Category: Uncategorized

Fyrir ári síðan var Skútunni, tölvukerfi fyrir skipaskrá og lögskráningu sjómanna, hleypt af stokkunum, eftir langt og strangt tímabil þróunar og smíði. Skútan geymir upplýsingar um skip á skipaskrá, skírteini og skoðanir, svo og málefni sjómanna í tengslum við útgáfu atvinnuskírteini þeirra og siglingatíma. Í stuttu máli má segja að Skútunni sé treyst fyrir upplýsingum um grundvallaratvinnuveg þjóðarinnar og því er mikið í húfi.

Reynslan þetta fyrsta ár hefur verið góð því almenn ánægja hefur verið meðal notenda með Skútuna og fáar kvartanir borist. Eins og lofað var í upphafi þá hefur þróun á kerfinu haldið áfram. Meðal gagnlegra framfara sem bæst hafa við á þessu fyrsta ári má nefna:

• Vefþjónusta fyrir Hagstofu Íslands
• Vefþjónusta fyrir tryggingafélög
• Almennum skýrslum bætt í viðmót
• Skýrslum fyrir einstaka notendahópa bætt í viðmót
• Rafrænar skoðunarskýrslur 
• Fjölgun upplýsinga í skipalista
• Frum- og endurskráningu, afskráningu bætt við sem hluta af skýrslum
• Tölfræði 

Og Skútan mun halda áfram að batna. Þau verkefni sem eru fram undan:

• Áframhaldandi lagfæringar og viðbætur við Skútuna
• Aðgangur að “Mínum síðum” á Ísland.is þar sem sjómenn geti séð upplýsingar um sína menntun og þjálfun, atvinnuskírteini, siglingatíma, læknisvottorð og hvenær atvinnuskírteini, öryggisnámsskeið og læknisvottorð renna út
• Senda sjómönnum hnipp gegnum Ísland.is um það hvenær atvinnuskírteini, öryggisnámsskeið og læknisvottorð rennur út og auk þess tilkynningu um að þeir hafi verið lögskráðir eða afskráðir
• Vefþjónusta fyrir Landhelgisgæsluna og Neyðarlínu
• Uppfærsla á forritunarumhverfi
• Fjölgun skýrslna og aukin tölfræði

Til hamingju með fyrsta afmæli Skútunnar!

Hin skipulögðu, fræðandi og vel sóttu erindi sem gjarnan er boðið upp á með föstudagskaffinu eru nú komin í sumarfrí. Þráðurinn verður tekinn aftur upp í september.

Nýlega fengum við kynningu á umbótum í flugleiðsögu- flugvalla- og flugverndardeildar. Þær snúa að stjórnkerfi sem tryggir að strangar kröfur um hæfni eftirlitsmanna séu uppfylltar, m.a með starfsþjálfun og viðhaldsþjálfun. Áhersla er lögð á samræmingu og samþættingu verklags fyrir þessa þrjá málaflokka, sem sameinaðir voru í eina deild árið 2022.

Hér má sjá kynninguna.

Stjórn Farsýslunnar minnir á skráningu viðburða sem verða á næstunni:

Suðrænt sumarpartý í Flugröst 7. júní.

Skráning: https://forms.office.com/e/TuaCtwqSuk

Fjölskyldugleði Samgöngustofu og Farsýslunnar í Húsdýragarðinum 9. júní.

Skráning: https://forms.office.com/e/dFYLVA0z6e

Endilega skrá mætingu sem fyrst.

Ferðakostnaðarnefnd hefur ákveðið dagpeninga til greiðslu gisti- og fæðiskostnaðar ríkisstarfsmanna á ferðalögum innanlands á vegum ríkisins. Ferðakostnaður innanlands er reiknaður út frá verðkönnun þar sem kannað er vænt verð á algengum gististöðum, á höfuðborgarsvæðinu og utan þess. Almennt er ferðakostnaði innanlands breytt tvisvar sinnum á ári, að vori og að hausti, til þess að endurspegla árstíðarsveiflu í kostnaði gistingar.

