðbragðsaðilar, aðstandendur og aðrir gestir.
Lagið Englar með KK og Ellen er orðið að segja má einkennsilag minningardags um fórnarlömb umferðarslysa. Lagið samdi KK um systur þeirra sem lést í umferðarslysi í Bandaríkjunum árið 1992. Hér má sjá kynningu fyrir minningaraginn 2021:
Við hjá Hagstofu Íslands erum að setja saman reglulegan fótbolta fyrir starfsmenn helstu ríkisstofnana í bænum (“Ríkisboltinn”):
Fólk frá ýmsum stofnunum er nú þegar byrjað að skrá sig svo búast má við að þetta verði spennandi vettvangur þar sem fólk úr ýmsum áttum getur tengst og brotið upp vinnuvikuna með skemmtilegum hætti.
Spilað verður í Sporthúsinu á miðvikudögum kl. 16-17. *
Tekið hefur gildi breyting á reglugerð um afmörkun siglingaleiða, svæði sem ber að forðast og tilkynningaskyldu skipa fyrir Suðvesturlandi (nr. 524/2008) sem heimilar stærri skipum að sigla svonefnda innri leið fyrir Reykjanes.
Skipum allt að 30.000 brúttótonnum er nú heimilt að sigla innri leið fyrir Reykjanes allt árið í stað 20.000 brúttótonna hámarks áður. Sem fyrr eru skilyrði um að skipið flytji ekki hættuleg efni eða eiturefni og að skipstjóri hafi reynslu af siglingum á þessu svæði. Til viðbótar verður nú gerð krafa um tilkynningaskyldu til vakstöðvar siglinga áður en siglt er um innri leið.
Reglugerðin var kynnt í samráðsgátt stjórnvalda í apríl.
Eins og kom fram í kynningu í morgunkaffinu á föstudaginn og í pósti frá forstjóra sama dag, hefur nú verið tekið ákvörðun um að hefja samstarf við Stafrænt Ísland um flutning vefs Samgöngustofu yfir á island.is.
Um skeið hefur verið ljóst að huga þyrfti að endurskoðun á vefnum okkar. Fyrir því eru aðallega tvær ástæður. Í fyrsta lagi hefur Hugsmiðjan sem sér um vefumsjónarkerfið okkar (Eplicu) hætt þróun þess og hefur tilkynnt þeim aðilum sem nota hana að finna þurfi aðra lausn fyrr en síðar. Í öðru lagi er vefurinn okkar orðinn átta ára gamall sem er mjög langur tími í vefheimum. Því er orðið tímabært að endurskoða efnið, uppsetningu og innleiða þær nýjungar sem komið hafa fram á þessum tíma.
Undanfarin misseri höfum við því verið að skoða þá möguleika sem koma til greina varðandi framtíð vefsins. Tveir kostir komu til greina eftir skoðun:
Annars vegar er það að fara í nýjan vef á okkar eigin vegum. Helstu kostir þeirrar leiðar eru mikill sveigjanleiki, við myndum ráða okkur alfarið sjálf t.d. hvað varðar útlit, virkni og annað. Helstu gallar eru að slíkt verkefni er mjög kostnaðarsamt, tímafrekt og krefst mikillar vinnu. Engin samlegðaráhrif með öðrum aðilum fylgir þessum kosti.
Hins vegar er það að færa vefinn yfir á island.is eins og t.d. sýslumenn og Sjúkratryggingar hafa gert og fleiri stofnanir hafa tekið ákvörðun um að gera. Helstu kostnirnir við þessa leið er að hún er mjög hagkvæm, enginn kostnaður fellur á stofnunina fyrir utan vinnu starfsfólks. Við fáum mikla aðstoð við efnisvinnuna, fáum ýmis tæki og tól og njótum mikillar fagþekkingar Stafræns Íslands í verkefninu. Helstu gallarnir eru þeir að lítill sveigjanleiki er í boði, við göngum inní fastmótað form og höfum litla möguleika á að skapa okkur sérstöðu, t.d. með útliti.
Greining og ákvörðun
Greiningarvinna fólst m.a. í nokkrum fundum með Stafrænu íslandi þar sem farið var ítarlega yfir kosti og galla þess að færa vefinn yfir til þeirra, fundi með verkefnastjóra hjá sýslumönnum um þeirra reynslu, fundi með vefstjóra Stjórnarráðsins og greining á kostum og göllum hvorrar leiðar hér innanhúss.
