Gengið hefur verið frá ráðningu eftirlitsmanns í flugleiðsögu í deild flugleiðsögu, flugvalla og flugvernd. Ráðinn var Lorik Abdullahu. Lorik er með BA próf í stjórnun, MS í markaðsfræðum og Ph.D gráðu í stjórnun markaðssetningar sem snýr að flugvöllum frá háskólanum í Prishtina í Kosovo. Lorik starfaði við flugumferðarstjórn í Prishtina á árunum 2004-2017 en þá hóf hann störf hjá Isavia sem ATS Specialist og síðar sem ATS Specialist, Instructor / Assessor.
Lorik hefur störf 6. mars nk. og verður staðsettur á annarri hæðinni.
Föstudagslagið er að þessu sinni í boði Auðar Diljár en um val sitt segir hún:
Það er varla til meiri föstudagsfílingur en Fjólublátt ljós við barinn með Klíkunni. Við systkinin gátum endalaust spilað þetta lag og sungið með í löngum ferðalögum. Mæli með að hlusta á leiðinni heim úr vinnunni og hækka vel í græjunum J
Þriðjudaginn 7. febrúar býður Samgöngustofa starfsfólki upp á fræðslu gegn kynferðislegri áreitni. Markmið fræðslunnar er að starfsfólk og stjórnendur þekki birtingarmyndir og afleiðingar kynferðislegrar áreitni og fái verkfæri til að vinna gegn slíkri hegðun. Lögð er áhersla á aukna vitund og kynntar eru leiðir sem vinnustaðir geta nýtt sér til að búa til betra starfsumhverfi og opnari umræðu um málefnið. Sérstök áhersla er einnig lögð á ábyrgð stjórnenda og mikilvægi góðrar vinnustaðamenningar.
Boðið verður uppá tvær tímasetningar 7. feb, kl. 10:00 og kl. 13:00. Fræðslan tekur um eina klukkustund. Ólöf mannauðsstjóri hefur þegar sent út fundarboð á allt starfsfólks fyrir fundina.
Allt starfsfólk er hvatt til að mæta. Frekari upplýsingar og fræðsluefni er hægt að nálgast t.a.m. á heimasíðu Jafnréttisstofu.
Síðastliðinn föstudags hélt Guðmundur Kristinn í skipatæknideild erindi í föstudagskaffinu. Erindið má nálgast hér. Guðmundur fór m.a. yfir helstu verkefni deildarinnar en þau eru m.a.:
Meðferð teikninga og annarra gagna þegar smíða á nýtt skip, gera þarf breytingar á skipi eða notað skip er flutt inn til landsins.
Mæling skipa og útgáfa svokallarða mælibréfa. Þessar mælingar eru framkvæmdar að fyrirmælum skipalaga sem gera ráð fyrir að öll skip frá 6 metrum og upp að 24 metrum skuli mæld og tonnatala reiknuð samkvæmt íslenskum reglum. Fyrir skip stærri en 24 metrar gilda hins vegar alþjólegar mælingareglur.
Starfsmenn deildarinnar koma að hallaprófunum og yfirferð stöðugleikagagna. Í gildi eru lög og reglur um lágmarksstöðugleika skipa en atriði sem hafa áhrif á stöðugleika skips eru metin hverju sinni. Það eru atriði eins og afli, olía veðurfar og fjöldi farþega sem færa sig skyndilega borða á milli til að sjá t.d. hval.
Auk þess að fara yfir þessu helstu verkefni fór Guðmundur einnig um þær breytingar sem eru framundan er varða eldsneyti skipa. Evrópusambandi hefur sett sér viðmið um að minnka losun gróðurhúsalofttegunda um að minnsta kosti 55% fyrir árið 2030. Ísland hefur sett sér orkustefnu sem snýr að því að draga úr notkun jarðefnaeldsneyta en nota þess í stað endurnýjanlega orkugjafa.
