Í morgun kom umhverfis- og samgöngunefnd Alþingis í heimsókn. Á fundinum kynnti Jón Gunnar stefnu og starfsemi stofnunarinnar og sagði frá ýmsum umbótaverkefnum sem hér eru í gangi. Fulltrúar nefndarinnar, þingmenn úr öllum flokkum, voru áhugasamir og spurðu margra spurninga. Leiddu þær til gagnlegra umræðna um þau fjölbreyttu verkefni sem hér er sinnt í þágu samfélagsins. Heimsóknin hingað var sú fyrsta í fundaröð nefndarinnar með stofnunum á málasviði hennar á þessu hausti.