Niðurstaða þessarar vinnu var sú að gerð var tillaga til framkvæmdastjórnar um að sækja um að færa vef stofnunarinnar yfir á island.is og þar var hún samþykkt. Búið er að sækja um hjá island.is og hefur umsóknin verið samþykkt þar.
Stafrænt Ísland og stofnanavefir
Stafrænt Ísland býður stofnunum að koma með vefi sína inn á island.is og hafa sýslumenn og Sjúkratryggingar Íslands þegar opnað vefi sína þar. Fleiri stofnanir hafa tekið ákvörðun um að flytja vefi sína þar inn. Þær stofnanir sem nú þegar hafa sótt um og hafið vinnu:
Ýmsir kostir fylgja því að fara með vefinn inn á island.is:
Notendur
Notendamiðuð nálgun hjá island.is, allt byggt útfrá notendamiðaðri nálgun
Kostur fyrir notendur að svipað viðmót sé hjá öllum stofnunum. Þeir þurfa ekki að vita hvaða stofnun sér um einstaka málaflokka.
Stuðningur
Fyrirtækið Stefna sér um efnisstefnu og hjálpar okkur að flytja efnið yfir á island.is, þ.e. kennir okkur vinnubrögðin og aðstoðar eftir þörfum.
Hönnunarkerfi er til staðar og þurfum við ekki að huga að því.
Við fáum hjálp við að skipuleggja veftréð okkar.
Aðgengismál eru upp á 10 og þurfum við því ekki að huga að því, getum t.d. hætt að borga fyrir Siteimprove.
Þekking Stafræns Íslands er mjög mikil og getum við leitað í þeirra smiðju að vild.
Okkur er boðinn verktaki í einn mánuð til þess að styðja við verkefnið.
Hagkvæmni
Betri nýting á skattfé – mikil samlegðaráhrif
Enginn rekstrarkostnaður
Sjálfkrafa uppfærslur
Engin leyfisgjöld
Engin þjónustugjöld
Enginn hýsingarkostnaður
Enginn þróunarkostnaður
Tæki og tól til að auka þjónustu
Við munum fá aðgang að ýmsum tækjum og tólum þegar við erum komin inn á island.is sem öll munu styðja við starfsemina og hjálpa okkur að bæta þjónustu stofnunarinnar. Hér eru þau helstu:
Spjallmenni (AI chatbot)
Þjónustugátt (knowledge based)
Zendesk þjónustukerfi
Tungumálastuðningur, tól sem hefur verið þróað af Miðeind og byggist á máltækni og gervigreind. Með því getum við t.d. komið ensku síðunum okkar í betra horf.
Upplestur texta á síðum, fyrir blinda og sjónskerta
Tölfræðitól til þess að sjá umferð um vefinn og forgangsraða efni eftir því
Aðgengistól (getum hætt að nota Siteimprove)
Skipulag og tímalína
Verkefnastjóri verkefnisins er er Sigfús Þ. Sigmundsson vefstjóri. Yfir verkefninu verður stýrihópur sem í sitja forstjóri, framkvæmdastjórar sviða, samskiptastjóri og deildarstjóri upplýsingatæknideildar. Verkefnahóp skipa Sigfús, Lárus, Þórhildur og fulltrúar allra sviða tilnefndir af framkvæmdastjórum. Minni vinnuhópar munu vinna að einstaka verkefnum eftir þörfum.
Reiknað er með að vinna við að flytja efni af núverandi vef yfir á island.is muni taka um sex mánuði. Eftir það hefst vinna við að setja upp spjallmenni og þjónustugátt. Unnið er að nákvæmara tímaplani og er reiknað með að það liggi fyrir eftir 2-3 vikur. Áætlað er að byrja að vinna að flutningi miðlægs efnis og svo hefst vinna með einstaka sviðum, allt eftir því hvernig hentar hverju sviði hvað varðar vinnuálag.
Starfsdagur Umferðarsviðs var haldinn eftir hádegi þann 3. nóvember í mötuneyti Samgöngustofu. Gleði og ánægja yfir því að geta loksins hist og verið öll saman sveif yfir vötnum en alls tóku 39 starfsmenn Umferðarsviðs þátt í deginum. Á dagskrá voru stuttar kynningar á deildum og starfsfólki sviðsins en að því loknu var gætt sér á gúmmilaði sem Bjössi kokkur var búinn að undirbúa. Ekki veitti af að fá orku fyrir nákvæmnisvinnuna sem starfsmenn spreyttu sig á við að byggja háan turn út spaghetti og sykurpúðum.