Guðmundur benti á að í kjölfarið á orkustefnunni kom svo út viðamikil skýrsla starfshóps um græn skref í sjávarútvegi árið 2021. Í skýrslunni er velt m.a. upp ýmsum möguleikum á nýorku til framtíðar og var Verkfræðistofunni Eflu falið að skoða möguleikana og flokka eftir fýsileika.
Til leiks voru nefndir 13 orkugjafar sem bornir voru saman við jarðolíu.
Orkugjafarnir voru svo skoðaðir með tilliti til: • Að geta mætt þörf árið 2030 • Að geta nýtt innviði: birgðatanka, reglur o.s.frv. • m.t.t. Kostnaðar við framleiðslu orkugjafans og smíði eða breytingar á skipum • Samdráttar í losun • Vélbúnaðar, þ.e.as, er hann til staðar fyrir þessa orkugjafa
Þeir nýorkugjafar sem taldir eru núna að muni skipta mestu við að snúa við kolefnislosun og skila okkur inn í framtíð án jarðefnaeldsneytis eru samkvæmt Guðmundi:
Ammoníak Vetni Metanól Rafmagn Líf-dísil (þar með talin repjuolía)
Ef við skoðum nefnda orkugjafa með tilliti til framboðs, innviða, kostnaðar, vélbúnaðar og samdrátt í losun má sjá, samkvæmt Guðmundi, að það er einungis einn orkugjafi sem skorar mjög hátt í öllum flokkum, það er Lífdísil. skorar 22 punkta hérna.
M.t.t. losunarþáttarins eingöngu, þá sést að tveir orkugjafar skora áberandi lægst, Ammoníak og olía, en þar sem olían er á útleið, þá er spurning hvort við höldum í Ammoníakið eitthvað áfram.
Vetni skorar næst-lægst og þá sérstaklega vegna innviða og kostnaðar. Metanól og Rafmagn eru þarna á svipuðu róli, þó skora innviðir og kostnaður hærra en Vetnið.
Þar sem losunarþáttur orkugjafa er í miklum fókus núna, væri vel hægt að henda því fram að orkugjafar eins og: Lífdísil, Metanól, Rafmagn og Vetni muni verða okkar helst orkugjafar til framtíðar.
Hvort þetta verður raunveruleikinn, mun framtíðin leiða í ljós.
Árið 2022 var umfangsmikið ár hjá NorType en það ár tók NorType á móti 2028 gerðarviðurkenningum fyrir fólks- og sendibíla frá evrópskum gerðarviðurkenningaryfirvöldum. Af þessum 2028 skráði NorType 1920 gerðarviðurkenningar. Þessar 1920 skiptust þannig að 1548 voru fyrir fólksbíla og 372 fyrir sendibíla. Úr þessum 1920 gerðarviðurkenningum skráði starfsfólk NorType 1191109 mismunandi útfærslur. Þessar 1191109 útfærslur skiptust þannig að 520434 voru fyrir fólksbíla og 670675 fyrir sendibíla.
Þetta er næst mesti fjöldi gerðarviðurkenninga sem NorType hefur skráð frá upphafi, en mest hefur starfsfólk NorType skráð 2197 árið 2021.
Hvað fjölda útfærslna varðar þá var 2022 langstærsta árið en næst mest hafði NorType skráð 899288 árið 2021.
En hvað er NorType?
NorType er samnorrænn gagnagrunnur um tækniupplýsingar ökutækja sem við hjá Samgöngustofu rekum fyrir öll löndin sem eru í samstarfinu. Helstu verkefni deildarinnar eru:
Skráning tækniupplýsinga ökutækja úr evrópskum gerðarviðurkenningum í gagnagrunn
Rekstur sannreyningarkerfis fyrir rafræn skráningarvottorð ökutækja
Þjónusta við Noreg, Svíþjóð, Finnland og Ísland vegna þessara gagna
Samskipti við gerðarviðurkenningaryfirvöld í evrópu
Í næstu viku mun lögfræðideildin halda stjórnsýslunámskeið fyrir okkur starfsfólkið. Þar verður farið yfir helstu meginreglur stjórnsýslulaga nr. 37/1993 og álitamál sem þeim kunna að tengjast. Helsta markmið laganna er að tryggja réttaröryggi borgaranna í samskiptum við stjórnvöld. Þau skilgreina til dæmis rannsóknarskyldu, andmælarétt og meðalhóf.
