Í föstudagskaffinu í morgun nutum við ljúfra jólatóna með söng og gítarundirspili Raven, en það er listamannsnafn söngkonunnar og lagahöfundarins Hrafnhildar Magneu Ingólfsdóttur.
Áhugasöm geta hlustað á tónlist hennar á Spotify, einnig er hægt að finna hana á Facebook, Instragram (@itsmusicbyraven) og Tiktok. Raven er með krúttlegt jóladagatal þar sem hún syngur eitt jólalag á dag, hægt að hlusta og horfa á Tiktok og í highligts á Instagramminu.
Í vikunni fór fram fundur vinnuhóps innan Evrópu um flutning á hættulegum varningi í flugi. Þar var farið yfir alþjóðlegar kröfur sem gilda um málaflokkinn, innleiðingu þeirra og eftirfylgni reglugerða um umbúðir, merkingar og meðhöndlun hættulegra efna. Vinnuhópurinn hittist tvisvar á ári og miðlar upplýsingum og ræðir leiðir til að auka öryggisráðstafanir og bæta neyðarviðbrögð komi til slyss.
Hér er hlekkur á spurningar dagsins: https://forms.gle/fCqY4b77rhWi4kX36
Hér er hlekkur á spurningu dagsins: https://forms.gle/9uAJU8HyTsBjhzsHA
Eins og fram kom í síðustu viku, tók Ísland þátt í árlegri samningaráðstefnu ICAO. Tilgangurinn er gerð tvíhliða samninga ríkja um flugsamgöngur og þar með aukinn markaðsaðgangur fyrir íslensk fyrirtæki í flugrekstri. Loftferðasamningar eru forsenda fyrir starfsemi þessara fyrirtækja erlendis. Misjafnt er hversu víðtæk réttindi er kveðið á um í samningum Íslands. Meira um það má lesa hér.
Á ráðstefnunni voru gerðir nýir samningar við nokkur ríki á borð við Antigva og Barbúda, Kosta Ríka og Úganda. Einnig voru undirritaðir samningar við nokkur ríki sem áður hafði náðst samkomulag við og samningaviðræður hafnar við önnur ríki.
Ísland hefur nú gert loftferðasamninga við vel yfir hundrað ríki. Samningaviðræður fara fram í samráði við íslenska flugrekendur.
Hér er hlekkur á spurningu dagsins: https://forms.gle/PiYVoh7keDjvye1VA
Núna rétt í þessu kom út nýtt myndband í jóladagatali Samgöngustofu á Instagram. Umfjöllunarefnið í myndbandinu er mikilvægi þess að fara varlega á rafskútum. Við fengum m.a. Hjalta Má Björnsson yfirlækni bráðamóttöku Landspítala með okkur í lið til þess að fjalla um þetta mikilvæga málefni.
Hér er hlekkur á myndbandið, endilega takið þátt í leiknum og hjálpumst að við koma þessum mikilvægu skilaboðum til sem flestra.
Hér kemur hlekkur á spurningu dagsins: https://forms.gle/QBKBq18BBcab6iCa6
Nú er jóladagatal Starfsfólks Samgöngustofu rétt hálfnað. Nóg af vinningum eru enn í pottinum og hvetjum við starfsfólk til að taka þátt. Hér koma rétt svör og vinningshafar hingað til!
Fyrst var spurt um hraða beltasleðans í Ökuskóla 3 en rétt svar var 5 km hraði. Vinningshafi fyrsta dagsins var hún Sædís Jónasdóttir en hún var dregin úr hópi þeirra sem svöruðu þessari spurningu rétt.
Næst var spurt út í umferðarmerki en það var hún Margrét Birna Björnsdóttir sem var vinningshafi þann daginn. Hún svaraði þeirri spurningu rétt, umferðarmerkið var Umferðarljós (viðvörunarmerki).
Afmælisdagur samgöngustofu er 1. júlí og urðum við 10 ára á þessu ári. Hún Gerður H. Sigurðardóttir svaraði þeirri spurningu rétt, komst í pottin og stóð uppi sem vinningshafi þess dags.
Hafdís Bára Ólafsdóttir svaraði því rétt að eftir 18 tíma erum við orðin jafn slæmir bílstjórar eins og einhver sem er undir áhrifum. Hún var dregin úr hópi þeirra sem svöruðu rétt og hlaut vinningin þann daginn.
Dröfn Gunnarsdóttir hlaut verðlaunin þegar spurt var um sigurvegara jólaskreytingarkeppninnar 2022. Rétt svar var gangur 3-A (gangurinn sem í ár er tene jól).
Á föstudaginn var svo aftur spurt um umferðarmerki og rétt svar er Hægri beygja bönnuð (Bannmerki – það eina sem er með skástrikið niður til vinstri í stað niður til hægri). Vinningshafi föstudagsins var hann Kolbeinn Arnarson.
Takk fyrir frábæra þátttöku, höldum áfram í stemmingunni fram að jólum!
Farsýslan langar að þakka fyrir samveruna á laugardaginn í dásamlegu veðri í Guðmundarlundi. Gleðin skein úr hverju andliti og ungir sem eldri nutu sín í Jólaskógi með Skjóðu, Langlegg og jólasveinunum. Hér fyrir neðan eru nokkrar myndir frá skemmtuninni.
Jólakveðja,
Farsýslan
Heil og sæl kæru vinir og samstarfsfólk. Þessa vikuna langar mig að segja ykkur frá póstlistum, notendahópum og staðfestingu lesturs í CCQ.
