Hin langþráða Skúta hefur verið tekin í notkun. Skútan er nýtt tölvukerfi fyrir skipaskrá og lögskráningar sjómanna sem hefur verið lengi í smíðum en er loks komin í loftið. Hún gerir kleift að fylgja alþjóðlega viðurkenndu fyrirkomulagi um skipaskoðanir, gefur möguleika á stafrænni útgáfu til framtíðar og auðveldar eftirlit. Vaskur hópur starfsfólks hjá Samgöngustofu hefur unnið hörðum höndum að verkefninu sem nú hefur litið dagsins ljós. Til hamingju!