Stjórnsýslulögin skipta máli í öllum ákvörðunum Samgöngustofu og því mikilvægt að við kunnum öll skil á innihaldi þeirra. Gott er að rifja helstu atriðin upp með því að sækja námskeið lögfræðideildar annað slagið.
Næsta námskeið verður haldið fimmtudaginn 26. janúar frá kl. 10-11 samanber fundarboð sem allt starfsfólk fékk.
Hér á innri vefnum er upplýsingasíða um Flugröst en það er funda- og veislusalur í eigu okkar. Upplýsingarnar á síðunni hafa nú verið uppfærðar en síðuna er hægt að nálgast undir Verkfærakistan – Flugröst.
Flugröst hentar vel sem fundarsalur fyrir lengri fundi eða námskeið á vegum Samgöngustofu, panta má veitingar eða kaffi hjá mötuneytinu. Kerfisrekstur aðstoðar með tæknimál ef þarf. Salurinn tekur ca. 60 manns í sæti, í eldhúsinu er kaffivél (uppáhellt), tveir kæliskápar, uppþvottavél og allt helsta leirtau og borðbúnaður er til staðar.
Starfsfólki Samgöngustofu býðst að leigja salinn fyrir viðburði á eigin vegum, ekki er heimilt að framselja leigunni eða selja inn á viðburði í Flugröst. Greitt er þrifagjald, 25.500 kr., greiða skal fyrir viðburð. Leigutaki ber ábyrgð á salnum, sér um uppvask ef eitthvað er og fer út með rusl. Mannauðsdeild sér um bókanir, bæði fundi og viðburði á vegum stofnunarinnar og einkaviðburði.
Lyklar að Flugröst eru afhentir hjá mannauðsdeild.
Á morgun, miðvikudaginn 18. janúar frá 9-10, stendur Vegagerðin fyrir morgunfundi um vetrarþjónustu. Fyrirkomulag vetrarþjónustu og starfsemi vaktstöðvar Vegagerðarinnar verða til umfjöllunar og fulltrúar ferðaþjónustufyrirtækja lýsa reynslu sinni af starfseminni um vetur á Íslandi.
Morgunfundurinn verður haldinn í húsnæði Vegagerðarinnar, Suðurhrauni 3 í Garðabæ. Opið er á meðan húsrúm leyfir og það verður heitt á könnunni.
Gengið hefur verið frá ráðningu eftirlitsmanns flugverndar, ráðin var Ásdís Adolfsdóttir. Ásdís þekkir flugvernd vel en hún starfaði síðast sem gæða- og öryggisstjóri hjá Airport Associates frá árinu 2008.
Nú eru fjögur störf auglýst til umsóknar hjá Samgöngustofu. Auglýsingarnar hafa þegar verið birtar á heimasíðu Samgöngustofu, Starfatorgi og Alfreð. Nú um helgina birtist auglýsing í Morgunblaðinu sem og næsta fimmtudag.
Hér á innri vefnum er sérstök síða með yfirliti yfir fundarherbergin í Ármúlanum. Tengill er á síðuna vinstra meginn á vefnum (sjá mynd að ofan) en hana er einnig að finna undir Verkfærakista – Fundarerbergi í veftrénu. Á síðunni er hægt að nálgast upplýsingar um hvernig hvert fundarherbergi er útbúið tæknilega (t.d. hvort það sé sjónvarp, tölva, eðatússtafla?) og hversu mörg sæti eru. Mynd er af hverju fundarherbergi ásamt stuttu myndskeiði (mjög spennandi myndefni :)).
