Author: Bjarklind Björk Gunnarsdóttir

Samgöngustofa tók í dag þátt í forvarnardegi ungra ökumanna sem haldinn var í 88 húsinu í Reykjanesbæ. Auk Samgöngustofu var Lögreglan með erindi og einnig fulltrúi frá TM og Reykjanesbæ og svo var veltibíllinn á staðnum. Í lok dagsins var sviðsett slys eins og sjá má á myndunum sem fylgja fréttinni. Þar mátti sjá viðbragðsaðila bregðast við slysi, lögreglan fjarlægði manneskju úr bíl sem var ofurölvi og slökkviliðið klippti hurð af bíl til þess að ná í einstaklinga sem voru þar fastir inni. Góð stemming var á deginum og ungmennin áhugasöm um þetta mikilvæga málefni

Tökurnar sem farið var í á Keflavíkurflugvelli eru hluti af ljósmyndarverkefni Samgöngustofu. Markmið verkefnisins er að byggja upp ljósmyndabanka með myndum sem tengjast starfsemi stofnunarinnar. Starfsfólk Samgöngustofu getur nýtt þessar myndir í kynningarstarfi, á samfélagsmiðlum og annars staðar þar sem þörf er á faglegum ljósmyndum af starfseminni. Við þökkum starfsfólki sem tók þátt í þessu verkefni enn og aftur fyrir þátttökuna, virkilega skemmtileg stemming myndaðist í kringum það. Myndbönd voru tekin af stemmingunni á bakvið tjöldin í tökunum og fyrsta myndbandið er komið inn á samfélagsmiðlana okkar.

Hér má sjá fyrsta myndband af nokkrum sem sýnir frá tökudegi á Keflavíkurflugvelli.

Um helgina 17. og 18. stendur mikið til hjá bifhjólafólki með þátttöku Samgöngustofu – bæði norðan og sunnanlands. Bifhjólasamtök Lýðveldisins Sniglar og Tían standa fyrir Vorfagnaði bifhjólafólks á Akureyri á laugardag klukkan 14:00. Á sunnudag verður svo árlegur Vorfagnaður bifhjólafólks haldinn við Ökuskóla 3 í Hafnarfirði. Að því standa Sniglarnir, Kvartmíluklúbburinn, Ökuskóli 3 og Ökukennarafélagið ásamt Samgöngustofu. Dustað verður rykið af reynslu bifhjólafólks og lúnir liðir og viðbragð liðkað til svo auknar líkur séu á að allir geti átt öruggan og ánægjulegan akstur í sumar. Hér má sjá myndband frá vorfagnaði síðasta árs en talið er að um 300 manns hafi mætt þá.

Samgöngustofa þátt í forvarnadegi fyrir unga ökumenn sem haldinn var í Menntaskólanum að Laugavatni rétt fyrir páska. Dagurinn byrjaði á umferðarfræðslu frá Samgöngustofu, lögreglu og 112 og lauk þannig að slys var sviðsett þar sem nemendur fengu að fylgjast með viðbragðsaðilum bregðast við slysi.

Það er fagnaðarefni þegar framhaldsskólar leggja mikinn metnað í umferðarfræðslu fyrir unga fólkið. Það er svo mikilvægt að ná til þeirra á þeim aldri þar sem mörg þeirra eru að taka bílprófið. Með degi sem þessum vonumst við til að auka skilning unga fólksins á mikilvægi þess að taka skynsamar ákvarðanir í umferðinni.

Svona flottir dagar verða ekki til án virkilega góðrar samvinnu margra ólíkra aðila. Við þökkum skólanum og viðbragðsaðilum fyrir frábært samstarf.

Þetta árið hefur Samgöngustofa tekið þátt í forvarnadögum fyrir unga ökumenn á nokkrum stöðum um landið. Þátttaka Samgöngustofa var í formi umferðaröryggis fræðslu ásamt aðstoð við skipulagningu þar sem þess var þörf. 

Forvarnadagarnir byrja á umferðarfræðslu frá ólíkum aðilum og lýkur þannig að slys er sviðsett þar sem nemendur fá að fylgjast með viðbragðsaðilum bregðast við slysi.

Það er fagnaðarefni að fleiri framhaldsskólar séu farnir að leggja mikinn metnað í umferðarfræðslu fyrir unga fólkið. Það er svo mikilvægt að ná til þeirra á þeim aldri þar sem mörg þeirra eru að taka bílprófið. Með degi sem þessum vonumst við til að auka skilning unga fólksins á mikilvægi þess að taka skynsamar ákvarðanir í umferðinni.

