Í gær var haldið kveðjuboð fyrir Sverri Konráðsson, en hann hætti störfum nú í sumar vegna aldurs eftir langan og farsælan feril. Sverrir starfaði óslitið í þágu sjófarenda frá árinu 1998, fyrst hjá Siglingastofnun Íslands og síðar Samgöngustofu. Hjá Samgöngustofu var hann sérfræðingur um verkefni tengd siglingaöryggi og upplýsingagjöf um siglingamál, einkum á alþjóðavettvangi. Við þökkum Sverri fyrir gott og árangursríkt samstarf og óskum honum gæfu og gengis.