Hópur 2 bar sigur úr býtum og byggði 129,5 cm háan turn, geri aðrir betur! Eftir gúmmilaðipásu númer tvö var skipt í 6 vinnuhópa og unnið var með lykilspurninguna “hvaða umbætur sérð þú fyrir þér á sviðinu/deildinni 2023” og voru umræður tengdar við stefnu Samgöngustofu. Frábærar umræður sköpuðust í hópunum og spennandi verður að vinna úr þeim tillögum.
Í lok starfsdagsins var tilkynnt um sigurvegara barnamyndakeppni Umferðarsviðs en starfsmenn fengu 2 daga til að ráða fram úr hver er hvað á sviðinu, út frá barnamyndum. Í 2. sæti varð Kristinn Jóhannesson (Tæknimál ökutækja og innviðir) en sigurvegarinn er Íris Hlín Heiðarsdóttir í NorType, en hún hafði 29 myndir réttar af 33. Að loknum vel heppnuðum starfsdegi var haldið í pizzu og keilu í Egilshöllina.
Það er hún Þóra Halldórsdóttir sem velur föstudagslagið að þessu sinni. Um val sitt segir Þóra:
Sem föstudagslag þessa vikuna vel ég Gleðibankann, sem söngflokkurinn ICY flutti svo ógleymanlega í Eurovision árið 1986. Fyrsta Eurovision lag Íslendinga – alltaf jafn skemmtilegt. Þetta lag er klassík á sinn hátt 🙂
Með gleðinni glæða má birtu í lífið, svo gaman og alvara verða sem eitt. Þá lífsgleðin lifnar og burtu þið svífið, á ljómandi hamingjuskýinu sveitt.
Nýlega var gengið frá tveimur ráðningum. Það er staða deildarstjóra áhafna, skráninga og leyfa (siglingasviði) og aðstoð í mötuneyti (mannauðsdeild).
Helgi Jóhannesson var ráðinn í starf deildarstjóra áhafna, skráninga og leyfa, Helgi tók formlega við starfi deildarstjóra 1. nóv sl., áður var Helgi fagstjóri hjá sömu deild. Helgi Jóhannesson er menntaður lögfræðingur. Starfsreynsla Helga samanstendur aðallega af störfum og stjórnendastörfum innan stjórnsýslunnar, t.a.m. sem deildarstjóri í samgönguráðuneytinu í um 10 ár. Þá starfaði Helgi sem forstöðumaður hjá Siglingastofnun Íslands í um 10 ár.
Örn Arnarson var ráðinn til aðstoðar í mötuneytinu. Örn hefur frá unga aldri unnið ýmis störf tengd sjávarútvegi, hann stofnaði útgerðarfélag og stundaði sjómennsku af krafti til lok árs 2018. Örn hefur starfað sem hafnarstarfsmaður hjá höfnum Snæfellsbæjar til ársloka 2021. Undanfarið hefur Örn starfað í mötuneyti og við veislur og viðburði. Örn hefur störf 7. nóvember.
Þegar búið var að skrá fyrstu sex mánuði ársins 2022 skoðaði öryggis- og fræðsludeild hver staðan væri, í hvað stefndi, hvort við værum að missa tökin á einhverju o.s.frv. Spáum við þá fyrir um hvernig árið mun enda, byggt á tölum sex fyrstu mánaðanna og því hvernig síðari hluti ársins er yfirleitt m.v. þann fyrri.
Skemmst er frá því að segja að í heildina lítur árið ögn skárra út en í fyrra. Við stefnum í að 193 muni látast eða slasast alvarlega þegar upp verður staðið m.v. 208 manns í fyrra. 193 er auðvitað allt of há tala en hlutirnir líta þó aðeins betur út en í fyrra. Fjöldi látinna og alvarlega slasaðra er yfirmarkmið okkar þegar kemur að fækkun slysa en við höfum einnig nokkur undirmarkmið sem hjálpa okkur að stilla fókusinn rétt og bregðast við því sem krefst viðbragða.
Af undirmarkmiðum sem líta vel út má nefna að ungir ökumenn virðast vera að standa sig talsvert betur en í fyrra. Stefnir nú í að 7 ungir ökumenn muni lenda í alvarlegu slysi á árinu m.v. 27 í fyrra. Sömuleiðis stefnir í aðeins 4-5 alvarleg slys vegna ölvunar eða fíkniefnaakstur m.v. 8 slík slys í fyrra. Alvarleg slys vegna útafaksturs og vegna framanákeyrslna fækkar einnig talsvert á milli ára. Þeir mælikvarðar sem líta ekki eins vel út eru fyrst og fremst alvarlega slasaðir fótgangandi og á hjóli. Líklegt má telja að fjölgað hafi í báðum þessum vegfarendahópum en að auki hafa rafhlaupahjólin bæst við hjólaflóruna og vega slys á þeim ansi hátt.
