Á föstudaginn stóðum við fyrir umferðarþingi. Yfirskriftin var: Saman í liði – Samspil ólíkra vegfarendahópa. Fulltrúar ólíkra vegfarendahópa komu saman og greindu frá ólíkum áskorunum. Mikið var lagt uppúr því að umræður dagsins væru lausnamiðaðar og til þess fallnar að auka skilning og samvinnu í umferðinni.
Ríkissáttasemjari var með hugvekju í upphafi dags og setti tóninn fyrir daginn. Bæði með lausnamiðaðri aðferðafræði sinni en svo tók hann einnig lagið með Svandísi Svavarsdóttur Innviðaráðherra, við góðar undirtektir gesta. Í lok dags stýrði hann svo pallborðsumræðum þar sem fulltrúar vegfarendahópanna áttu gott samtal um lærdóm dagsins og mikilvæg næstu skref.
Að sjálfsögðu voru svo vöfflur á boðstólum eins og venja er þegar vel gengur hjá ríkissáttasemjara.
