Eyjólfur Ármannsson, innviðaráðherra, hefur skipað starfshóp sem á að leggja fram aðgerðaáætlun til að efla strandsiglingar við Ísland. Markmiðið er að draga úr álagi á þjóðvegum og minnka umhverfisáhrif.
Starfshópnum er ætlað að skila tillögum fyrir 1. desember 2025. Í honum sitja m.a. fulltrúar frá Samgöngustofu, Vegagerðinni, Samtökum atvinnulífsins og Samtökum verslunar og þjónustu. Jón Gunnar Jónsson er fulltrúi Samgöngustofu í starfshópnum.