Þessi síða var sett upp eftir ábendingu starfsfólks. Fólki fannst vanta síðu þar sem hægt væri að nálgast þessar upplýsingar í stað þess t.d. að ganga á milli hæða og kanna hvaða útbúnað sé að finna í hverju fundarherbergi og hversu mörg sæti.
Upplýsingatæknideild og samskiptadeild hafa nú uppfært allar upplýsingar á þessari síðu með tilliti til þess tæknibúnaðar sem er til staðar í þeim í dag. Upplýsingarnar verða uppfærðar jafnóðum og breytingar verða á einstaka fundarherbergjum.
Þið megið gjarnan senda ábendingar á vefur@samgongustofa.is ef þið takið eftir að misræmi er í upplýsingunum á síðunni og þeim útbúnaði sem er í hverju fundarherbergi.
Fyrsti leikurinn í HM í handbolta er í kvöld og þar af leiðandi er síðasti séns að skrá sig í HM-leikinn okkar í dag. Hægt er að giska á leik allt að 10 mínútum fyrir viðkomandi leik þið hafið því tíma þar til 10-15 mínútum fyrir leikinn í kvöld til þess að vera með í leiknum. Þátttakan er orðin mjög góð og við erum komin 27 – verðum örugglega eitthvað yfir 30, þ.a. það er því til mikils að vinna. Ef einhver er í vandræðum með að skráningu í leikinn og langar að vera með, þá er sjálfsagt mál að heyra í Lárusi sem getur þá aðstoðað.
Hér eru leiðbeiningar: Leikurinn fer fram á síðunni leikir.betra.is
Ráðstefna um uppbyggingu innviða verður haldin á Grand hóteli 2. febrúar á vegum Landssamtaka lífeyrissjóða og innviðaráðuneytisins. Ráðstefnan stendur yfir frá kl. 8:30 -16:15 og húsið opnar kl. 8.00 og verður boðið upp á morgunverð.
Í frétt á vef innviðaráðuneytisins segir: „uppbygging innviða er viðvarandi verkefni á Íslandi. Ljóst er að verkefnin eru fjölbreytt og að mörgu er að hyggja. Þar verða meðal annars umræður um fjármögnun innviða og reynt að varpa ljósi á tækifæri bæði frá innlendum og erlendum vettvangi…“
Hurðaskellir og Skjóða mættu í Langholtsskóla í hádeginu í dag og afhentu 1. bekk stóra vinninginn úr jóladagatali Samgöngustofu. Vinningurinn var pizzaveisla fyrir bekkinn, nokkur borðspil og endurskinsmerki og svo fékk kennari bekkjarins óskaskrín að gjöf.
Í þáttum jóladagatalsins lærðu Hurðaskellir og Skjóða umferðarreglur ásamt Grýlu. Það var frábær þátttaka í spurningaleik jóladagatalsins en þar þurftu þátttakendur að svara spurningu sem Hurðaskellir og Skjóða spurðu í lok hvers þáttar. Á hverjum degi fram að jólum í desember voru tvö börn dregin út og unnu endurskinsbakpoka. Í lokin var svo dregið úr öllum svörum og var það Aðalbjörg í 1. bekk í Langholtsskóla sem vann fyrir hönd bekkjarins.
Mikil gleði ríkti meðal krakkanna að hitta þau Hurðaskelli og Skjóðu og það var einstaklega gaman að geta fagnað þrettándanum og hvatt jólin með þessum hætti.
Hurðaskellir og Skjóða mættu með pizzaveisluna og hina vinningana
Janúar er tíminn þegar mörg okkar fara að huga að því að efna áramótaheitin og eitt af þeim vinsælli er heitið um að koma sér í betra form á nýju ári. Þá er ágætt að vita að World Class býður starfsfólki Samgöngustofu 10% afslátt af árskortum í heilsurækt og í Betri stofuna. Til þess að fá þetta tilboð hafið þið samband við hana Árnýju á arny@worldclass.is úr vinnunetfanginu ykkar og pantið kortið (láta kennitöluna fylgja með). Fljótlega í kjölfarið getið þið svo hægt að ganga frá greiðslunni í næstu móttöku.
