Umferðarsvið hefur haft forgöngu um birtingu tölfræði á sérstökum skýrsluvef, sem er aðgengilegur innan Samgöngustofu. Þar má finna margvíslegar upplýsingar sviða og deilda sem fróðlegt er að kynna sér. Nú hefur í fyrsta skipti verið gerð árssamantekt fyrir umferðarsvið, vegna ársins 2023. Skiptist hún í annars vegar samantektina sjálfa og hins vegar töluleg gögn ársins. Þarna má uppgötva ýmislegt sem við vissum ekki áður. Til dæmis fóru 63.352 símtöl í gegnum skiptiborðið í fyrra og við fengum 37.225 heimsóknir í móttöku. Stafrænum eigendaskiptum ársins fjölgaði um 15% en nýskráningar ökutækja drógust saman um 2%. Bara svo nokkuð sé nefnt. Áhugafólk um tölfræði mun ekki bíða boðanna með að skoða þessa flottu samantekt ársins 2023.