1.  Gisting og fæði í einn sólarhring kr. 54.400
2.  Gisting í einn sólarhring kr. 38.100
3.  Fæði hvern heilan dag, minnst 10 tíma ferðalag kr. 16.300
4.  Fæði í hálfan dag, minnst 6 tíma ferðalag kr. 8.150

Dagpeningar þessir gilda frá og með 1. júní 2024. Jafnframt fellur úr gildi auglýsing nr. 2/2023.

Athygli er vakin á að meginreglan er að greiða skal kostnað vegna ferðalaga innanlands, s.s. fargjöld, fæði og gistingu, eftir reikningi. Fæðiskostnaður er uppreiknaður miðað við breytingar á viðeigandi vísitölu sem útgefin er af Hagstofu Íslands

Uppfært skjal má finna inní CCQ og heitir skjalið ”Ferðareikningur innanlands”.

Þá liggja niðurstöður forsetaskuggakosningar Samgöngustofu árið 2024 fyrir. Niðurstöðurnar voru teknar kl 13:43 í dag föstudag og 60 tóku þátt í henni. Niðurstöðurnar eru eftirfarandi:

Rétt eins og í nýjustu könnunum mælast Katrín Jakobsdóttir og Halla Tómasdóttir hnífjafnar. Í síðustu könnun raunheima mælast þær með 24,1% fylgi hvor en í skuggakosningu Samgöngustofu mælast þær báðar með 28,33% fylgi (17 atkvæði hvor). Á eftir Katrínu og Höllu T kemur Jón Gnarr með 7 atkvæði en það skilar honum 11,67% fylgi. Baldur fær 6 atkvæði og 10% fylgi en Halla Hrund 5 atkvæði og 8,33% fylgi. Ásdís Rán, Ísdrottningin, fær 4 atkvæði og 6,67% fylgi og Arnar Þór Jónsson fær 3 atkvæði og 5% fylgi. Viktor Traustason rekur svo lestina með 1 atkvæði sem skilar honum 1,67% fylgi.

Áður en ég hleypi ykkur í helgina og kosningar morgundagsins vil ég bjóða ykkur að lesa tilgerðalegan og innihaldslausan texta um íslensk gildi í boði ChatGPT:

Íslendingar eru stoltir arftakar eldfornra sagna og náttúrufegurðar og standa vörð um gildin sín með djúpstæðu tilfinningalegu samhengi og þjóðlegri einingu. Þeir bera gildi eins og heiðarleika, hreinskilni og samfélagslega samstöðu á lofti með mikilli virðingu fyrir arfleifð sinni. Í landinu þar sem eldgos og jöklar móta landið, finna Íslendingar fyrir sérstökum tengslum við náttúruna sem endurspeglast í menningu þeirra og daglegu lífi. Með sterkri tilfinningu fyrir réttlæti og jafnræði, leggja þeir áherslu á jafnvægi í öllu sem þeir taka sér fyrir hendur. Þessi gildi, sem eru rótgróin í hjarta þjóðarinnar, endurspegla sanna kjarna íslenskrar sjálfsmyndar og menningar.

Góða helgi og ekki gleyma að nýta kosningaréttinn!

Embætti forseta Íslands er ekki bara táknrænt heldur líka mikilvægt fyrir þjóðina. Embættið táknar sameiningu og stöðugleika og er mikilvægur þáttur í að viðhalda lýðræðislegum gildum landsins.

Kosningarétturinn er ekki sjálfsagður réttur. Hann er mikilvægur hluti af lýðræðinu okkar og gefur hverjum og einum tækifæri til að hafa áhrif á framtíð þjóðarinnar. Því er brýnt að nýta þennan rétt og taka þátt í kosningum.

Okkar stofnun er ákveðinn þverskurður af samfélaginu og endurspeglar fjölbreytni þess. Af þeim sökum bjóðum við ykkur nú að taka þátt í skuggakosningu og hvetjum starfsfólk til að kjósa hér að neðan. Svörin eru ekki rekjanleg og þátttaka er mikilvæg til að tryggja réttmæti niðurstaðna.