Upplýsingar um þetta tilboð (ásamt fleirum) er að finna hér á innri vefnum undir Starfsfólk – Tilboðshornið. Fleiri tilboð verða sett þar inn eftir því sem þau berast.
Við höldum áfram með áskorendaröðina á föstudaginn í næstu viku en í upphafi árs er hinsvegar tilvalið að líta yfir árið 2022 og sjá hvaða lög voru vinsælust á því herrans ári. Samkvæmt samantekt Vísis á mest spiluðu lögunum á Spotify á síðasta ári var það Harry Styles sem var vinsælastur en lagið hans As it was af plötunni Harry´s House var stremt rúmlega 1,6 milljarð sinnum á árinu. Styles þessi er fæddur árið 1994 og sló upphaflega í gegn sem meðlimur strákasveitarinnar One Direction eftir þátttöku í breska X Factor árið 2010.
Lagið náði á toppinn í 35 löndum á árinu og náði m.a. þeim merka áfanga að vera 15 vikur samfellt á toppnum á hinum bandaríska Billboard lista. Magnaður árangur það!
Þann 30. desember birtist frétt í Morgunblaðinu eftir fyrirspurnir blaðamanns til okkar um fjölda slasaðra í umferðinni á síðasta ári og þróunina undanfarin ár. Fréttinna má nálgast á tenglinum hér að ofan en við skellum henni hér inn líka:
Rafhlaupahjól sjöfalt hættulegri en reiðhjól
Fækkun banaslysa í umferðinni er að töluverðu leyti tölfræðisveifla sem alltaf má búast við þegar tölur eru lágar, en banaslysum hefur almennt verið að fækka í Evrópu. Ekki síst vegna öruggari bíla, stöðugra umbóta í innviðum og stöðugrar viðleitni til að gera ökumenn öruggari með því að fá þá til að hegða sér betur í umferðinni.
Allt þetta á einnig við hér á landi, segir í skriflegu svari Samgöngustofu við fyrirspurn mbl.is um fækkun banaslysa í umferðinni.
Níu hafa látist í umferðarslysum hér á landi það sem af er ári og eru það jafn margir og létust í umferðinni á síðasta ári. Um er að ræða svipaðan fjölda og árin 2020 og 2019, en á árunum 2015 til 2018 létust töluvert fleiri.
Keyra hugsanlega minna sjálfir
Auk þeirra skýringa sem taldar eru upp að ofan hafði Covid-faraldurinn mikil áhrif á umferð hér landi síðustu tvö ár, bæði ferðahegðun okkar Íslendinga og fjölda ferðamanna hér á landi, sem voru nánast engir.
„Nú eru ferðamennirnir komnir aftur en umræðan undanfarið hefur ekki að jafnmiklu leyti og áður snúið að reynsluleysi ferðamanna gagnvart aðstæðum. Hugsanlega keyra ferðamenn sjálfir minna en áður eða stærra hlutfall er reyndara í akstri í sambærilegum aðstæðum og hér eru. Ein skýring á fækkun banaslysa árið 2019 er að ekki voru jafnalvarleg rútuslys það árið eins og árin á undan,“ segir í svari Samgöngustofu.
Ekki mikil breyting á fjölda slasaðra
Ekki hefur hins vegar orðið mikil breyting á fjölda slasaðra og alvarlegra slasaðra. Það að tölur yfir slasaða hafi lækkað árið 2020 má rekja til Covid og strangra samkomutakmarkana því þá voru mun færri á ferðinni í eðlilegu árferði. Faraldurinn var enn við líði árið 2021, en þá hækkuðu tölurnar engu að síður aftur. Staðan var að breytast; bólusetningar að hefjast og einkenni vægari.
