Tekið hefur gildi breyting á reglugerð um afmörkun siglingaleiða, svæði sem ber að forðast og tilkynningaskyldu skipa fyrir Suðvesturlandi (nr. 524/2008) sem heimilar stærri skipum að sigla svonefnda innri leið fyrir Reykjanes.
Skipum allt að 30.000 brúttótonnum er nú heimilt að sigla innri leið fyrir Reykjanes allt árið í stað 20.000 brúttótonna hámarks áður. Sem fyrr eru skilyrði um að skipið flytji ekki hættuleg efni eða eiturefni og að skipstjóri hafi reynslu af siglingum á þessu svæði. Til viðbótar verður nú gerð krafa um tilkynningaskyldu til vakstöðvar siglinga áður en siglt er um innri leið.
Reglugerðin var kynnt í samráðsgátt stjórnvalda í apríl.
Sjá frétt á vef innviðaráðuneytisins