Ef ég héldi því fram að skuggakosningin væri hávísindaleg myndi ég eflaust fá svartan blett á tunguna. Einn stór vankantur er á henni: það eru engin takmörk á því hve oft hver og einn getur kosið. Nú vil ég höfða til samvisku samstarfsfólks mín og biðla til ykkar að misnota þennan vankant könnunarinnar ekki. Plís!

Niðurstöður könnunarinnar verða birtar á innri vef eftir hádegi á morgun, föstudag. Nýtið kosningaréttinn og kjósið rétt!

Skráning: https://forms.office.com/e/dFYLVA0z6e

Fræðsludagur umferðarsviðs var haldinn í þriðja sinn miðvikudaginn 22. maí og lukkaðist með ágætum. Tilgangurinn með deginum er að hrista starfsfólk sviðsins saman, efla skapandi liðsheild og hafa svolítið gaman. Starfsfólk fræddist m.a. um samgöngur á höfuðborgarsvæðinu, vellíðan á vinnustað, yfirfærslu á vef Samgöngustofu yfir á Ísland.is, menningu stöðugra umbóta og rafræna próftöku.

Starfsfólk sviðsins fékk tækifæri á að sjá og prófa umgjörð hinna nýju rafrænu prófa og orðrómurinn á götunni er sá að ekki hafi öll staðist rafræna ökuprófið.

Samkvæmt lögum þarf persónuverndarfulltrúi að vera til staðar hjá öllum stofnunum. Rakel Jensdóttir lögmaður hefur tekið að sér að gegna þessu sjálfstæða hlutverki fyrir Samgöngustofu en verður þó ekki starfmaður innan stofnunarinnar. Rakel hefur víðtæka reynslu af störfum á sviði persónuverndarréttar en hún var áður lögfræðingur hjá Persónuvernd og starfar í dag sem sjálfstæður ráðgjafi og persónuverndarfulltrúi hjá fyrirtækjum og stofnunum.

Hlutverk persónuverndarfulltrúa er m.a. að veita fræðslu og ráðgjöf vegna vinnslu persónuupplýsinga hjá Samgöngustofu og að tryggja viðhlýtandi öryggi við vinnslu. Þá svarar persónuverndarfulltrúi einnig erindum sem Samgöngustofu berast frá almenningi um vinnslu persónuupplýsinga og er tengiliður stofnunarinnar við Persónuvernd. Hafi starfsfólk spurningar eða álitaefni tengd persónuvernd er hægt að hafa samband við Rakel í gegnum netfangið: personuvernd@samgongustofa.is eða í síma 4975001.

Hinn árlegi alþjóðadagur kvenna í siglingum er 18. maí samkvæmt Alþjóðasiglingamálstofnuninni IMO. Tilgangur dagsins er að meta framlag kvenna til siglingaöryggis um allan heim og leggja áherslu á þær breytingar sem eru að verða á viðhorfum til kynja í sjómennsku.

Alþjóðlegur dagur kvenna í siglingum mun að þessu sinni horfa til mikilvægis kvenna við að tryggja siglingaöryggi um allan heim og benda á breytingar sem eru að verða á kynbundnu viðhorfi í greininni.

Hvergi er meiri kynjamunur í atvinnugreinum hér á landi en í siglingum en þó er það að breytast hægt og bítandi. Heldur fleiri stelpur sækja nú nám í skipstjórn og vélstjórn, auk annarra siglinga – og sjávarútvegstengdra greina.

Samgöngustofa og Sjóvá eru farin af stað með nýja herferð sem ber heitið “Ekki taka skjáhættuna.” Hún minnir okkur á hvað það er fáránlegt að leyfa símanum að stela athyglinni frá akstrinum og stofna þannig öryggi okkar og annarra í hættu.

Á heimasíðu herferðarinnar má finna leiðbeiningar um hvernig er hægt að stilla snjallsíma á akstursstillingu. Það er ein leið til að hjálpa okkur að standast freistinguna að fara í símann undir stýri. Þegar síminn er stilltur á akstursstillingu þá kveikist sjálfkrafa á stillingunni þegar við erum að keyra og við fáum engar tilkynningar í síman. Þetta er ein leið til að hjálpa okkur að standast freistinguna.