Svona flottir dagar verða ekki til án virkilega góðrar samvinnu margra ólíkra aðila. Hverjir standa að deginum er ólíkt á hverjum stað fyrir sig en viðbragðsaðilar og skólinn leika þar aðalhlutverk. Við þökkum öllum þeim sem komu að forvarnadögunum í Akranesi, Borgarnesi, Reykjanesbæ og á Grundarfirði fyrir frábært samstarf.

Í ljósi nýlegrar umfjöllunar fjölmiðla um aðgang Samgöngustofu að sjúkraskrám, vill stofnunin koma eftirfarandi upplýsingum á framfæri. Aðeins yfirlæknir flugsviðs Samgöngustofu hefur aðgang að sjúkraskrám og engir aðrir starfsmenn stofnunarinnar hafa haft eða hafa slíkan aðgang. Yfirlæknir flugsviðs Samgöngustofu vinnur eftir ströngum verklagsreglum og tilgangur skoðana í sjúkraskrá er að leggja mat á heilsufarsgögn umsækjanda um heilbrigðisvottorð fyrir flugliða og flugumferðarstjóra sem og læknaskýrslur fyrir öryggis- og þjónustuliða. Mikilvægt er að yfirlæknir hafi nauðsynleg gögn til þess að leggja mat á heilbrigði umsækjanda um heilbrigðisvottorð, um er að ræða mikilvægt flugöryggismál og mjög strangar kröfur gilda um heilbrigði flugliða, flugumferðarstjóra og þjónustu- og öryggisliða.

Margir góðir viðburðir verða í Evrópskri samgönguviku sem hefst mánudaginn 16. september og stendur til 22. september, en þema vikunnar að þessu sinni er Almannarými – virkir ferðamátar.

Frá árinu 2002 hafa borg og bæjarfélög á Íslandi tekið þátt í samstilltu átaki sveitarfélaga í Evrópu til að ýta undir sjálfbærar samgöngur. Umhverfis- orku og loftslagsráðuneytið hefur umsjón með vikunni á Íslandi.

Markmið vikunnar er að kynna íbúum í þéttbýli samgöngumáta sem eru allt í senn eru vistvænir, hagkvæmir og bæta heilsu fólks um leið og þeir hafa jákvæð áhrif á umhverfi og andrúmsloft.

Viðburðir verða haldnir á vegum félagasamtaka og sveitarfélaga, en nálgast má upplýsingar um dagskrá vikunnar á vef Stjórnarráðsins, á heimasíðum sveitarfélaganna, auk Facebook síðu vikunnar.

Samgöngustofa mun svo standa fyrir Umferðaþingi föstudaginn 20. september.

Vikan endar svo á Bíllausa deginum, 22. september, þegar almenningur er hvattur til þess að skilja bílinn eftir heima og til að auðvelda það verður frítt í landsbyggðarstrætó og í strætó á höfuðborgarsvæðinu.

Dagskrá Evrópskrar samgönguviku 2024

Samgöngustofa tók í dag þátt í forvarnardegi ungra ökumanna á Akranesi sem haldinn var í Menntaskóla Borgarfjarðar.

Dagurinn hófst þannig að allir nemendur skólans komu saman á sal og hlustuðu á þrjá fyrirlestra. Auk Samgöngustofu var Lögreglan og Neyðarlínan með erindi. Í lok dagsins var sviðsett slys eins og sjá má á myndunum sem fylgja fréttinni. Þar mátti sjá viðbragðsaðila bregðast við slysi, slökkviliðið t.d. klippti hurð af bíl til þess að ná í einstaklinga sem voru þar fastir inni. Það þurfti mikla samvinnu ólíkra viðbragðsaðila til að allt gengi vel upp sem það gerði. Það var einnig frábært að einn slökkviliðsmaðurinn var í krana og sá yfir allan vettvanginn og lýsti fyrir nemendum hvað væri í gangi. Eftir þetta fóru allir aftur inn og gafst nemendum tækifæri til að ræða við viðbragðsaðila og aðra sem stóðu að deginum.

Virkilega lærdómsríkur dagur að baki og ungmennin áhugasöm um þetta mikilvæga málefni.

Hér er hægt að sjá myndband frá deginum.

Í júlí og ágúst hófu fjórir nýir starfsmenn störf hjá Samgöngustofu.

Árni Elvar Emilsson starfar sem skipaeftirlitsmaður og er staðsettur á 3. hæð.

Dagný Björnsdóttir starfar sem fulltrúi í skráningar og þjónustudeild og er staðsett á 1. hæð. 

Guðrún Birna Jóhannsdóttir starfar sem sérfræðingur í deild stjórnunarkerfa og alþjóðamála og er staðsett á 3. hæð.