Notendahópar eru skilgreindir af gæðateymi eftir þörfum og óskum. Þeir eru heppilegir til þess að skilgreina hópa eftir sviðum, deildum og öðru. Þegar fyllt er inn í lýsigögn óútgefins gæðaskjals er hægt að setja einstaklinga eða notendahópa á póstlista. Þegar skjalið er svo gefið út fá allir einstaklingar sem eru á póstlistanum meldingu í tölvupósti um að skjalið hafi verið gefið út. Þau sem eru að einhverju leyti ábyrg fyrir eða þurfa að þekkja ákveðið gæðaskjal eiga almennt að vera á póstlista gæðaskjalsins. Þessi virkni hentar vel til þess að sá til þess að deildir eða svið séu með á nótunum varðandi útgáfu nýrra gæðaskjala.
Staðfesting lesturs er annar svipaður fítus sem hægt er að skilgreina í lýsigögnum gæðaskjals. Hann virkar svipað eins og póstlistarnir, þar er hægt að skilgreina einstaklinga eða notendahópa og viðkomandi einstaklingar fá meldingu í tölvupósti um að gæðaskjal sé útgefið nema hér er farið fram á að notendurnir ýti á hnapp og staðfesti þar með lestur gæðaskjalsins. Stjórnendur geta fylgst með staðfestingu lesturs á þeim gæðaskjölum sem þau gefa út og passað að starfsfólk sé “up to date” í gæðamálum að hverju sinni.
Til þess að halda utan um staðfestingu lesturs á þeim gæðaskjölum sem starfsfólk þarf að hafa lesið mæli ég með því að stilla lesborðið þannig að það sýni hvaða skjöl á eftir að staðfesta lestur á. Hægt er að sjá leiðbeiningar til þess að stilla lesborð í síðasta gæðamola vikunnar. Fyrir nýtt starfsfólk eða aðra sem eiga eftir að staðfesta lestur á mörgum skjölum mælum við í gæðateyminu með því að lesa þau jafnt og þétt. Ef þú ætlar að borða fíl, þá er eins gott að taka marga litla bita. Eitt skjal á dag kemur skapinu í lag!
Eftir hverju eru þið að bíða? Lesið og staðfestið!
Hér kemur hlekkur á spurningu daginsin: https://forms.gle/SAudKhx34CTUgWxs6
Æsispennandi jólskreytingakeppni er nú lokið og liggja úrslitin fyrir. Dómnefndin veitti viðurkenningar í allskonar skemmtilegum flokkum, til dæmis fyrir jólalegasta starfsmanninn og bestu múturnar. Sigurvegari keppninnar er að þessu sinni jólamarkaðurinn á gangi 3b. Til hamingju!
Hér er hlekkur á spurningu dagsins: https://forms.gle/4pxU3LCGCtHTqHNUA
Fyrir rúmlega ári skrifuðu Jón Gunnar og þáverandi forstjóri Eurocontrol undir aðlögunarsamning Íslands að stofnuninni. Þar með fengum við sæti áheyrnarfulltrúa og þátttökurétt í verkefnum og starfsemi Eurocontrol að sama marki og aðildarríki. Nú í vikunni skrifaði Sigurður Ingi innviðaráðherra svo undir stofnsáttmála stofnunarinnar. Eftir samþykktarferli íslenskra stjórnvalda mun Ísland því fá fulla aðild að Eurocontrol frá 1. janúar 2025 og verður þá 42. aðildarríkið.
Eurocontrol er evrópsk milliríkjastofnun sem hefur frá stofnun árið 1960 haft markmið um stuðning við flug og flugleiðsögu í Evrópu. Samgöngustofa tekur þátt í starfinu fyrir Íslands hönd. Með aðild fáum við aðgang kerfum, gagnabönkum, greiningarvinnu, tæknilausnum, þjálfun og stuðningi við ýmsa þætti flugmála sem snúa að rekstrarstjórnun flugumferðar, rekstri flugvalla, skilvirkni, öryggi og netvernd svo nokkuð sé nefnt.
Hinn 7. desember ár hvert er alþjóðaflugmáladagurinn hafður í heiðri í öllum aðildarríkjum Sameinuðu þjóðanna. Tilgangur hans er að vekja athygli á mikilvægi almannaflugs fyrir félagslega og efnahagslega þróun ríkja og um leið hlutverk ICAO (Alþjóðaflugmálastofnunarinnar) um samvinnu þjóða í flugi. Í tilefni dagsins flöggum við fána ICAO hér í Ármúlanum.
Hér er hlekkur á spurningu dagsins 7. desember: https://forms.gle/USZU9LobDeRiXjSy5
Við hvetjum þig til að taka þátt í jóladagatalinu. Möguleiki á vinningi á hverjum degi!
Hér er hlekkur á spurningu dagsins: https://forms.gle/q836aXzKDNNjx2U58
Þessa dagana stendur yfir í Saudi-Arabíu ráðstefnan ICAO Air Services Negotiation (ICAN2023).
Tilgangur ráðstefnunnar er að vinna í samstarfi við íslenska flugrekendur, að loftferðasamningum við önnur ríki þar sem þeir eru ekki til staðar og uppfæra eldri samninga. Ávinningurinn eru auknar heimildir til flugs sem geta komið Íslandi og íslenskum fyrirtækjum til góða. Þriggja manna sendinefnd sækir fundinn af hálfu íslenskra stjórnvalda.