Við hvetjum starfsfólk til að taka þátt í herferðinni með því að dreifa þessum mikilvæga boðskapi sem víðast og hvetja fólkið í kringum ykkur til að sleppa símanum og stilla símann á akstursstillingu.

Hér er hlekkur á heimasíðu herferðarinnar.

Skráning hér: https://forms.office.com/e/TuaCtwqSuk

Eins og fram kom í kynningu í föstudagskaffi í apríl stendur til að bókleg ökupróf í B-flokki (almenna bílprófið) verði tekin með rafrænum hætti.

Því er ánægjulegt að tilkynna að þetta framfaraspor verður stigið á morgun, 16. maí. Þess er vænst að það muni hafa jákvæð áhrif fyrir þúsundir ökunema, auk þess að auka gæði, öryggi og uppfærslu prófanna.

Til hamingju með áfangann duglega ökunáms- og leyfisveitingadeild og við öll!

Samgöngustofa og Sjóvá eru að fara af stað með nýja herferð á morgun eins og kom fram í föstudagskaffinu síðasta föstudag. Herferðin ber heitið “Ekki taka skjáhættuna” og markmið hennar er að fá fleira fólk til að sleppa símanum undir stýri. Hún minnir fólk á hvað það er fáránlegt að leyfa símanum að stela athyglinni frá akstrinum og stofna þannig öryggi okkar og annarra í hættu. Samhliða herferðinni munum við vekja athygli fólks á því að í öllum snjallsímum er hægt að stilla símann á akstursstillingu sem er ein leið til að hjálpa okkur að standast freistinguna að fara í símann undir stýri.

Í kvöld verður Þórhildur samskiptastjóri gestur í Kastljósi ásamt lögreglunni að ræða áhættuna sem fylgir símanotkun undir stýri. Þar verður herferðin einnig frumsýnt.

Við hvetjum starfsfólk til að taka þátt í herferðinni með því að dreifa þessum mikilvæga boðskapi sem víðast, að sleppa símanum undir stýri. Herferðinni má þó ekki dreifa fyrr en á morgun.

Ert þú til í að taka þátt í og stuðla að árangurs- og umbótamiðaðri menningu innan Samgöngustofu? Þá er tækifærið núna til að hafa áhrif. 

Tilgangur umbótahópsins er að skapa menningu stöðugra umbóta innan Samgöngustofu sem og að auka ánægju starfsfólks og viðskiptavina með aukinni skilvirkni í daglegum störfum. Hlutverk hópsins er einnig m.a. að:

• greina og meta þörf á fræðslu fyrir starfsfólk varðandi umbótamiðaða menningu, breytingastjórnun, jákvæða vinnustaðamenningu o.fl. 
• leggja fram tillögur að átaksverkefnum
• hvetja starfsfólk til þátttöku og skráninga í ábendingakerfið Bendil
• vera vakandi fyrir úrbótatækifærum í daglegu starfi

Hér má sjá nánar um hlutverk umbótahópsins. 

Umbótahópinn skipa:

Davíð Jón Rikharðsson

Díana Björk Eyþórsdóttir

Jón Gunnar Jónsson

Ólöf Friðriksdóttir – ritari

Leifur Gústafsson

Una Björg Einarsdóttir – formaður

Þú?

Þau sem geta hugsað sér að tilheyra umbótahópnum, taka þátt í kraftmiklu umbótastarfi og taka þátt í því að stuðla að menningu stöðugra umbóta mega senda tölvupóst á una.b.einarsdottir@samgongustofa.is fyrir miðvikudaginn 15. maí 🙂

Samgöngustofa tekur þátt í morgunfundi Vegagerðarinnar á morgun, 7. maí. Umfjöllunarefni fundarins er öryggi starfsfólks við vegavinnu. Þar verður kynnt vitundarátakið; Aktu varlega! – mamma og pabbi vinna hér, flutt stutt erindi um reynslu fólks af því að starfa í nálægð við þunga umferð og Gunnar Geir mun kynna og sýna nýtt myndband um akstur gegnum vinnusvæði.

Morgunfundurinn fer fram kl. 9-10:15 í húsakynnum Vegagerðarinnar, Suðurhrauni 3 í Garðabæ.
Einnig verður fundurinn í beinu streymi.