Við höfum undanfarnar vikur fylgst spennt með litlum þrastarhjónum koma ungum á legg á snilldarlegum stað hér í Ármúlanum. Hreiðrið er í góðu skjóli fyrir veðri og vindum auk þess sem mávar og kettir áttu ekki séns í að klófesta ungana þarna. Uppeldið gekk einstaklega vel því á föstudaginn voru þeir allir farnir að brölta. Þeir hafa svo notað tækifærið um helgina til að æfa vængina og láta sig hverfa út í sumarið. Vettvangsferð um skotið á jörðu niðri sannaði að enginn ungi hefur brotlent þar. Vonandi fljúga þeir allir nú sprækir um loftin blá og njóta blíðunnar!
Hreiður til sölu, kostar eina tölu…