„Vaxandi vilji til að leggja takmarkanir að baki og nokkur óþolinmæði gagnvart öryggisráðleggingum hins opinbera sást m.a. í könnun á aksturshegðun almennings það ár. Auk þess komu rafhlaupahjólin til sögunnar á þessum árum. Má segja að slys á rafhlaupahjólum hafi að miklu leyti vegið upp á móti fækkun slysa á erlendum ferðamönnum.“
Fleiri slasast á rafhlaupahjóli
Á síðustu fjórum árum hefur alvarlegum slysum og banaslysum á rafhlaupa- og reiðhjólum fjölgað mikið, en það er í samræmi við aukna notkun þeirra. Árið 2021 slösuðust 65 alvarlega eða létust í tengslum við notkun slíkra farartækja en heildarfjöldi þeirra sem slasaðist alvarlega eða lést í umferðaslysum það ár var 208.
Rafhlaupa- og reiðhjólaslys voru því rúm 31 prósent af öllum alvarlegum umferðarslysum árið 2021 en aðeins rúm 10 prósent árið 2018.
Fleiri slasast á rafhlaupahjóli en venjulegu reiðhjóli þrátt fyrir að fjórum eða fimm sinnum fleiri nýti sér seinni ferðamátann, að segir í svari Samgöngustofu. Með einföldum útreikningum megi fá út að sex eða sjöfaldur munur sé á hættunni sem fólk er í á rafhlaupahjóli en reiðhjóli.
Tölurnar aðeins skárri en á síðasta ári
Ekki hefur verið lokið við skráningu þessa árs en tölurnar stefna í að verða svipaðar eða aðeins skárri en árið 2021.
Slösuðum ferðamönnum fjölgar aftur eftir því sem ferðamönnum fjölgar í landinu en hver og einn ferðamaður virðist þó vera öruggari heldur en hann var fyrir Covid.
Slösuðum á raf- og reiðhjólum virðist einnig ætla að fjölga eitthvað en er sú fjölgun virðist vera minni en á síðustu árum, samkvæmt upplýsingum frá Samgöngustofu.
Þá virðast ungir ungir ökumenn standa sig töluvert betur en árið 2021 og einnig virðist hafa dregið úr framanákeyrslum og útafakstri, þrátt fyrir fjölgun ferðamanna.
Eins og áður segir er föstudagslagið komið í pásu yfir hátíðarnar. Áskorendaröðin heldur áfram þann 6. janúar 2023. En í tilefni áramótanna skellum við auðvitað í lagið Happy new year með ABBA. Það er fastur liður á mínu heimili að spila það á gamlárskvöld ásamt öðrum hefðbundnum áramótalögum.
Gleðilegt nýtt ár og takk fyrir það gamla!
Textinn:
“Happy New Year”
No more champagne And the fireworks are through Here we are, me and you Feeling lost and feeling blue It’s the end of the party And the morning seems so grey So unlike yesterday Now’s the time for us to say…
Happy new year Happy new year May we all have a vision now and then Of a world where every neighbour is a friend Happy new year Happy new year May we all have our hopes, our will to try If we don’t we might as well lay down and die You and I
Sometimes I see How the brave new world arrives And I see how it thrives In the ashes of our lives Oh yes, man is a fool And he thinks he’ll be okay Dragging on, feet of clay Never knowing he’s astray Keeps on going anyway…
Happy new year Happy new year May we all have a vision now and then Of a world where every neighbour is a friend Happy new year Happy new year May we all have our hopes, our will to try If we don’t we might as well lay down and die You and I
Seems to me now That the dreams we had before Are all dead, nothing more Than confetti on the floor It’s the end of a decade In another ten years time Who can say what we’ll find What lies waiting down the line In the end of eighty-nine…
Happy new year Happy new year May we all have a vision now and then Of a world where every neighbour is a friend Happy new year Happy new year May we all have our hopes, our will to try If we don’t we might as well lay down and die You and I