Hér að neðan eru tvö gröf til fróðleiks, annars vegar Slasaðir á reið hjólum og rafmagnshjólum jan-júní og hins vegar Alvarlega slasaðir á reiðhjólum og rafmagnshjólum jan-júní (rafmagnshlaupahjólin tilheyra þessum gröfum báðum):
Samgöngustofa í samvinnu við Rannsóknarnefnd Samgönguslysa (RNSA) boðar til blaðamannafundar kl. 15:00 á morgun, miðvikudag 2. nóvember, um borð í Sæbjörgu, skólaskipi slysavarnaskóla sjómanna í Reykjavíkurhöfn.
Á blaðamannafundinum verður miðlægt skráningarkerfi, ATVIK – sjómenn, kynnt en það gerir útgerðum kleift að tilkynna slys og atvik tengd sjómönnum rafrænt. Það mun auðvelda útgerðum að uppfylla lagalega tilkynningarskyldu sína en auk þeirra geta sjómenn sjálfir, bæði yfir- og undirmenn, skráð slys og næstum því slys á sjó. Sýnd verða dæmi um atvik þar sem litlu má muna að verði slys.
Tryggingarfélagið VÍS bjó til og þróaði kerfið og veitti RNSA það að gjöf. Kerfið hefur svo verið aðlagað að kerfum RNSA með stuðningi Siglingaráðs og innviðaráðuneytisins. Samgöngustofa mun sjá um notendaþjónustu þess.
Af hverju Atvik-Sjómenn?
Hingað til hafa slys verið skráð hjá þremur aðilum þ.e. rannsóknarnefnd samgönguslysa, lögreglu og hjá Sjúkratryggingum Íslands. Gögn hafa þar af leiðandi ekki verið miðlæg og hafa þau einskorðast við slys með meiðslum. Með tilkomu ATVIK – sjómenn gefst loks kostur á að skrá atvik þar sem næstum því slys á sér stað auk þess sem öll skráning verður nú hjá Rannsóknarnefnd samgönguslysa.
Með því að skrá „næstum því slys” verður hægt að fyrirbyggja að atvikið endurtaki sig með mögulegum alvarlegum afleiðingum.
Náðst hefur ótrúlegur árangur í fækkun alvarlegra slysa á sjó og mörg undanfarin ár hefur ekki orðið banaslys á sjó við Ísland. ATVIK – sjómenn mun verða mikilvægur hlekkur í að tryggja enn meira öryggi til sjós.
Nokkrir áhugaverðir punktar:
Þótt tekist hafi að fækka og vonandi útrýma banaslysum á sjó þá verða samt á hverju ári á annað hundruð sjómannslys. Oft getur litlu munað að þau verði mjög alvarleg og því þarf að efla öryggismál sjómanna enn frekar.
ATVIK-sjómenn er nú aðgengilegt öllum útgerðum á Íslandi og veitir yfirsýn yfir atvik, hættur og slys um borð í skipum.
Með þessu verður til miðlægur tölfræðilegur gagnagrunnur með mikilvægum upplýsingum um atvik, hættur og slys til sjós sem hægt verður að nýta í gagnadrifið forvarnastarf.
Væntingar eru um að ATVIK-sjómenn efli rannsóknir á sjómannaslysum sem þá munu auka forvarnir sem að lokum leiðir til fækkunar slysa.
Starfsmenn skipaeftirlitsdeildar fóru 28. október síðastliðinn á kynningu á eftirliti með krönun, MOB-bátum og davíðum um borð í skólaskipið Sæbjörgu og varðskipinu Þór í Reykjavíkurhöfn. Það voru þýskir sérfræðingar frá fyrirtækinu Viking Life-Saving Equipment sem sáu um kynninguna.
Hér að neðan má sjá nokkrar myndir frá heimsókninni:
Svend sá þýski sýnir vatnsmæli sem notaður er við álagsprófun á krana.Verið að undirbúa álagsprófun á davíðum í Sæbjörginni.Búið er að opna inn í davíður á Sæbjörginni.FRC bátur um borð í varðskipinu Þór