Gyða Marín Bjarnadóttir starfar sem sérfræðingur í mannauðsdeild og er staðsett á 2. hæð.

Tökum vel á móti þeim 🙂

Nú í sumar er Samgöngustofa í samstarfi við Bylgjuna og fleiri aðila um umferðaröryggisvitundarvakningu. Vefborðar með umferðaröryggisskilaboðum hafa verið birtir á visir.is og víðar og sömuleiðis hafa verið spilaðar stuttar auglýsingar á Bylgjunni þess efnis. Að auki fjallar dagskrárgerðarfólk Bylgjunnar, FM957 og X977 daglega um átakið og kemur þannig mikilvægum skilaboðum til skila í allt sumar.

Á samfélagsmiðlum Samgöngustofu er í gangi leikur þar sem hægt er að vinna Innipúkabrúðu. Endilega takið þátt og bendið fólki á að taka þátt í kringum ykkur sem gæti langað í Innipúka.

Hlekkur á leikinn á Instagram

Hlekkur á leikinn á Tiktok

Hlekkur á leikinn á Facebook

Samgöngustofa heldur Umferðarþing föstudaginn 20. september 2024 í Gamla Bíói.

Að þessu sinni verður þemað samspil ólíkra vegfarendahópa. Munu fulltrúar vegfarendahópa greina frá sínum fararmáta, hvað er gott við hann og hvaða áskorunum þau mæta. Er ætlunin að allir vegfarendahópar geri sér grein fyrir sérstöðu og áskorunum hvers annars og munu þá öll vonandi sýna hvert öðru betri skilning í umferðinni. Markmiðið er að gera umræðuna lausnamiðaða og því höfum við fengið ríkissáttasemjara með okkur í lið. Hann mun leggja línurnar fyrir daginn og er ætlunin að nýta hans aðferðarfræði við að ná árangri. Einnig mun hann stýra pallborði í lok þingsins.

Samgöngustofa og Sjóvá eru farin af stað með nýja herferð sem ber heitið “Ekki taka skjáhættuna.” Hún minnir okkur á hvað það er fáránlegt að leyfa símanum að stela athyglinni frá akstrinum og stofna þannig öryggi okkar og annarra í hættu.

Á heimasíðu herferðarinnar má finna leiðbeiningar um hvernig er hægt að stilla snjallsíma á akstursstillingu. Það er ein leið til að hjálpa okkur að standast freistinguna að fara í símann undir stýri. Þegar síminn er stilltur á akstursstillingu þá kveikist sjálfkrafa á stillingunni þegar við erum að keyra og við fáum engar tilkynningar í síman. Þetta er ein leið til að hjálpa okkur að standast freistinguna.

Við hvetjum starfsfólk til að taka þátt í herferðinni með því að dreifa þessum mikilvæga boðskapi sem víðast og hvetja fólkið í kringum ykkur til að sleppa símanum og stilla símann á akstursstillingu.

Hér er hlekkur á heimasíðu herferðarinnar.

Samgöngustofa og Sjóvá eru að fara af stað með nýja herferð á morgun eins og kom fram í föstudagskaffinu síðasta föstudag. Herferðin ber heitið “Ekki taka skjáhættuna” og markmið hennar er að fá fleira fólk til að sleppa símanum undir stýri. Hún minnir fólk á hvað það er fáránlegt að leyfa símanum að stela athyglinni frá akstrinum og stofna þannig öryggi okkar og annarra í hættu. Samhliða herferðinni munum við vekja athygli fólks á því að í öllum snjallsímum er hægt að stilla símann á akstursstillingu sem er ein leið til að hjálpa okkur að standast freistinguna að fara í símann undir stýri.

Í kvöld verður Þórhildur samskiptastjóri gestur í Kastljósi ásamt lögreglunni að ræða áhættuna sem fylgir símanotkun undir stýri. Þar verður herferðin einnig frumsýnt.

Við hvetjum starfsfólk til að taka þátt í herferðinni með því að dreifa þessum mikilvæga boðskapi sem víðast, að sleppa símanum undir stýri. Herferðinni má þó ekki dreifa fyrr en á morgun.

Í gær fór fram vorfundur hjólreiðafólks í Flugröst. Fundurinn var hugsaður sem vettvangur fyrir skoðanaskipti og deilingu upplýsinga er varðar hjólreiðar milli hjólreiðafólks og opinberra aðila. Reykjavíkurborg og Vegagerðin voru með erindi um þær framfarir sem orðið hafa á innviðum og vetrarþjónustu hjólreiðafólks og góðar umræður voru í kjölfarið um það sem betur má fara.